2 Kor. 7:1 - Sumi Naga CL (Re-edited) Bible (BSI)

¹ Kimiye chekemiqo, ningu lau pikiqhitsa hipaqo anike ghenguno ni phimpi eno aghungu shipixi chekeu kümtsü shikimtheve no Alhou sükümsa lono akimtheshi kupukülai luni nolo.

BAIBEL (BSI)

¹ Nikusamiqo, piqhipuakeu hipaqo ye nisala ghenguno aphiashi eno angu gha kitiqeve mono thwokhalo akimthe kupukulu shinike Alhou sukumsa lono xuni nolo.

Sümi Tiqhelimi Bible

¹ Tighenguno kimiye chekemi shompamiqo, ningu ye pikiqhi hipaqo ani kehu Alhou gihu keu ghenguno thowkha lo akimthe kupukülai shini ke aphimpi ngò aghungu shikuchubeve chekeqo thime kümtsü lau no ningu likhi ningu shikimtheveni nolo.

2 Kor. 7:1 Iomraidhean Croise

YEKIKITHI AKINIU 19:9

Pa no azah panongu tsü: “Nongu ye Ampeu sükümsa, amikucho eno amlo kuchou no hitoi shilo:

LESHELE 119:9

Lhothemi lakhi ye kishino pa laghi mqhamqhilu nani kea? O tsa kiqi lono pa laghi jukuto keu vecheo ke.

LESHELE 19:9

Ampeu sümsa keu ye mithe mithei, alhokupuju ache nani; Ampeu yezah ye kuchou, eno thokha lo achipiue.

LESHELE 51:10

Amlo kimthe I lolo lhosü tsülo, O Alhou, eno achipiu ghungu I lolo sütsülo.

AHOLE 16:6

Iqemokeu kikimiye ngo pükhükulu vecheo axine pevetsü cheni, eno Ampeu sükümsa vecheo alhoksa lono tsüghülu cheni.

AHOLE 20:9

“Ni ye I xine shikimthe luvae; I mlo ye tsüghükhüivae,” ipi khuu no pilu nani kea?

AHOLE 30:12

Khami ye pano xine no kuchhube kütsüla shi akeghi mithemighei aketoi kümsü cheni.

AHOLE 8:13

Ampeu sükümsa kiqi ye alhoksa mithini keu ke. Ni ye aqheküza, akülaki, eno alhoksa laghi ngo sabideve keu tsapi mithi cheni.

YETSAPIU 11:10

O mlo lo kütakihi keu ikhive lo, eno o phimpi lono aküsü ikhive lo, kughengu alhothe küxü ghi adoue.

ISAIAH 1:16

Nongu ampi qhuve eno shikimthe lulo; I nhethe lono nongu kümla lhoksa pevelo; alhoksa kümla tavelo,

ISAIAH 55:7

Kixikilami pelo pa küxü ghola pheve pelo, eno achipi kumomi pelo pa kükümsü kilive pelo; pa pelo Ampeu lau ideighive pelo tishianguno Ampeu no pa shou kimiyekini apenike, eno ni Lhou lau ideighi pelo kughengu Pa ye akipimi qhivetsü nani.

JEREMIYA 13:27

I no ow kuchhube kümla, o shupu asalha eno akimine, atoghi lo nono kütüqha keu ithuluvae. O Jerusalem, o hasapue! Khitohi no ye mithe mono anani kea?”

JEREMIYA 4:14

O Jerusalem, o xalu pekepu shi o mlo lono alhoksa qhuvelo. Khitohi o lolo kixikila kükümsü pekütsü püani kea?

ACHINE 13:58

Ikemu akughumho akeu nhemgha qhuve kethiu hauve aye, itaghi qhu kitheni, eno ti ye mithe luve niae.”

MATTHEW 12:33

“Asübo lakhi ye pa xathi lono ithi cheni kehu akivishi asübo mlaphe no axathi kivi pithilu pelo, tikumo aye asübo alomo keu huno axathi ghi lhoksa pithi nani.

MATTHEW 5:48

Tighenguno kungugha lo nongu Papu no kupukülai ketoi nongu ghi kupukülai masae.

MATTHEW 5:8

“Amlo tsüghükhüi kemi kümghapue, kughengu panongu no Alhou ithulu nani.

Apostolmi 9:31

Judea, Galilee, eno Samaria qha kümtsü lo akukuhou ye iqüghai keu do sholu eno shikumtolu ae. Ampeu sükümsa lono chewu eno Aghungu Kimthe no shikumto keu vecheo ikowolu.

Rommi 5:20

Ayezah ye akipimi kighisheni ke iloghi, ikemu khile axine kighishe keno küpükiniu no alau pofushi kithe,

1 Kor. 6:20

kughengu nongu ye ame no qhüluvae. Tighenguno nongu phimpi lono Alhou juküvüpu shilo.

2 Kor. 1:20

Kughengu Alhou shoqhi kümtsü Khristo lau no Iyei pilu cheni. Ikehu Pa vecheo nino Alhou lau Pa juküvüpu shi Amen ipi cheni.

Ephesiami 2:3

ningu kümtsü ghuthu lakhi loye tipaqo gholo pitipüza ashi pulou shiche, aphimpi eno akükümsü no mine keu ghakiqipu shiche, eno ashi lomi toi ningu lhoaye no aloghu puni keu tianuli shi ache.

1 Thes. 3:13

tishianguno ni Mpeu Jisü no Pa küpülümi sasü ighi kelo, Pa no nongu mlo pesü ni Pu Alhou zülo tukutiye küha no akimthe shitsü peni.

1 Thes. 4:7

Kughengu Alhou ye mithemo peniye ningu kuluke kumoe, ikemu akimthe shi peniye ke.

1 Thes. 5:23

Aloinokütsü Lhou ampi no nongu shikimthetsü peni, eno ni Mpeu Jisü Khristo ikighi lo nongu ghungu, angulho eno aphimpi kümtsü tukutiye kühano aghi peni.

IBRIMI 12:23

Nongu ye Alhou nuli anoghimi khunoqo je kungugha lo yepüani keno tipaqo mqo lo, kümtsü shou Küghaküthau Alhou lau, eno Alhou zülo kupukülaive kemi amikuchomi ghungu lau ighivae.

IBRIMI 12:28

Tighenguno ningu süküghütha mlakeu yekipe ithulu ke ghenguno shikimthi ani nolo, tishikeu lono msaighü qhiyi Alhou lau ikhikulupu kümlla shini nolo,

IBRIMI 4:1

Tighenguno Alhou kulhokiqhi-a lo iloni ke piqhi püakeu tüqhüdo lo ningu msaighüni nolo, tikumo aye kutou milakhi nomu ti tomlave nosae.

IBRIMI 6:9

Kimiye chekeqo, nino hipa gholau no pi animu nongu vehu loye hinguno akiviu—xakulupu thebei ani.

James 4:8

Alhou lau kupunu ighilo eno Pa no nongu kupunu ighi nani. Nongu axinemiqo, nongu u qhukimtheve lo, nongu amlo kini kupumiqo, nongu mlo shikütsüghüve lo.

1 Peter 1:15

ikemu Khuu no nongu kulu keno Pa no akimthe ketoi nongu süqesüli kümtsü lo nongu ghi akimthe shilo,

1 Peter 1:17

Nongu no Apu Khuu agiju mono kümtsü lau pütüta kümla kiqi lono küghathabe cheni keno Pa lau inikhu acheni aye, now kupokiche küxü tivilo Pa sümsaqhiyi keu süqesüli pepulo,

1 Peter 1:22

Nongu no kuchou lau aghokulu shikeu vecheo aküsami dolo kimiyekile nike nongu ampi shikimtheve akehu, amlo tsüghükhüi shino kuchou no lakhino lakhi kimiye kilelo,

1 Peter 2:11

Kimiye chekemiqo, I no nongu hakite anike kupokichemi eno haküghütsüve kemi akehu ashi lo pitipüza keu lhoaye khikhi nongu ngulho sasü aghüshi acheni keno tipaqo launo putosü lulo.

1 Peter 5:10

Nongu no ado kitila imeve kethiu, kikimiye küpükini kümtsü akeu Lhou, Khuu no Khristo vecheo Paw lhokta juküvü lo nongu kuluve akeno, Pa ampi no nongu pesü atho puthotsü, aküpülü iqhikumto tsü, aküka tsükithe, eno aboqha kumto lo shosü nani.

1 John 1:7

Ikemu Pa no aküvü lo ache ketoi ningu ghi aküvü lo cheche aye, ningu ye lakhino lakhi sasü kuposhulu ani eno Pa Nu Jisü ji no axine kümtsü launo ningu shikimthe tsülu ani.

1 John 1:9

Ikemu ningu no ni xine pipheve aye, Pa ye pükhükulupu eno achipiu kehu ni xineqo qhivetsü no alhoksa kümla kümtsü launo ningu shikimthelu nani.

1 John 3:3

Eno khuu no Pa lau lajube cheni keno Pa no akimthe shike toi pa ghi pa ampi shikimthe luve cheni.