2 Kor. 8:7 - Sumi Naga CL (Re-edited) Bible (BSI)

⁷ Nongu no thokha lo akighiche shiche ketoi—aküpülü lo, atsapi lo, akighithi lo, puloniqhiyi keu lo, eno niw kikimiye nongu lau akeu lo—küpükini kümla hipau lo ghi nongu ye akighiche shinike pükapütsa lo.

BAIBEL (BSI)

⁷ Nonguye thwokhalo: akupululo, atsapilo, akighithilo, kuphunishi kutukeulo eno nonguno ningu kimiyekeulo namu akini boghi shi acheni, titoi kimiyekeu kumla hipaulo ghi nongu kini boghi shi akeu pephepiyelo.

Sümi Tiqhelimi Bible

⁷ Ikemu nongu no aküpülü lo, atsapi lo, akighithi lo, pulopiniyi keu lo eno ningu no kikimiye nongu lolo küyiqü tsü keu thowkha kümtsü lo akiqheu shi akeu ghenguno tsükini-jekini kümlà hipau ghí akiqheu shini ke jukuto lo.

2 Kor. 8:7 Iomraidhean Croise

MATTHEW 25:22

Tithiu ghüka 2,000 tsükeu qeu ghi ighi no pi, ‘Ampeu, nono ghüka 2,000 I tsükelo I no ghüka 2,000 ala süküpha luke hi anie.’

Rommi 15:14

I thiküzümiqo, ni ampi no nongu ye akivi no chhitoi, akighithi no qochili, eno lakhino lakhi qophelu nanie pi chilu kelo nongu ghenguno aghakiqishi ani.

1 Kor. 1:5

kughengu nongu ye Pa launo atsapi eno akighithi kümtsü lo kinikülü shilue—

1 Kor. 12:13

Kughengu Aghungu lakhi lono ningu kümtsü aphimpi lakhi lo baptiz shisüe—Jewmi momu Greekmi na, aqüaxemi momu ghoshixümi namu—eno kümtsü pelo tipau Ghungu yelu peke.

1 Kor. 12:8

Kughengu milakhi lau Aghungu vecheo alokütsü tsa pikulupu tsü püani, eno lakhiu lau Aghungu tipau no akighithi tsa pikulupu tsü püani,

1 Kor. 13:2

I no tungkuptsa pikulupu küka aghi no tuqhou küsü püakeu ngo akighithi jeli kümtsü vethalu, eno naghutoqo tukiqhelu kepu küpülü aghi namu kikimiye küha aye, ni ye kiumu kumoe.

1 Kor. 13:8

Kikimiye ye khilemu kishekhave chemoe. Tungkuptsa ghi hauve nani, amilikithe tsa eno akighithi ghi kishekhave nani.

1 Kor. 14:12

Tihutoi nongu ghi Aghungu kümla pephe penishi khelho ani kehu akukuhou shiqhe pukukeu lo akiqheu shinike pükapütsa lo.

1 Kor. 4:7

Khuu no nongu ye kütami nguno paküta kepi ithulu kea? Nongu ye Alhou launo ithulu mokeu kiu ani kea? Nongu no ithulu püaghi aye, ti ye kümsagho kumo kesheno nongu ye kushiye qheza cheni kea?

2 Kor. 7:7

pa ikighi likhino kumoe ikemu nongu no kishi pa lokughunotsü keno tipa ghengu ghike, eno nongu no kiutoi I sasü kushoni shi, I ghenguno mloqa eno minemighei ani keno pa no ningu vilo pi kelo ni ye alau alovi kitheke.

2 Kor. 8:6

Ikehu ningu no Titus vilo pa no huthuphe ketoi nongu gholo hi küpükini kümla ashehove tsülopi pa hakite ke.

2 Kor. 9:14

Ikehu Alhou no kimghi mlakeu küpükini nongu tsükeu ghenguno panongu no nongu ghenguno inikhu kelo nongu kimiyeqhiyi nani.

2 Kor. 9:8

Eno Alhou ye kupukuno shi nongu kümghatsü kulupu ani, tishianguno ado kümtsü lo kiukiu lomu nongu no avehupu shikeu lukümkha shilu nani, eno akümla kivi kümtsü lo nongu ye ikoishelu nani.

Ephesiami 4:29

Shiküpsapu tsa ye nongu kichi lono piphe kevilo, ikemu atüqhüdo kiqi lono shiqhe kilelu kepu tsa akivi likhi pilo, tishianguno chikulumi no kümgha keu shilu nani.

FILIPIAMI 1:11

Jisü Khristo launo ighikeu mikucho xathi huno nongu shepichhi pe Alhou juküvü eno shekiqhe shilu penie.

FILIPIAMI 1:9

I no ishi inikhu cheni: nonguw kikimiye ye alaushi akighithi ngo kiviküsa kimchikulu gholono ikowolu peni;

2 Thes. 1:3

Athiküzümiqo, ningu ye alhokuthu nongu ghenguno Alhou shikimthi tsü akepu, ti ye achipi ke, kughengu nongu küpülü ye alau thuiku ani, eno lakhino lakhi lau kikimiye akeu ikowolu ani.

2 Tim. 2:1

Tishiaye, I nu, no ye Khristo Jisü gholo küpükini akeu vecheo mtotoi shilo,

IBRIMI 12:28

Tighenguno ningu süküghütha mlakeu yekipe ithulu ke ghenguno shikimthi ani nolo, tishikeu lono msaighü qhiyi Alhou lau ikhikulupu kümlla shini nolo,

1 Peter 1:22

Nongu no kuchou lau aghokulu shikeu vecheo aküsami dolo kimiyekile nike nongu ampi shikimtheve akehu, amlo tsüghükhüi shino kuchou no lakhino lakhi kimiye kilelo,

2 Peter 3:18

Ikemu ni Mpeu eno Xakuluu Jisü Khristow küpükini eno Pa kighithi lono thuwu alo. Itehi eno lhokta tsala kutolo Pa lau ajekipi shilo. Amen.

Piyeküsü 3:17

Kughengu no ye anguküsapu, itamjui, akukujopu, aqüaghapu, anhethi iche eno aphikümsa shi animu mtha püzü ishi picheni, Ni ye küakini kütsasa kughuko luvae, eno kiumu avehupu shiamoe.