2 Kor. 10:5 - Sumi Naga CL (Re-edited) Bible (BSI)

⁵ Akikighe eno akükümsü qhemghai keu pesü Alhou kighithi lakha chekeu ghuthu ningu no tulavetsü cheni, eno akükümsü kümtsü tshü sawo Khristo gholupe cheni.

BAIBEL (BSI)

⁵ Alhou kighithi lakhakeu ghuthu ninguno tula cheni; akukumsu thwokha ninguno tshusawo Khristo gholupe cheni.

Sümi Tiqhelimi Bible

⁵ Ningu no akikigheqo eno Alhou kighithi mujo niye keghilikishi shi pesü akeu jeli kümtsü hexave cheni, eno ningu no akükümsü kümtsü tshüsawo Khristo lau aghokulu shiluve pe cheni.

2 Kor. 10:5 Iomraidhean Croise

BOTHUBO 8:21

Kughou Ampeu no tsüngqüi keu xo münalu keno, Ampeu no Pa mlo lono ishi pi, “Ni ye itaghi khilemu timi xine ghenguno ayeghi müsüini moae, kughengu alhothe lonomu timi kükümsü kupulo ye küsaküghae. Ti kumono Ni ye I no shike toi itaghi khilemu lhoxüqo pügha kithemae.

KUKAMI AKINIU 19:22

“No ye khuu pipütha eno junuve akea? No ye khuu shou atsa pipukuve akea eno o nhethi pesü khilau jupukuve akea? Israel Lhou Akimtheu shoue!

KUKAMI AKINIU 19:28

Nono mqhumzave akehu eno o qheküza tsa I kini lo iloghive akehu, I no ayikuho pesü o nigi lo fusü tsüni o kichi lo ayikha süve tsüni, eno nono ighi keu laghi züsü I no o kighide puwove nani.

JOB 42:6

tighenguno I no ni ampi ju aghaide ani eno ayevu amkhu shi xaideghi anie.”

LESHELE 10:4

Kixikilami ye pa qheküza lono Ampeu phu chemoe; pa kükümsü kümtsü lo, “Alhou ye kühae,” pike likhie.

LESHELE 139:2

Kughou I no iqa eno I no ithughi keno Nono ithi ani; Nono putou no I kükümsü jupililu ani.

LESHELE 18:27

Kughengu Nono aqhokighemi xalu cheni, ikemu tsütsüngoju kemi ye Nono sünheqhive cheni.

LESHELE 18:44

Panongu no I sütsa chilu khavi I gholue; inaghami no I lau ipu-itsa ighi.

IPEKULU 5:2

Ikemu Pharaoh no pi, “Ampeu ye khuue pi ni ye Pa tsa luno Israelmi puwuni kea? Ni ye Ampeu mthae, eno tinguno alau, ni ye Israelmi puwumo nani.”

AHOLE 15:26

Kixikilami kükümsü ye Ampeu no aphimqhü cheni, ikemu küpüqhiyi keu tsa ye Pa lokiqipue.

AHOLE 24:9

Anikhami no kuchughu chekeu ye axine ke, thoküghami ye timi kümtsü kimthibo ke.

ISAIAH 2:17

Timiqo kuchhoma eno tsütsüngoju keu sünheqhipe kuchunive nani; tipani ye Ampeu likhino chuqumghai nani.

ISAIAH 55:7

Kixikilami pelo pa küxü ghola pheve pelo, eno achipi kumomi pelo pa kükümsü kilive pelo; pa pelo Ampeu lau ideighive pelo tishianguno Ampeu no pa shou kimiyekini apenike, eno ni Lhou lau ideighi pelo kughengu Pa ye akipimi qhivetsü nani.

ISAIAH 59:7

Panongu pukhu no alhoksa lau powu cheni, eno mighimghai pimihami pithive cheni; panongu kükümsü ye kixikila kükümsü; hexapinyi keu ngo kütsakungoni keu no pano laghi ke.

ISAIAH 60:14

Nongu qodaqhi chekemi nuliqo no pishiqho pesü nongu lau ighi nani; eno nongu junuqhi kemi kümtsü nongu pukhu philo pishiqho nani; panongu no nongu pesü Ampeuw mishighüna, Israel lo Akimtheu, Zion ipi kunani.

JEREMIYA 23:29

I tsa ye ami toike, eno ayihesü no atuqu amuno shi hephove keu toike kumo? ipi Ampeu no sheshu.

JEREMIYA 4:14

O Jerusalem, o xalu pekepu shi o mlo lono alhoksa qhuvelo. Khitohi o lolo kixikila kükümsü pekütsü püani kea?

EZEKEL 17:24

Eno aluza lo asübo kümtsü no Ni ye Ampeu kepi ithi nani; asübo qhemghai keu I no aqhou saiqighive nani, eno chuninhei keu pesü qhemghaive tsü nani, miniboi akeu pesü kimghoive tsü nani eno qhaikeu pesü xüthilei tsü nani. Ni ye Ampeu ke; I no piqhivae, eno I no tipau shi nani.”

DANIEL 4:37

Itehi ni, Nebuchadnezzar no kungugha Kükau sheqhe eno agigihu tsü ani, kughengu Pa kümla kümtsü kuchou eno Pa laghi ye achipi; khunono no aqheküza lono checheni keno Pa no kuchunive cheni.

MATTHEW 15:19

Kughengu amlo lono alhoksa kükümsü ipeghi cheni, ghikiqhi, asalha, ghaghu ghale, aküpka, akimki shepe, xikishi.

Luke 1:51

Pa no Pa u mlo lo aküka pephe; amlo alou no qheza chekemi Pa no kutholevae;

Rommi 1:21

Kughengu panongu no Alhou ithi anamu Pa ye Alhou kepi agigihu momu shikimthi tsümove, tike kumono pano kükümsü ye ame kühave, eno pano mbomzü mlo huno zümoi kitheve.

Rommi 1:5

Pa vecheo ningu no küpükini eno apostol kümlapu ithulu keu ye Pa je lono shiye kümtsü sasü aküpülü ghokulu lo ighi niye ke,

Rommi 16:26

ikemu itehi ye tipau lhapheve no tungkupmi kiyeqo vecheo Lhokta Lhou zakütsü kiqi lono shiye kümtsü lau kilethivae, tishikeu lono timi kümtsü pelo aküpülü lono aghokulu küxü lo ighilu peniye ke—

Rommi 7:23

ikemu I phiau lou ye aye lakhiu no I mlo alou akeu Yezah sasü kichighi acheni, eno I phiau lo axine yezah akeu lau I küghape akughu shive cheni.

1 Kor. 1:19

Kughengu ishi yepüani: “I no alokütsümi lokütsü shipühave tsü nani, eno vethakulumiw vethakulu kütsave tsü nani.”

1 Kor. 3:19

Kughengu Alhou züloye hipa yeghi lo lokütsü ye mbomzüe. Kughengu ishi yepüani, “Pa no alokütsümi pano mqükini lono meluve cheni,”

2 Kor. 11:20

Kughengu khuana no nongu pesü aqüaxemi shive, nongu qhasü, nongu shou adokivi luve, nongu jukünatha, momu nongu gilo ghatsü namu, nongu ye kutuulu cheni.

2 Kor. 9:13

Akümla hipau vecheo nongu no Khristo tsakiviu ikhilu no aghokulu shikeu lono Alhou juküvü shitsü eno puloniqhiyi timi kutomo sasü küsaje ke ghenguno kütami no Alhou sheqhe nani.

ZAKINIU 15:9

Mthamini kixikila kükümsü nongu lolo iloghive no, ‘Ampe akütsüniu, apiashe qhikütsü mpe kupunuvae,’ ipi no amlo alomo qhiyi no thiküzümi akumlhou juno kiumu pa tsümove nosae. Pa no nongu küla ghi Ampeu lau ighamku kelo nongu ye akipimi shive nani.

FILIPIAMI 4:7

Eno Alhouw aloino keu khikhi timiw vethakulu nguno alau keno, tino Khristo Jisü küdau no nongu mlo eno nongu kükümsü khekuto anani.

2 Thes. 2:4

pa no alhou ipi chekeu momu ajulho kümlla jeli mjochile no tipaqo shoqa nani, eno pa ampi pesü Alhou kepi sheshu no Alhou chineki lo pa kungo-a shinani.

2 Thes. 2:8

Tishino ayezah heküxau pephe nani, ikemu Ampeu Jisü ipeghi kelono Pa kichi lo atuthu huno pa pithive nani eno pa ye kiumu kumove nani.

IBRIMI 4:12

Kughengu Alhou tsa ye aküxüküa eno aküka ani, putoputo zütakikihi nguno akütsüghau, angulho eno anguagha, aqüki anhüki kikije-a kutolo ghitha ilo chekeu, eno amlo akükümsü lo akeu kutolo jupililu chekeu ke.

IBRIMI 5:9

Pa pesü kupukülai shitsü kelo pa no pa gholu kemi kümtsü ghenguno lhokta xakulupu puki shive,

1 Peter 1:2

Apu Alhou kimji lono panongu kishelu keu ye Aghungu vecheo shikimthepe Jisü Khristo lau aghokulu shino Pa ji pesü qhukimthe tsüniye ke: Küpükini eno aloino keu nongu lau küghüsülu apeniu.

1 Peter 1:22

Nongu no kuchou lau aghokulu shikeu vecheo aküsami dolo kimiyekile nike nongu ampi shikimtheve akehu, amlo tsüghükhüi shino kuchou no lakhino lakhi kimiye kilelo,