2 Kor. 3:1 - Sumi Naga CL (Re-edited) Bible (BSI)

¹ Ningu ye itaghi ningu ampi shepe shithuve akeshea? Ikeo timi khami toi nongu lau ighini keu shepekütsü yesü momu nongu launo ti avehupu shi ani kea?

BAIBEL (BSI)

¹ Ninguye itaghi nilikhi ni sheqhe thuve akesha? Timi khami toi, nongu launo momu nongu kudau ninguye sheqhekeu yesu avehupu shi ani kesha?

Sümi Tiqhelimi Bible

¹ Ningu ye itaghi nilikhi ni sheqhe thuvea keshea? Momu timi kütami toi ningu ye nongu lau no momu no küdau no ashepe kütsü yèsüqo avehupu shi ani keshea?

2 Kor. 3:1 Iomraidhean Croise

Apostolmi 18:27

Kughou pa no Achaia lo wunishi keu pi keno, küpülümi no pa shikumto eno pa ikhilu tsü penike akhopemi lau yesü yetsü. Pa no ighi kelo khunoqo küpükini vecheo pülülu keno, tipaqo shishe kuphu tsü,

Rommi 16:1

I no ni chepukishiu Phoebe, Kenkhrea kukuhou lo deacon, shepe shi ghi nongu lau kilethitsü ani,

1 Kor. 10:33

ni ghi I no mlakeu thokha lo kümtsü pulou shinike pükapütsa cheni, ni ye I kivipu phumo no kutomo kivipu phu acheni, tishikeu lono panongu xalu niye ke.

1 Kor. 16:3

Eno I no ighi kelono nongu no khuno pelo nongu gho Jerusalem lo pewu penike yesü lono piche püani keno I no tipaqo puwuni.

1 Kor. 3:10

Alhou no küpükini I tsükeu kiqi lono, aki kishimi shitsami toi I no aboqha qhae, eno kütami no tipau shou shipuku ani. Pütüta no kishi shipuku ani keno kutokughoi lo.

1 Kor. 4:15

Kughengu nongu no Khristo küdau no lapiyemi kihikhakümla aghimu nongu ye apu kutomo kühae. Kughengu atsakiviu vecheo I no Khristo küdau no nongu papu shilue.

2 Kor. 10:12

Ningu ye khunoqo alikhi ampi sheqhe cheni keno tipaqo sasü jokümtsa momu kimghi amoe. Ikemu kughou panongu no alikhi ampi mighiju eno kütami sasü jokümtsaju ani keno, panongu ye vethakulu kighithi kühae.

2 Kor. 10:18

Kughengu khuu no pa ampi sheqheni keno, pa no achipiu ke kumoe, ikemu Ampeu no khuu sheqheni keno, pau noke.

2 Kor. 10:8

Kughengu nongu kütsave penike kumono shiqhe puku penike Ampeu no kükagha ningu tsükeu pesü kitila qhezalove aghi namu ni ye kujovemo nani.

2 Kor. 12:11

Ni ye küghüzümi shiauvae! Nongu no I sheqhe kepu kelaye anguka lono I pelo aghüzüu shivepe ae. Kughengu I no kiumu kumo namu ni ye kiu lonomu hu akighiche apostolmi ipi chekeqo nguno akuchuniu ye kumoe.

2 Kor. 12:19

Ningu ye itehimu nongu zülo ningu ampi shokha anie pi nongu ye kümsü ani keshea? Kimiye chekeqo, ningu ye Alhou nhethe lo Khristo pulou lono picheni, eno ti kümtsü nongu shiqhe puku niye ke.

2 Kor. 2:17

Kughengu ningu ye timi kutomo no shiche ketoi, Alhou tsa jekuchumi kumoe, ikemu Alhou zülo amlo tsüqhiyi kemi, Alhou no puwu kemi kehu ningu ye Khristo pulou lono picheni.

2 Kor. 5:12

Ningu ye ningu ampi sheqhe anike kumoe ikemu ningu jeku lono nongu pelo qhezalu peniye ke, tishianguno nongu pelo khunono amlo lo akeu jumono ashou aju akoghe jupe qheza cheni keno tipaqo khochilelu peniye ke.