2 Kor. 9:8 - Sumi Naga CL (Re-edited) Bible (BSI)

⁸ Eno Alhou ye kupukuno shi nongu kümghatsü kulupu ani, tishianguno ado kümtsü lo kiukiu lomu nongu no avehupu shikeu lukümkha shilu nani, eno akümla kivi kümtsü lo nongu ye ikoishelu nani.

BAIBEL (BSI)

⁸ Alhou ye nonguno avehupu shi akeu eno tinguno alau ghi tsukulupu anike tishianguno nonguno kiu avehupu shinikeno tipau thwokha aghilupe eno akumla kivipu ghenguno lukumkhashi tsupeniyeke.

Sümi Tiqhelimi Bible

⁸ Eno Alhou ye kupukuno shi nongu kümgha tsülu nani, tishianguno thowkha kümtsü lo eno ado aghuloki kümtsü lo nongu no avehupu shikeu kümtsü aghílu pe nani eno nongu ye akümlà kivipu kümtsü lo kupukuno shi küsajelu nani.

2 Kor. 9:8 Iomraidhean Croise

YEKIKITHI AKINIU 25:9

Amaziah no Alhou timi vilo pi, “Tishiaye ghükayi ahu 3,400 I no Israel ghüshimi tsüve keu ye kishiveni kea?” Alhou timi no khochile, “Ampeu ye hinguno akichiu o tsülu nani.”

LESHELE 84:11

Kughengu Ampeu Alhou ye khetsünhe eno azüto ke; Ampeu no kikimiye eno agigihu pesü tsücheni. Khunono müzüchoi xücheni keno pano launo thime kivi kiumu süchileve chemoe.

AHOLE 10:22

AMPEUw kükümgha no kinikülü tsü cheni; eno Pa ye tipau lo amlo ghime küphatsü chemoe.

AHOLE 11:24

Khami ye kümsano tsüve namu alau kinimi shi, khamiu ye tsükepu shi akeu süchileve keghi aqüagha shi cheni.

AHOLE 28:27

Kumlhomi tsü chekemi ye püqüve mo nani ikemu anhethi miyi luve chekemi ye timi kutomo no ghusho nani.

AHOLE 3:9

O küakini eno o u ghülo pekighi amsüu pesü Ampeu gihulo;

HAGAYI 2:8

Ghükayi eno ameshoyi ye Iw ke, aqokitikhi Mpeu no sheshu.

MALAKI 3:10

Chighi saje kümtsü Iw pekükütsüki lo süghilo, tishianguno I ki lo achuqupu apenie. Tithiuno I no nongu ghenguno atsütsü lashe khaqhi tsüno nongu no lukümkha shimoke kutolo kükümgha lepiqi tsü nani mala I pejulo, aqokitikhi Mpeu no pi.

Apostolmi 9:36

Joppa lo akhopemi totimi lakhi Tabitha, pekide kelo Dorcas ipikeu ae. Li ye akümla kivi eno kumlhomi tsükinimi ke.

1 Kor. 15:58

Tighenguno, I qhuu I thiküzümiqo, mtotoi puthugholo, itha kevilo, alhokuthu Ampeu kümla pekho tsüalo, kughengu Ampeu lau mlaitha akeu ye adou shivemo nanie pi nongu no ithi anie.

2 Kor. 13:3

kughengu Khristo no I vecheo kiu pi ani keno nongu no thopi khu ani. Pa ye nongu peitha kelo miqemlei ke kumoe ikemu akumtoshi nongu gholo ani.

2 Kor. 8:19

Tilikhi kumono athiküzüu ye ningu no Alhou juküvü ghenguno eno ni mlokütsü piyeni ke hi küpükini kümla shi akelo ni gholo kicheghüzü shipeniye akukuhouqo no süküsü shivae.

2 Kor. 8:2

kughengu aghime kitikhi no peju kelo, panongu lokivi ye kije eno aqüagha no ihulo akeghi panow tsü-jekini yeliqole pephe piye ke.

2 Kor. 8:7

Nongu no thokha lo akighiche shiche ketoi—aküpülü lo, atsapi lo, akighithi lo, puloniqhiyi keu lo, eno niw kikimiye nongu lau akeu lo—küpükini kümla hipau lo ghi nongu ye akighiche shinike pükapütsa lo.

2 Kor. 9:11

Nongu pelo ala thokha lo tsü-jekinimi shi penike ala thokha lono kinikülü shilupe nani, eno ni vecheo nongu no Alhou shikimthilu nani.

Ephesiami 2:10

Kughengu Alhou ye ningu pelo Khristo Jisü gholono Pa no azünatha kughu püake toi akümla kivi mlalu eno tipa lalo cheche peniye ningu pulhosüe, ikehu ningu ye Paw kütshakügha kümla ke.

Ephesiami 3:20

Itehi ye khuu no ningu gholo Pa kükakumto pesü mla akeu vecheo ningu no qhüiniju momu kümsü akeu nguno alau kupukuno shi tsülu nani keno,

FILIPIAMI 4:11

Ni ye athokha shi aniye pi anike kumoe, kughengu kiu kiu tüqhüdo lo anamu ni ye aloqiqhiyi nikeu shika luvae.

Kolosiami 1:10

tishikeu lono nongu pelo qhoi Ampeu lopushi ameküapu küxü xülu: akümla kivi kümtsü lo athi pithilu eno Alhou kighithi ikowolu peni;

2 Thes. 2:17

Pa no akümla eno atsa kivi pesü nongu mlo lokughuno tsüno shikumto tsü apeniu.

2 Tim. 2:21

Tighenguno khukhumu alhoksa lono pa shikimthe luve aye, pa ye akhoto vehu lo peitha chekeu thime toi kishekimthepe aki Mpeu vehupu lo peitha kivishi akümla kivi ghenguno kutope qhinani.

2 Tim. 3:17

tishianguno Alhou timi pelo shitsa shilu no akümla kivi kümtsü lo kupukülailu peniye ke.

Titus 2:14

Khristo no kixikila kümla kümtsü lono ningu qhüchile lunike Pa küxü tsüve, eno akivi kümla shinike khelho chekemi pesü Pa mheghi shi shikimthe luve.

Titus 3:14

Niw timiqo pelo amlo tsüqhiyi akümla kivi shikalu pelo, tishikeu lono avehu küküha küxü xümono avehupu shikütü akemi kuphulu peni.

Titus 3:8

Akipitsa hi ye ameküapue, ni ye o pelo hipaqo pikichichi apenishi ani, tishikeu lono khunono Alhou pülüluve akeno panongu pelo tsaqüi akümla kivi lo amlotsü penishi ani. Hipaqo ye timi ghenguno akighiche eno ala shikulupu anike.

1 Peter 4:10

Milakhikhi no Alhouw küpükini gho ithulu püake toi, tipaqo peitha kithimi shino lakhino lakhi huthu kilelo: