2 Kor. 1:4 - Sumi Naga CL (Re-edited) Bible (BSI)

⁴ Pa no ni ghime kümtsü lo ni lokughunotsü cheni, tishikeu lono Alhou no ni lokughuno tsükeu pesü khunono aghime sholu ani keno, pano lokughuno tsü peniye ke.

BAIBEL (BSI)

⁴ Pano ninguno shilukusa sholukeu kumtsulo ni-lokughunotsu cheni, tishikehu ninguye Alhou launo alokughuno ithuluvekeu hu peitha puzu timi khunono shilukusalo aghini keno ninguno tipanoqo lokughuno tsulu cheni.

Sümi Tiqhelimi Bible

⁴ Alhou ye ningu küküpüna kümtsü lo ningu lokughuno tsü acheni, tishi keu vechewo pa lau no alokughuno ithulu keu pesü ningu pelo shiluküsa jeli sholu pesü akemiqo lokughuno tsüpe niye ke.

2 Kor. 1:4 Iomraidhean Croise

LESHELE 32:5

I no I xine O lau pipheve eno I kipimi küsümoe; I no pi, “I kipimi Ampeu lau pipheni,” eno Nono I xine kipimi qhivetsü.

LESHELE 32:7

No ye I ghenguno aküghütshü-a ke; Nono aküküpna lono I peküsüe; Nono xakulu lekungo pesü I botha ke.

LESHELE 66:16

Ighilo eno inilo, nongu Alhou sümsa chekeqo, eno Pa no I ngulho lau kiu mlatsü keno I no pini.

LESHELE 86:17

Nono kimiyetsü akeu michipu I piyelo, tishiaye I mithi chekeqo no ti ithulu no kujove nani kughengu Ampeu, Nono I kuphu eno I lokughuno tsüke.

ISAIAH 12:1

Tipa tsala lo nono ishi pi nani: “I no O shikimthini, O Ampeu, kughengu Nono I jupe amloide anamu, I lokughuno tsüniye O mlokighide taveke.

ISAIAH 40:1

Iw timiqo lokughuno tsülo, nongu Lhou no piani, alokughuno tsülo.

ISAIAH 49:10

panongu ye khilemu müzüthi tüghüthi monani, amülhü momu khetsünhe kushu no pano shipüsa monani, kughengu panoqo kimiye chekeu no pano sache nani, eno azüpuki phivi lono panongu sawu nani.

ISAIAH 51:12

“O lopiqitsü chekeu ye Ni ampi noke; nongu ye kushiye thiveni keu timi msa ani kea? Timi nu ye atsüni hutoi mla püani,

ISAIAH 51:3

Kughengu Ampeu no Zion lopiqitsü cheni; Pa no tile ixapinyi ke-aqo lopiqitsü cheni eno liw yenguyi ke-a pesü Eden toi kughulho tsü cheni, li sayeqha pesü Ampeu ghutu toi shitsü cheni; alokivi ngo alokiqipu eno shikimthikütsü ngo ale kungo sütsa ye li lolo anani.

ISAIAH 52:9

Alokivi lono igha ale phelo, nongu Zion lo ixapinyi akeqo, kughengu Ampeu no Paw timiqo lopiqi tsüke; Pa no Zion xachile luvae.

John 14:16

I no Apu vilo khutsü nani, eno pülhapuju nongu sasü apenike Pa no Akukuphuu nongu tsü nani,

John 14:18

“Ni ye mighimgha toi nongu qhivemo nani; I no nongu lau ighi nani.

John 14:26

Ikemu Akukuphuu, Aghungu Kimthe, khuu Apu no I je lono puwu nani keno, pa no thokha nongu shika nani, I no nongu vilo pive keu kümtsü pa no nongu pelo kümsüchilelu penani.

2 Kor. 7:13

Tighenguno ningu ye amlo mtotoivae. Ni mlo shikumto tsükeu gholo Titus lokivi ghenguno ningu ye alau alovivae, kughengu nongu kümtsü no pa ghüthi püxü tsüke.

2 Kor. 7:4

Ni ye shoboi shi nongu vilo pi ani; ni ye nongu jupe shishe akijivile acheni; ni ye alokughuno shi anie. Aveküsa kümtsü lo ni ye alokivi no qochili acheni.

FILIPIAMI 1:14

Eno I no akughu shikeu lono athiküzümi kutomo no Ampeu lau pükhübe luve kehu itehi ye msa mono Atsa pikülha nike alau mto kithe ani.

1 Thes. 4:18

Tighenguno atsa hipaqo pesü lakhino lakhi lokughuno tsülo.

1 Thes. 5:11

Tighenguno nongu no shiake toi, lakhino lakhi shikumto eno shiqhe puku alo.

IBRIMI 12:12

Tighenguno, nongu u thizümüi keu peqhelo eno nongu khonhe miqemlei keu shikumto lulo,