2 Kor. 6:4 - Sumi Naga CL (Re-edited) Bible (BSI)

⁴ ikemu Alhou qemi kehu alaghi thokha lo ningu ampi no kichekipiye shicheni: aghime lo, akijiksapu lo, amhekiqi lo shishe puqhekulu shicheni,

BAIBEL (BSI)

⁴ Tishinike zuqhulo, ninguye Alhou qemiqo kehu alaghi thwokhalo ningu likhi ningu jukutokughoyi acheni; tiye akupuna puqhepekeulo eno akijikusalo kheakulushi cheni.

Sümi Tiqhelimi Bible

⁴ Tishini ke züqhulo, ningu ye Alhou qemiqo ke ghenguno ningu likhi ningu pesü alaghi thowkha lo kiche-kipiye shi acheni. Tiye aküpünaqo, aghime jeli eno amloküsa sholu kelo shishe kutuukulu shi cheni.

2 Kor. 6:4 Iomraidhean Croise

ISAIAH 61:6

Nongu ye Ampeu chinemi kepi ku nani, panongu no nongu ye Ni Lhou qemiqo kepi ku nani; nongu no shiye kütamiw kinikülü peitha nani, eno panongu jekipi shou no, nongu no akijivile nani.

JOYIL 1:9

Athi eno atsaizü kümllagho ye Ampeu ki lono süwuvae. Ampeu chinemi eno hukuthumi no mloqa anie.

JOYIL 2:17

Ahukikha ngo akiptia dolono achinemi, Ampeu qemi no qa ghi pilo, “O Ampeu, Ow timi kipimi qhitsü lo, eno O mheghi pesü shiyeqo zülo atichepu shivepe kevilo. Kushiye ashiaye zülono pano pelo ishi pi apeni kea, ‘Pano Lhou ye khile ani kea?’”

Luke 21:19

Nongu no kutuu puqhelu keu lono nongu ye aküxü achili shilu nani.

John 16:33

I no nongu vilo hipau pikeu ye I lau kimepe akeu lono nongu ye aloino apeniye ke. Ayeghi lo nongu ye aghime kitikhi sholu nani, ikemu amlo mtolo; ni ye ayeghiqha theqhi luvae.”

Apostolmi 2:22

“Israelmiqo, atsa hipaqo inilo, Alhou no Nazarethmi Jisü nongu lau kophe tsüno pa vecheo aküka kumto, akümzapu eno amchipu kümla shikeu nongu ampi no ithi ani.

Apostolmi 20:34

Nongu ampi no ithi anike I u pesü ni eno I gholo kichemi vehupu kümtsü lo mlaitha cheke.

Apostolmi 9:16

Pa ye I je ghenguno khijehi ime masa keno I no pa piye nani.”

Rommi 14:18

Ikehu khunono hitoi Khristo qeni keno Alhou zülo ikhikulupu eno timi mlokiqipu shilu ani.

Rommi 16:10

Khristo laumi shiluvepe keu Apelles lau petha tsülo. Aristobulus no kibolomi lau petha tsülo.

Rommi 3:5

Ikemu ni mikuchokumo no Alhou chipiu-mikucho mtsümishei piyelu cheghi aye, ningu ye kiu pinia? Alhou no ni shou aloghu pukuni keu ye achipi kumoe pi nanio? (Ni ye timi gholau no pi anike.)

Rommi 5:8

ikemu Alhou no Paw kikimiye ni ghenguno akeu piye anipi nino axinemi shiaphi lou no Khristo no ni ghenguno thive tsü.

1 Kor. 3:5

Imaye Apollos ye kushi kemi eno Paul ye kushi kemi kea? Pama ye aqemi, eno Ampeu no pichetsü ketoi pama vecheo nongu no pülülue.

1 Kor. 4:1

Ningu ye Khristo qemi eno Alhouw tuqhou jukükütsümi kepi nongu ye kihitsü kepue.

1 Kor. 9:11

Nino aghungu piti nongu gholo xusü kelo nongu launo ni phiashi tucho kepu thime lukeu ye ihulo keshea?

2 Kor. 11:23

Panongu ye Khristo qemi keshea? Niu no akiviue—ni ye izüuve kemi toi pi auvae—panongu nguno niu no alau aghime shipüani, ghuthu kutomo akughu shipüani, pikhakümla kitihe chupüani, eno ghuthu kutomo thiveni cheghi püani.

2 Kor. 11:27

ghichheghime lo ghuthu kutomo zühu püamoe, amzü atüghü lo ghuthu kutomo achuqupu ithulu püamoe, akicheqho kühano aphikümsa shipe püani.

2 Kor. 11:9

Kughou I no nongu gholo akeno kiuala avehupu namu ni ye khumu shipüna püamoe, kughengu Macedonia lono athiküzümi ighi keqo no I vehupu kümtsü kumkho tsü. Ikehu ni ye kiu lonomu nongu ghime püamo eno ghimemo nani.

2 Kor. 12:10

Ikehu Khristo ghenguno miqemlei keu, thaigha keu, aghime, kijipüsa keu, eno amhekiqi sholu kelo ni ye aloqiqhiyi cheni. Kughengu kughou I no miqemlei ani keno, tileno ni ye mtotoilu cheni.

2 Kor. 12:12

Kuchou apostolmie pikeu michipu pephe ghi nongu gholo kutuokutuu amchipu ngo akümzapu eno akichiqhipu kümla shipüani.

2 Kor. 2:17

Kughengu ningu ye timi kutomo no shiche ketoi, Alhou tsa jekuchumi kumoe, ikemu Alhou zülo amlo tsüqhiyi kemi, Alhou no puwu kemi kehu ningu ye Khristo pulou lono picheni.

2 Kor. 3:6

Pa no ni pelo puloshoqhi akitheu qemi shilupe, ti ye akiye lono kumoe ikemu Aghungu lono ke. Kughengu akiye huye akithi ke ikemu Aghungu no aküxüpu tsü cheni.

2 Kor. 4:17

Kughengu hi ado ikhonhei aghimepu sholu akeu huno ningu ghenguno kiunomu kimghi mla keu lhokta juküvü kutotsü ani,

2 Kor. 4:2

Ikemu ningu ye tuqho-tugho eno akukujopu kümla qhikhavae. Ningu ye mqümgha momu Alhou tsa süchighive chemo, ikemu pekiphe shi kuchou ghili pikeu vecheo ningu ye Alhou zülo ningu ampi pesü timiqo kiviküsa lokütsü zülo ikhiphetsü acheni.

2 Kor. 4:8

Alaghi thokha lono ningu tsadaqhi ikemu chunudave chemoe; phiküghüzü ikemu amlo hauve chemoe;

2 Kor. 7:11

Alhou küdau no amloghime peitha luve keu no nongu lolo kiu iqüphevetsü akeno julo: nongu kipimi kühakeu piyeni ke alokümsü shikeu, pimive kemi shou axuide keu, alhoksa shou piqepuloi lukeu, khekulho shikeu, amlo tsüqhiyi keu, eno alhoksau ghime keu! Hi kümtsü lo nongu no pimi püamo keu piyevae.

Kolosiami 1:11

Pa juküvü kumto lono aküka kümtsü pesü nongu shikumto luno alokivi shi thokha puqhelu eno kutuulu peni;

Kolosiami 1:24

Nongu ghenguno itehi I no aghime sholu akelo ni ye alovi ani, eno I phimpi lono Khristo no pa phimpi, ti ye akukuhou, ghenguno aghime shiwo tomono akeu I no shikupu tsü ani,

1 Thes. 3:7

Ikehu athiküzümiqo, akiqi hipau ghenguno ni veküsa eno aghime lo nongu küpülü no ni lokughuno tsüke.

1 Thes. 5:14

Athiküzümiqo, nino nongu hakite ani, akipichimi lomipi lo, amlo kulotimi shikumto lo, miqemlei kemi kuphulo, panongu kümtsü lau kutuu kulu shilo.

1 Tim. 2:15

Ikeghi totimi no aghibiu lono aküpülü, kikimiye, eno akimtheshi xü aye, panongu ye atianuli punu keu vecheo xaluve nani.

1 Tim. 4:6

Nono akükütsü hipaqo pesü athiküzümi lau tsülu aye, no ye Khristo Jisü qemi kivi lakhie, ti ye aküpülü tsa ngo akülü kuchou, nono pepimhe chekeu huno o qophe püakeu lono ke.

1 Tim. 6:11

Ikemu, no Alhou timi, no ye hipaqo lono polulo. No ye amikucho, Alhou sükümsa, aküpülü, kikimiye, ithamokeu, akümtsha püzülo.

2 Tim. 1:8

Tishiaye, ni Mpeu shepe shinike ghenguno kujomza kevilo momu pa ghenguno I no akughushi akeu jupe kujomza kevilo, ikemu atsakiviu ghenguno aghime shikeu lo Alhou küka kumto lono asaje lulo,

2 Tim. 2:24

Ampeu qemi ye mtomshu kepu kumoe, ikemu kümtsü lau kikimiye piye kepu, shikükami shilu masa, kheakulu shimasa,

2 Tim. 4:5

Ikemu nou ye alhokuthu lo tsaqütsalei lo, aghime puqhelo, tsavipemi kümla shilo, eno Alhou qemi kümlapu shikupu lo.

IBRIMI 12:1

Tighenguno, thopimi aqokitikhi kije no ningu sühope ani kehu, ningu ghi ape kimshi jeli, eno axine khikhino tsatsai ningu tsüghave cheni keno tipaqo xaqhiveni nolo, eno ningu zülo kuto tsükeu kupo kheakulu shi poni nolo.

Piyeküsü 1:9

Jisü laumi shino aghime kitikhi shi Alhou kükaqha ghenguno kutuokutuu puqhe chekeu nongu küsau eno athiküzüu, ni John, ye Alhou tsape eno Jisü shepekishi ghenguno Patmos ipikeu züdoyeghi lo ake.

Piyeküsü 3:10

Nono I tsa papelu ghi kutuokutuu puqhelu ke ghenguno ayeghiqha lo xüküami pejuni ke aveküsa tüqhüdo aqha kümtsü lo chekeu lono Ni ghi o süsholu nani.