2 Kor. 7:10 - Sumi Naga CL (Re-edited) Bible (BSI)

¹⁰ Kughengu Alhou küdau no amloghime peitha luve keu no aküxü xaidelu no xakulupu lo sawu cheni eno tile kümsüchile kepu kühae, ikemu ayeghilo mloghime no akithi süghi cheni.

BAIBEL (BSI)

¹⁰ Kughengu Alhou launo amlo ghime peithaluvekeu huye akuxu xakidelukeu sughitsu cheni, tino xakulupu lau sawu cheni eno tipau loye amlo ghimepu kuhake. Ikemu ayeghilo gholauno amlo ghime shikeu huye akithi sughi cheni.

Sümi Tiqhelimi Bible

¹⁰ Alhou lau no ighi keu mloghime ye amlo pebidelu keu süghi cheni eno tipau no xakulu laghi lo sawu cheni eno kiumu kümsüchile akepu qhitsü chemoe, ikemu ayeghilomi ghola mloghime ye akithí süghi cheni.

2 Kor. 7:10 Iomraidhean Croise

BOTHUBO 30:1

Kughou Rachel no Jacob nuli punu mlave keno, li no pafo ju anheshuve. Li no Jacob vilo pi, “Anuli I tsülo, tikumo aye ni ye thivenie!”

SAMUEL AKINIU 12:13

David no Nathan vilo pi, “Ampeu zülo I no axine shivae.” Nathan no pa vilo pi, “Ampeu no o xine peve tsüae; no ye thimo nani.

SAMUEL AKINIU 13:4

Pa no Amnon vilo pi, “O akükau nu, no ye kushiye inaqhe atsütsü agiküzü shi chenia? I vilo pimo keshea?” Amnon no pa vilo pi, “Ni ye I thiküzüu Absalom chepu kimiye anie.”

SAMUEL AKINIU 17:23

Kughou Ahithophel no pa kükümsü lumokeu ithive keno, pa no paw khurha lo ikuve no pa ghüna lo wove. Pa no pa ki hekütsüve no pa likhi pa tshüqhi pithive, eno pa ye papu kumoki lo shiqhove.

KUKAMI ATUGHIU 21:4

Naboth no pikeu tsa chilu no Ahab ye ighono amloqi mono agha idesü aki lo ilove kughengu Naboth no pa vilo, “Ni ye I puasüqo mheghi o tsümlae” ipike. Eno pa züalo ihozü no pa gi kughope kiumu chumove.

LESHELE 38:18

I no I kipimi piphe ani; I xine ghenguno ni ye amlo imevae.

AHOLE 15:13

Agi qhaqhilei keu huno aloviqhiyi akeu mlo piye cheni, ikemu amloksa vecheo anguagha thibuive tsü cheni.

AHOLE 15:15

Anguküsami ye aküxü tivilo ado lhoksa likhie, ikemu amlo qhaqhilei kemi ye alokivishi chusho acheni.

AHOLE 17:22

Aloqhaqhilei keu ye küsüvi kivi, ikemu anguagha thibui keu ye aghi-anhü pithive tsücheni.

AHOLE 18:14

Timi lolo xünishi keu kupulo no küsükini puqhelu cheni, ikemu anguagha chunudave aye khuu no puqhe luni kea?

YETSAPIU 7:3

Amloksa no akunu nguno akiviue; kughengu agi khümüi keu no amlo lopiqi tsücheni.

JEREMIYA 31:9

Panongu no qasü ighi nani, I no panoqo saghi kelo kimiye tsü penike qhüiniju nani, I no panongu sasü aghoki phivi lono chewu nani, panongu no akümzü la lo küpxamo no wunani, kughengu Ni ye Israel Papu eno Ephraim ye I nu anoghiu ke.

EZEKEL 7:16

Tsala khuana ghülu kemi no pokalu aye, panongu ye naghutoqo lo wuve nani, akhila lo amiqhi toi panongu milakhikhi no pütüta kipimi ghenguno mloqa nani.

JONAH 3:10

Kughou panongu no küsakügha laghi lono xaide ighi akeu Alhou no ithulu keno, Pa no panoqo lau amhekiqi süghini piakeu süchileve, eno Pa ye tipau shimove.

JONAH 3:8

ikemu timi eno tüghashi ghi yeqhiyephi pepuni, eno Alhou lau akumtoshi ighamkuni. Kümtsü no paw küsakügha laghi eno kütsakungo keu lono xaideghi lo.

JONAH 4:9

Ikemu Alhou no Jonah vilo pi, “No ye atsünibo ghenguno amloide akepu keshea?” Pa no pi, “Iyei, ni ye amloide akeu pavie, thiveni keu mlokighide pavie.”

MATTHEW 26:75

Eno Jisü no pikeu tsa Peter no kümsüchilelu, “Awudu no igha mphilo no ye ni mthae pi ghuthu küthü milive nani.” Peter no khalau ipeve no amloiju qae.

Luke 15:10

Tihutoi I no nongu vilo piani, axinemi lakhi no xaidelu keu lo Alhouw kungumi gholo ghi alokivi kije acheni.”

Luke 18:13

Ikemu zame küqhau ye putou pa kütashi puthughope pa kütsü mu peqhemo no pa mla kukhu ghi pi, ‘Alhou, ni axinemi kimiyekütü tsülo!’

Apostolmi 11:18

Panongu no hi chilu kelo inaqhoive, eno Alhou sheqhe ghi pi, “Tishiaye Alhou no Jewkumomi lau ghi aküxüpu lo wulu kepu xaidekulu tsüvae.”

Apostolmi 3:19

Tighenguno xaidelo, eno nongu xine nuxave tsü penike tsüghü ighilo,

2 Kor. 12:21

Kughou I no ighini keno I Lhou no itaghi nongu zülono I shikuchuni nikeu ni ye msa ani, eno khunono azüuno axine shive no mithekumo, kipti-toti dolo xine eno ghasü kümla xine shi püakeu lono xaidelu mphi keno panongu ghenguno mloqa masani cheni.

2 Kor. 7:9

Ikehu nongu mlo ghujuve ke ghenguno kumono nongu mloghuju lono xaidelu kehu ni ye alovi ani.

IBRIMI 12:17

Nongu no ithi anino tithiu pa ye kükümgha lunishi kelauno anhezü piji phuju kemu milive, kughengu pa ye xachilelu kepu dokivi phumlave.

SAMUEL ATUGHIU 30:6

David ye ighono avesave, kughengu timi kümtsü no pano tianuli ghenguno alolo kukhukimji shi akehu atu pesü pa veqhiveni piuve. Ikemu David no Ampeu pa Lhou launo pa ampi shikumto luve.