2 Kor. 4:1 - Sumi Naga CL (Re-edited) Bible (BSI)

¹ Tighenguno, Alhouw küpükini vecheo akümlapu saje hipau ningu tsü kehu, ningu ye amlo hauve chemoe.

BAIBEL (BSI)

¹ Alhou kukupu vechewo akumlapu saje hipau ningu tsukehu ninguye amlo hauve chemoe.

Sümi Tiqhelimi Bible

¹ Tighenguno, Alhou’w kimiyekini vechewo ningu ye pichebekümlà hipau anike ghenguno ningu ye amlo hauve chemoe.

2 Kor. 4:1 Iomraidhean Croise

ISAIAH 40:30

Lhothemiu ghi lhove no qeinaive püzü atuthu kühano ikiqive cheni;

ISAIAH 40:31

ikemu khunono Ampeu lajukhe cheni keno aküka kithe ithulu nani; panongu no alhuqu toi achishibo xapu yewu nani; panongu no po namu lhomo nani; panongu no chewu nani ikemu akulho shivemo nani.

JEREMIYA 45:3

Nono pike, ‘Ni ye ahaküsapue! Kughengu Ampeu no Iw shiluküsa lo aghime süküphave tsüae. Ni ye aghime ghügha no lhovae eno akulhoqhi mlavae.’

Luke 18:1

Jisü no pa khopemi pelo alomtshü mono alhokuthu inikhu peniye panongu vilo kimghikipiye hipau pi.

1 Kor. 3:5

Imaye Apollos ye kushi kemi eno Paul ye kushi kemi kea? Pama ye aqemi, eno Ampeu no pichetsü ketoi pama vecheo nongu no pülülue.

1 Kor. 7:25

Itehi ye külau mono akemi ghenguno, ni ye Ampeu launo tsükeu za kühae, ikemu Ampeuw kimiyekini vecheo pükhübekulu shiaghi kehu I no Iw xakütha tsü ani.

2 Kor. 3:12

Ningu ye lajupu hitoi keu anike ghenguno amlo mtotoi acheni.

2 Kor. 3:6

Pa no ni pelo puloshoqhi akitheu qemi shilupe, ti ye akiye lono kumoe ikemu Aghungu lono ke. Kughengu akiye huye akithi ke ikemu Aghungu no aküxüpu tsü cheni.

2 Kor. 4:16

Tighenguno ningu ye amlo hauve chemoe. Ni phiashi ye tsüma aya kemu ni lolo ye tsalakipetsü akithe shivetsü ani.

2 Kor. 5:18

Hi kümtsü Alhou launo ke, Pa no Khristo vecheo ningu pesü Pa lau alupekili lupe eno alupekikili kümlapu ningu tsüe;

Galatiami 6:9

Ningu akivi mlani keu lo aghüthisüve moni nolo, kughengu ningu no azüzü mono mla aye ado achipi lono xolu nani.

Ephesiami 3:13

Ikehu I no nongu ghenguno aghime sholu akeu jupe aghüthi süve kevilo, ti ye nongu gigihupu ghenguno ke.

FILIPIAMI 4:13

Khristo no I shikumto keu vecheo ni ye thokha shilu nani.

2 Thes. 3:13

Athiküzümiqo, akivi kümla shini keu lo aghüthisü kevilo.

1 Tim. 1:13

kuchou lo püzüu ni ye achine pipütha che, paw timi shikighime eno akaghashi mjochile cheke. Ikemu I no paw kimiyekini ithulue kughengu ni ye kümtha kimini lono mlaitha püake,

IBRIMI 12:3

Axinemi no Jisü mithi kelo pa ye kishi kutuu keno kümsü julo, tishianguno nongu ye aghüthi sümo eno amlo haumo nani.

1 Peter 2:10

Ghuthu lakhi lo nongu ye Alhouw timi kumono ae, ikemu itehi nongu ye Alhouw timi shivae; ghuthu lakhi lo nongu ye kimiyekini ithumla no ache, ikemu itehi nongu ye kimiyekini ithuluvae.

Piyeküsü 2:3

Nono I je ghenguno kutuukulu shi puqhe akeu eno aghime sholu namu azüzüve mphi keu I no ithi ani.