2 Kor. 2:3 - Sumi Naga CL (Re-edited) Bible (BSI)

³ I no tishi yesü yeve, tishikeu lono kughou I no ighini keno, ni ye I lopivitsü kemi jupe I mloküsapü shimo niye ke, kughengu I lokivi ye nongu lokivi ghi kepi I no mtsüqheino nongu shou pülübelu ani.

BAIBEL (BSI)

³ Tishikehu nongu lau yesu hu yeveke, tishianguno kughou ino ighikeno, ilokivi shitsu kepushi akemiqo launo imlo kusapu shilunosake. Kughengu ino nongu tsaquyi ithi akeu vechewo pilu akeuno kughono ino alokivishi ani keno nongu ghi alokivishi cheni.

Sümi Tiqhelimi Bible

³ Tishikehu nongu lau yèsü hu yève ke, tishianguno kughou I no ighini keno khunoqo no I lopivi tsü moayesa kepu shi akeno tipaqo vechewo I mlo shipüsave tsü pemo niye ke. Nongu kümtsü I lokivi gholo küsaje nani kepi ni ye nongu kümtsü shou pülükibe ake.

2 Kor. 2:3 Iomraidhean Croise

1 Kor. 4:21

Nongu pulou ye khikhiu kea? Ni ye akihepusü peighi lopi keo, kikimiye lono mtshaivü ighi lopi kea?

2 Kor. 1:15

Ni ye hipau mtsüqhei ake ghenguno I no atüghüshi nongu lau ighini, tishino nongu pelo ghuthu akiniu Ampeuw küpükini puju shijulu penie pi kughu ae.

2 Kor. 1:23

Alhou no thopi shitsü penike ku ani—I no Corinth lo ighi move keu ye nongu loshipüsü moniye ke.

2 Kor. 12:11

Ni ye küghüzümi shiauvae! Nongu no I sheqhe kepu kelaye anguka lono I pelo aghüzüu shivepe ae. Kughengu I no kiumu kumo namu ni ye kiu lonomu hu akighiche apostolmi ipi chekeqo nguno akuchuniu ye kumoe.

2 Kor. 12:21

Kughou I no ighini keno I Lhou no itaghi nongu zülono I shikuchuni nikeu ni ye msa ani, eno khunono azüuno axine shive no mithekumo, kipti-toti dolo xine eno ghasü kümla xine shi püakeu lono xaidelu mphi keno panongu ghenguno mloqa masani cheni.

2 Kor. 13:10

Hi ghenguno I no nongu launo putou akelono hipaqo yelu anike, tishianguno I no ighi kelo ni ye Ampeu no xaleqhive peniye kumono shiqhe puku peniye kükagha I tsükeu nongu lau mkamghai peithamo nani.

2 Kor. 2:9

Kughengu nongu peju no nongu ye thokha lo aghokulu shiani kemo keno ithini ke ghenguno ni ye nongu lau yeke.

2 Kor. 7:12

Ikehu I no nongu lau yesü ye kemu ti ye pimive kemi ghenguno kumo momu akumou lono imeve keu ghenguno mu kumoe, ikemu Alhou zülo nongu no ni ghenguno amlo tsüqhiyi chekeu pephe peniye ke.

2 Kor. 7:16

I no nongu shou qhoi pükhübelu kehu ni ye alovi ani.

2 Kor. 7:6

Ikemu amlo hauve kemi shikumto chekeu Lhou no Titus pelo ighilupe keu vecheo ningu shikumto tsü,

2 Kor. 7:8

Kughengu Iw yesü no nongu mlo ghujuve aghimu ni ye kümsüchile amoe—kuchou loye ni ghi kümsüchileve ke, ikemu I no ithi anike yesü tipau no nongu mlo ghuju tsükeu ye ado hami ghengu likhino ke.

2 Kor. 8:22

Pama gholo ni thiküzüu lakhi khuu nino ghuthu kutomo pejuve no amlokütsü shi ithulu keno pa puwu ani, eno itehi pa ye nongu shou pülükibe kije akeu ghenguno alau amlo tsüqhiyi ani.

Galatiami 5:10

Nongu ye kütau kükümsü lumo nani kepi ni ye Ampeu lau pükhükibe ani, khuu khuu shi aghimu nongu pünaqhi akeu ye pa no aghime pumasae.

2 Thes. 3:4

Nino azah nongu tsüke toi nongu ye mla ani eno tishi anani kepi nongu ghenguno Ampeu lau amlo mtotoi ani.

Philemon 1:21

I no kiu pi ani keno no ye tinguno alau ghi mla nani kepi o ghokulu ithi ghi ni ye o lau ye ani.