2 Kor. 4:6 - Sumi Naga CL (Re-edited) Bible (BSI)

⁶ Kughengu, “Aküzü lono aküvü vüipeghi lo,” ipikeu Lhou no Jisü Khristo gilo Alhou juküvü kighithi küvü tsünike ghenguno ni mlo lo yepüvü tsüke.

BAIBEL (BSI)

⁶ Ike, “Akuvuno akuzu lono vuipeghi pelo!” ipikeu Lhou no ni mlolo pa kuvu yepuvutsu puzu Alhou kimthe jukuvu kighithi kuvu Khristo gilo yevuqayi akeu ningu lau saghitsuniyeke.

Sümi Tiqhelimi Bible

⁶ Kughengu Alhou khuu no, “Aküvü pelo àküzǘ lono vüipeghi pelo,” ipi keno, Jisü Khristo gi lo Alhou juküvü pephe-piye keu ithilu kepu küvü ningu tsüní ke ghenguno pa küvü pesü ningu mlo lo yepüvü tsüke.

2 Kor. 4:6 Iomraidhean Croise

BOTHUBO 1:3

Ikelo Alhou no pi, “Aküvü alu pelo,” eno aküvü ye ipeghive.

LESHELE 63:2

Ikehu ni ye akimthe kilo O küka eno ajuküvü phuighi ke.

LESHELE 74:16

Tsüküvü tsüküzü tsala ghi Ow; Nono atsütsü lo aküvü eno khetsünhe ghope qhike.

LESHELE 90:16

O qemi lau O kümla piye tsülo, eno pano tianuli lau O juküvü küka piye tsülo.

ISAIAH 35:2

asayeqha no amlokiqi shi ale phe eno axamunu kupu toi juvi nani. Tino Lebanon eno Carmel ngo Sharon nguno alau juvive nani. Timiqo no Ampeu juküvü eno ni Lhou kükanguagha ithulu nani.

ISAIAH 40:5

Tileno Ampeu juküvü piye nani, eno timi kümtsü no tipau ithulu nani, kughengu Ampeu kichi no pivae.”

ISAIAH 45:7

I no aküvü ngo aküzü lhoke; I no kükümgha ngo amhekiqi lhophe ke; Ni Ampeu no hi kümtsü shicheni.”

ISAIAH 60:2

Julo, aküzü no ayeghi nhaluve nani, eno aküzü kutho no timiqo nhaluve nani, ikemu Ampeu no nongu shou yepüvü nani; eno Pa juküvü nongu shou akeu ithulupe nani.

Luke 10:22

I Pu no thokha kümtsü pesü I u lo süve tsüae; Apu likhino thono khumu Anu ye khuu keno mthae, momu Anu, eno khukhumu Pa no piyeni ke kishelu keu likhino thono khumu Apu ye khuu keno mthae.”

John 1:14

Atsa huno ashi shive no ningu gholo xü, eno ningu no Pa juküvü ithuluvae, ti ye Apu gholo Anu lakhi likhi akeu, küpükini ngo kuchou no chhitoi keu juküvü ke.

John 11:40

Jisü no li vilo pi, “Nono pülü aye Alhou juküvü ithulu nanie pi ni ye o vilo pike kumo?”

John 12:41

Isaiah no hipaqo pikeu ye pa no Jisü jekipipu ithulu eno pa ghili pike.

Apostolmi 26:18

panongu nhethi xükho tsüno no aküzü lono aküvü lo ipeghilu, eno Satan küka lono Alhou lau tsüghü ighilu, tishino panongu pelo axine qhikütsü ithulu no I lau aküpülü akeu vecheo shikimtheve kemi gholo a-a ithulu peni.’

1 Kor. 12:8

Kughengu milakhi lau Aghungu vecheo alokütsü tsa pikulupu tsü püani, eno lakhiu lau Aghungu tipau no akighithi tsa pikulupu tsü püani,

2 Kor. 2:10

Nongu no timi kipimi pevetsü keno, ni ghi pa kipimi pevetsü ani. Kuchou no I no akipimi pevetsü püaghi aye, I no kiu pevetsü akeno, ti ye Khristo zülono nongu ghenguno ke,

2 Kor. 3:18

Eno ningu khunoqo agi nhamo no Ampeu juküvü ithulu cheni keno, kümtsü ajuküvü lakhi lono lakhiu kutolo Pa jukimihi lo kilisüve tsü ani. Kughengu hi ye Ampeu khuu Aghungu keno, Pa launo ighi anike.

2 Kor. 4:4

Panongu ghengu ye hipa yeghi lo lhou no pülümokemi mlo kughupove tsüae, tishikeu lono panongu pelo Alhou jukimhiu Khristow ajuküvü tsakiviu küvü ithulu pemo niye ke.

Ephesiami 1:17

Ikehu ajuküvü Papu, ni Mpeu Jisü Khristo Lhou no alokütsü ngo piyeküsü ghungu pesü nongu tsüno Pa kighithi lo thuwulu peni;

Ephesiami 1:18

nongu mlo lo vethakulupu nhetsü qhino Pa no nongu kulu püakeu lajupu ye kiu, Pa juküvüpu mheghi kinikülüshi küpülümi lau akeu ye kiu keno, nongu no ithi peni;

Ephesiami 5:8

kughengu ghuthu lakhi lo nongu ghi aküzü lo ache, ikemu itehi ye Ampeu lau aküvü lo auve akehu aküvü nuliqo toi chechelo.

FILIPIAMI 2:6

pa ye Alhou lhoaye xapu apülaghi Alhou qhemi shimasa keu shi kihimoe,

Kolosiami 1:15

Pa ye ithukümla Lhou jukimihi, pulhoküsü kümtsü dolo amsüu.

1 Thes. 2:12

Alhou khuu no Pa yekipe eno ajuküvü lo nongu kuluve akeno Pa lau ameküapu shi xü penike nino nongu hakutho eno shikumto ke.

IBRIMI 1:3

Pa ye Alhouw phuphushi keu küvü yekibide ke, eno Alhou lhoaye aphiphishi xapu ani, Pa küka lono Atsa huno atsütsü ayeghi kümtsü puqhepe acheni. Axine shikimtheve tsü kethiu Pa ye akiqhe-a lo Akughushuu u ajeu iqave,

IBRIMI 6:4

Kughengu kushokütsüpu lakhi akeu ye, khunono ghuthu lakhi lo Alhou küvü lo ache, kungugha gho michelu, Aghungu Kimthe gho küsajelu,

1 Peter 1:12

Ikelo panongu no mla chekeu ye pano ghenguno kumono nongu ghenguno kepi pano lau pephe piyeve, eno ti ye itehi Atsakiviu kükütsümi no nongu lau sheshuve keu tsape, Aghungu Kimthe vecheo kungugha lono puwu keu khikhi kungumiu ghi tipaqo vehu ithinishi khelho acheni keno tihuke.

1 Peter 2:9

Ikemu nongu ye kishekiphe lagha, Akükau chine kümlami, akimthe shiye, Alhou no Pa kütsashi pükhalu keu timiqo ke, tishikeu lono Khuu no aküzü lono nongu kuphepe Paw akichiqhipu küvü lo sailo keno, nongu pelo Pa kighiche kümla sheshu peniye ke.

2 Peter 1:19

Itaghi ningu ye mtsüqhei keu tungkuptsa aphie, tsütho ipeche kelo inaqhe yepu no nongu lolo yepüvü tsümoke dolo hi ye aküzü-a lo aküvü akeshi anike nongu no amlo tsüqhiyilu aye alo nani.