2 Kor. 5:10 - Sumi Naga CL (Re-edited) Bible (BSI)

¹⁰ Kughengu ningu kümtsü Khristow küghakütha zülo puthugho masa nani, eno akivi na alhoksa namu pütüta no kiu mla püani keno tipau kiqi lono asaje ithulu nani.

BAIBEL (BSI)

¹⁰ Kughengu ningu kumtsu athono Khristo kughakutha zulo puthugho masa nani eno pututano kiu mla puani keno kivi kusa kiqi lono ithulupe nani.

Sümi Tiqhelimi Bible

¹⁰ Ningu lüthü lakhi-khi no ayeghi phimpi hipau lo ache kelo akivi kümlà momu alhoküsa kümlà mülàpüa keu jume ithulu penike ghenguno ningu kümtsü Khristo küghakütha lakhü zülo ighi moayesa nani.

2 Kor. 5:10 Iomraidhean Croise

BOTHUBO 18:25

Tikithipu shi amikuchomi pesü küsaküghami gholono pithiveni keu ye O launo putosüve lo, tishive aye amikuchomi ye küsaküghami paphi shivae! Ti ye O launo putosüve lo! Ayeghi kümtsü shou Xaküthau ye achipiu shimoni keshea?”

KUKAMI ATUGHIU 8:32

kungugha lono ini tsüno o qeu lau küghatha tsülo eno küqüve keu ghime lo, ikemu amikuchou ye pa mikucho kiqi lono asaxü tsülo.

KUKAMI ATUGHIU 8:39

O kungo-a kungugha lono ini tsüno akipimi qhitsü lo eno pütüta mlo Nono ithi akeu kiqi lono panongu lau mla tsülo (kughengu O likhi no timi kümtsü mlo ithi anie),

JOB 34:11

Kughengu milakhi kümla kiqi lono Pa no tsüchile nani; eno pa küxü laghi kiqi lono Pa no ajume tsünani.

LESHELE 62:12

eno O Ampeu, iqemokeu kikimiye Ow ke. Kughengu pütüta kümla kiqi lono Nono milakhikhi asaxü tsü nani.

LESHELE 98:9

Ampeu zülo ale phepe lo, kughengu Pa ye ayeghiqha shou küghathabe nike ighi ani. Pa no achipiu mikucho pesü ayeghiqha shou eno aghibiu lono timiqo shou küghatha nani.

YETSAPIU 11:9

O lhothemi, o lhothe lono alovi alo, o lhothe tsala lo o mlo no o lopivitsü apelo. O mlo eno o nhethi no o sache pelo. Ikemu hi kümtsü pesü Alhou no o shou küghathabe nani kepi ithilo.

YETSAPIU 12:14

Kughengu akivi na aküsa namu timi kümla kümtsü, tuqhou no mla püakeqo ghi, Alhou no küghakütha lo süghi nani.

EZEKEL 18:30

“Tighenguno, O Israel laghami, timi lakhikhi shou pütüta laghi kiqi lono I no küghatha nani, Ampeu Alhou no asheshu. Xaidelo, eno nongu xine kümtsü lono tsüghüve lo, tikumo aye axine no nongu kütsakungove nosae.

MATTHEW 16:27

Kughengu Timi Nu ye Papu juküvü lono paw kungumi sasü ighini cheni, eno pa no milakhi khino kiu mla püaghini keno tipau kiqi lono tsüchile nani.

Apostolmi 10:42

Pa no ningu vilo sheshu lopi azah tsü, eno Alhou no pa pesü küxümi ngo kithimi shou küghaküthau shi kishelu kepi ashepe shipenike azah tsüe.

Apostolmi 17:31

kughengu Pa no timi lakhi kishe püakeu vecheo amikucho lono ayeghiqha shou küghathabe nike atsala kihithavae; eno hi ye shinani pütsae pikeu shi Pa no timi hu akithi lono xüputhue.”

Rommi 2:16

I no atsakiviu pikülha chekeu kiqilo, kughou Alhou no Khristo Jisü vecheo timiw tuqhou jeli shou küghathabeni keno, tipa tsala lo hitoi shi nani.

Rommi 6:19

Nonguw vethakulu no mikhelo kehu ni ye tipau gholau no pi anike. Ghuthu lakhi lo nongu no niqhinilai keu eno Ayezah kiphikumo küdau nongu phiau pesü aqüaxemi shi tsükelo tiuno alau Ayezah kiphikumo lo sailove cheke toi, itehi ye nongu phiau shikimthe pe akimthepu lo peithalu kepushi Alhou chipiu qüaxemi shi ikhiphe tsülo.

1 Kor. 4:5

Tighenguno ado tomphi züuno eno Ampeu no ighi mphi lono küghathabe kevilo. Pa no aküzü lo küsü püakeqo aküvü lo süipeghi nani eno amlo lo kümsüpu akeu lhaphe piye nani. Tileno pütüta müzülo Alhou launo sheqhe kepu ithulu nani.

2 Kor. 7:3

Ni ye akipimi nongu tsüniye hipa tsa piamoe, ti ye I no püzüu no pive ketoi, akithi mu aküxü mu ningu kümtsani ke nongu ye ni mlo lo anie.

Ephesiami 6:8

Aqü-axemi na monamu pa no akümla kivi shipüa keu ye Ampeu no tsüchile nani kepi ithilo.

IBRIMI 9:27

Timi kümtsü ghuthu lakhi ye thive penike kughuve tsüae, eno tithiu no küghakütha ighi cheke toi,

1 Peter 4:5

ikemu panongu ye Khuu no küxümi ngo kithimi shou küghathani ye kutope ani keno Pa lau kihikülai tsü nani.

Piyeküsü 2:23

eno li laghami qhoi ghavetsü nani. Tileno akukuhou kümtsü no Khuu timi kükümsü-mlo lheju cheni keno Pa huye Ni kepi ithi nani, eno nongu lakhikhi lau pütüta kümla kiqi lono I no ajume tsü nani.

Piyeküsü 22:12

“Julo, Ni ye itheno cheni, milakhikhi no kiu mla püani keno tsüchile nike I no ajume pecheni.

SAMUEL ATUGHIU 2:10

Ampeu ghümi ye mukhumuno shive nani; Pa no atsütsü lono tsütsüsü panoqo mjo nani. Ampeu no ayeghi shekichi kutolo xaküthau shi nani; Pa no akumto pesü Pa kükau tsü nani eno Pa no nukishelu keu kibo süqhe nani.”

SAMUEL ATUGHIU 2:3

Aqheküza shi atsa pi akevilo, nongu kichi lo akumchho tsa ipeghipe kevilo; kughengu Ampeu ye akighithi Lhou ke, Pa vecheo akümla kümtsü huju cheni.