2 Kor. 6:10 - Sumi Naga CL (Re-edited) Bible (BSI)

¹⁰ amloime ketoi anamu alhokuthu alovi cheni; kumlhomi toi anamu timi kutomo pesü kinimi shitsü cheni; kiumu küha ketoi keghi thokha kümtsü acheni.

BAIBEL (BSI)

¹⁰ amlo ghimepu shitsu anamu ninguye pulhapuju alovi acheni; kumlhomi toi anamu timi kutomo pelo kinimi shilupe acheni; kuha ketoi anamu ninguye thwokha aghi cheni.

Sümi Tiqhelimi Bible

¹⁰ amloghimepu shi anamu alhokuthu alovishe acheni; athokha kemu kutomo pelo kiními shilu pe cheni; kiumu küha kemu thowkha kümtsü pighilu acheni.

2 Kor. 6:10 Iomraidhean Croise

LESHELE 84:11

Kughengu Ampeu Alhou ye khetsünhe eno azüto ke; Ampeu no kikimiye eno agigihu pesü tsücheni. Khunono müzüchoi xücheni keno pano launo thime kivi kiumu süchileve chemoe.

AHOLE 13:7

Khami ye kiumu kühamu kinimi ghili shicheni, khami ye kumlhomi ghilishi anamu küakini kütsasa acheni.

AHOLE 16:16

Alokütsü ithulu keu no ameshoyi nguno kishi akiviu kela! Ghükayi nguno vethakulu kishelu keu pavibei ke.

MATTHEW 5:12

Alovilo eno amlokiqi shialo, kughengu kungugha lo nongu saxü ye kije ani, eno nongu lau shike toi panongu ye nongu züu tungkupmi ghi ghimeqhi püanike.

MATTHEW 5:4

“Khunono mloqa cheni keno akümghapue, kughengu panongu lokughuno tsünani.

Luke 6:21

“Nongu khunono itehi müzüthi ani keno akümghapue, kughengu nongu ghapiqi tsü nani. “Nongu khunono itehi mloqa ani keno akümghapue, kughengu nongu ye alovi nu nani.

John 16:22

Tihutoi nongu ghi itehi ye amloksa shiani, ikemu ni ye itaghi nongu kusholuni aphi, nongu no alokivi shinani, eno khunomu nongu lokivi süwuve tsümla nani.

Apostolmi 16:25

Zübumta lo Paul ngo Silas pama no Alhou lau akighini shi ale phe akelo akughumi kütami no inia,

Apostolmi 3:6

Ikemu Peter no pi, “Nikujo ye ghükayi na ameshoyi namu kühae, ikemu I no kiu ani keno o tsüni. Nazarethmi Jisü Khristo je lono ithu no alache lo!”

Apostolmi 5:41

Apostolmi no hoho zülono cheve no Jisü je ghenguno akukujo ithulu küzüpu shikehu alokivi shive.

Rommi 11:12

Imaye pano kipimi no ayeghiqha kümghapu shilu, eno pano kutokumo no Jewkumomi kümghapu shilu aye, Israelmi kümtsü kihisü luveni keloye tinguno alau khije ta akümghapu shinani kelae!

Rommi 12:15

Khunono alovi aghini keno, pano gholo alovi küqhalo, eno mloqa aghi kemi gholo mloqa küqhalo.

Rommi 15:13

Nongu no pülü akeu lo lajupu tsü chekeu Lhou no alokivi eno aloino keu kümtsü pesü nongu shepichhi tsü peni, tishianguno Aghungu Kimthe küka vecheo nongu ye lajupu no qochili apenie.

Rommi 8:32

Pa likhi Pa Nu ghi süchile mono ningu kümtsü ghenguno pephetsü püaghi aye, tipau gholono Pa ye itaghi thime kümtsü pesü kümsa lono ningu tsümoni keshea?

Rommi 9:2

ike ni ye amloksa kije eno tamomithe iju keu huno I lolo ani.

1 Kor. 1:5

kughengu nongu ye Pa launo atsapi eno akighithi kümtsü lo kinikülü shilue—

2 Kor. 2:4

Kughengu nongu mlo küsapu shitsüni ye kumono nongu pelo Iw kikimiye kupukuno nongu lau akeu ithi penike ni ye amlo ghime kije eno amlo ghuju ngo anhezü kipiji lono nongu lau yesü yepuwu ke.

2 Kor. 4:15

Hi kümtsü nongu ghenguno ke, tishianguno küpükini no timi lau alau ikowo kelo Alhou juküvüpu shi shikimthi kütsü ghi alau ikowo peniye ke.

2 Kor. 4:7

Ikemu ningu ye akini hipau aghani likoli lono ani, ti ye aküka akiqheu ye Alhouw kethono niw kumoe piniye ke.

2 Kor. 8:9

Kughengu nongu no Ampeu Jisü Khristow küpükini ithi anike Pa ye kinimi shi akeghi nongu ghenguno kumlhomi shive ke, tishianguno Pa qüagha vecheo nongu pelo kinimi shilu peniye ke.

Ephesiami 3:16

Pa juküvüpu kinikülü shi akeu kiqi lono Pa Ghungu pesü nongu lolo akeu mpi shikumto tsü peni,

Ephesiami 3:8

Niu no küpülümi kümtsü dolo akimkheu keghi, Khristow kihikhakümla kini pesü Jewkumomi lau pikülha peniye küpükini hipau I tsü,

FILIPIAMI 2:17

Tsala I küxü ji huno atsaizü kümllagho toi nongu küpülü ghakishi kümllagho shou lepuku kepu shive namu, ni ye amloqi nani eno nongu gholo alovi küqha nani.

FILIPIAMI 4:4

Alhokuthu Ampeu lono alovilo, I no itaghi pini: alovilo!

Kolosiami 1:24

Nongu ghenguno itehi I no aghime sholu akelo ni ye alovi ani, eno I phimpi lono Khristo no pa phimpi, ti ye akukuhou, ghenguno aghime shiwo tomono akeu I no shikupu tsü ani,

Kolosiami 3:16

Khristo tsa pelo nongu lolo kinikülü shi apelo, alokütsü lono shika eno qophe kile, nongu mlo lono Alhou shikimthi ghi leshele, akishe le, eno aghungulo le phelo.

1 Thes. 1:6

Nongu no ningu eno Ampeu kimihi shike, kughengu nongu no aghime kitikhi lono Aghungu Kimthe lokivi pesü atsakiviu ikhilu,

1 Thes. 5:16

Alhokuthu alovilo,

1 Tim. 4:8

Aphimpi qokiphe lo ame hami acheni aye, Alhou lau amlo tsükeu ye ala kümtsü ame ani, kughengu tino hipa yeghi lo küxü eno ighini keu küxü ghengu ghi piqhi püatsü anie.

1 Tim. 6:18

Panongu ye akivi mla masae, akivi kümla lo nibonilei masa, tsükinimi shimasa eno küsajeni keu lo kutope khemasae.

IBRIMI 10:34

Nongu no akughumi gholo ime küqha, eno alokivishi no küakini ghi sükishe luvetsü peke, kughengu nongu ye küakini akiviu eno pülhapuju acheni keu thime aphi kepi nongu no ithi ake.

James 2:5

I qhuu athiküzümiqo, inilo, Alhou no ayeghi lo kumlhomi kishelu no aküpülü lo kinimi shilupe eno Pa kimiyekemi tsüni keu shi piqhi püakeu kükaqha mheghi kiyighimi shilupe kekumo keshea?

1 Peter 4:13

Ikemu alovilo, kughengu atsa kuchou lo nongu ye Khristo ghime sasü küsajelu anike, tishianguno kughou Pa juküvü pepheni keno nongu ghi alovi eno amloqilu nani.

Piyeküsü 2:9

“‘I no ow küsakushu eno o qüagha ithi ani (ikemu no ye kinimie), eno khunono Satanw sinagogmi keghi akimki lono Jewmie picheni keno, panow piküptha ghi I no ithi ani.

Piyeküsü 21:7

Khuu no theqhi luni keno hipau mheghi ithulu nani, eno I no pa Lhou shino pa no I nu shinani.