1 Tim. 6:10 - Sumi Naga CL (Re-edited) Bible (BSI)

¹⁰ Kughengu pisa kikimiye no alhoksa jeli kümtsü kuhu-aghü ke. Hipau kimne lono timi khami ye aküpülü lono itsüsü wuvae eno amlo ghuju jeli no panongu jiqhi anie.

BAIBEL (BSI)

¹⁰ Kughengu pisa kikimiye no alhoksa jeli kumtsu kuhu aghuke. Hipau kimine lono timi khamiye akupulu lono igho susu wuvae eno amlo ghimepu kumzapuno pano mlo vephopiniyivae.

Sümi Tiqhelimi Bible

¹⁰ Kughengu pisa kimiye keu ye küsakügha jeli kümtsü kuhu-aghü ke. Timi khami ye pisa kimiye kelau no aküpülü lono igho süsü wuvae eno amlokighishi kutomo no pano mlo vephopinivae.

1 Tim. 6:10 Iomraidhean Croise

BOTHUBO 29:14

eno Laban no pa vilo pi, “Mtsüqheino no ye I ghi eno I shi!” Eno Jacob no pa gholo aqhi lakhi ngove.

BOTHUBO 29:26

Laban no pi, “Anoghiu züuno ayitiu tsüni keu ye ni ghakhu lo tishi chemoe.

BOTHUBO 34:27

Jacob nuliqo no ghiqhive keqo shou ighi no mishighüna lhepuwuve tsü, kughengu panongu chepu shikitiqeve kehue.

BOTHUBO 38:16

Pa no alaphe lo li küdau kugho ighi no pi, “Ighilo, I no o sasü kikivini,” kughengu li ye pa mukishiue pi pa ye ithimoe. Li no pi, “O pelo I lau ighilu penike no ye kiu I tsüni kea?”

KUKAMI ATUGHIU 2:40

Shimei no Gath lo Achish lau pa qemi pama saluni ye wu. Pa no wuno pa qemi sasü ighive.

KUKAMI AKINIU 5:27

Tighenguno Naaman pügha ye alholo ghenguno no eno o lagha shou ikughi niae.” Ikehu pa ye apügha no mürasü kimiye toi xapusü Elisha launo wuve.

LESHELE 32:10

Kixikilami ghime ye kutomoe, ikemu iqemokeu kikimiye no Ampeu pükhübe kemi bothape acheni.

LESHELE 62:10

Süxakulu shou pükhü kevilo; aküpka shou adou küpkhü qhi kevilo; küakini ikowo aye, tipaqo shou nongu mlo be kevilo.

AHOLE 1:19

Achipikumo lono ala shinishi chekemi laghi ye hitoi ke; alakimne no pa küxü luvetsü cheni.

AHOLE 1:31

tighenguno pano no xüchekeu kiqi lono axathi xolu nani, eno pano no kuchughu chekeu huno pano kive pichhitsü nani.

AHOLE 15:27

Achipikumo kini mine keu ye pa kibo lo aküküpna xusü ani ikemu külügho mithi kemi no xülu nani.

YETSAPIU 2:19

pa ye alokütsümi momu anikhami shiaghi luvike khuu no ithi ani kea? Ikeghi I no I lokütsü lono mlaqhi keu kümtsü shou pa no ampeu shive nani. Hi ghi adoue.

ISAIAH 1:23

Now sakiphemi ye hekibidemi eno küpkami gholo kichemie. Kümtsü no külügho kimiye eno müamzü tughotili phu acheni. Panongu ye mighimi lau kuchou xakütha tsüchemo, eno chimemi ghenguno puthugho tsüchemoe.

ISAIAH 56:11

Atsüqo ye khije khijemu chuluve nani; eno khilemu lukümkha shi chemoe. Ikemu sakiphemi ye ambe khemi vethakulu küha keqo ke; panongu kümtsü pütüta pulou küdau wu khavae, eno kümtsü pütüta no ala shiluni keu phucheni.

EZEKEL 13:19

Nongu ye ashothi anau au kichhi lakhi eno asho kughupo kititiqo ghenguno Iw timiqo zülono I shikitiqevae, Iw timiqo lau akimki tsa pi eno akimki tsa ini kemi no pithimo kepu timiqo pithive eno püxümo kepu timiqo püxüve ke.

EZEKEL 16:33

Kiptimiqo no kütüqhalimi kümtsü agho tsüe, ikemu nono o lojipumi kümtsü lau agho tsüe, eno kütüqha akeu küdau ighi peniye külügho panoqo tsüke.

EZEKEL 22:12

Nongu dolo panongu no aji peleni ye külügho luke; nongu no akighishe eno ala lue, eno akisüghüu launo kichiqhi süxachu keu lono ala shilue; ikemu nongu no I kümsümave kepi Ampeu Alhou no asheshu.

MICAH 3:11

Tile sakiphemi no külügho vecheo xakütha tsü; achinemi no ame lono shika; tungkupmi no pisa ghenguno pichho tsü; ikeghi panoqo no Ampeu mungu bepe no pi, “Ampeu ye ni gholo anike kumo? Amhekiqi kiumu ningu shou ikughimo nani.”

MALAKI 1:10

O nongu gholo timi lakhi ahukikhaqo khave peni kemi aghi ke aye I kümlla khache-a lo akulu adou lono küiqü pemoni cheke! Ni ye nongu lau alokiqipu kühae, aqokitikhi Mpeu no pi, eno nongu u lo akümllagho ye I no ikhilu tsümo nani.

MATTHEW 13:22

Asahuli lo vesülu keu piti ye Atsa chiluve keu timi, ikemu ayeghi lo küxü no azüküvü shiuve, eno küakini kimne no pishiqhipe Atsa hu ghüsüve, eno ti ye athi pithi move.

MATTHEW 23:13

“Ikemu nongu Ayezah shikükami ngo Phariseemi hasapue, keghilishi chekeqo! Nongu no timiqo launo kungugha yekipe hukikha khavetsü, nongu ampi no iloke kumono ilo niye akeqo ghi ilope chemoe.

MATTHEW 6:19

“Nongu ghenguno khile apila ngo ayisa no shipüsave cheni eno küpkami no hepho ilo xüleve cheni keno, ayeghi lo nongu kini pekütsü kevilo,

Mark 4:19

ikemu ayeghi lo kütakihi keu eno küakini pishikiqhi ngo thime jeli kimne no iloghive no Atsa ghüsüve, ikehu ti ye athi pithi move.

ZAKINIU 16:19

Nongu ye kuchou xakütha tuchighi moni, agiju moni, eno külügho lumoni, kughengu külügho no alokütsümi nhethi kighicheve tsücheni eno amikuchomi chipiu lakhave tsücheni.

ZAKINIU 23:18

Nongu ye kütüqha keu lono iloghi keu pisa pesü ashoqhi kümllagho shi Ampeu nongu Lhou kilo iloghi moni, kughengu hi ye Ampeu nongu Lhou zülo aphikümqhüpu ke.

Kolosiami 3:5

Tighenguno nongu lolo ayeghilo ghola akeu pithive lo: ashupu asalha, mithekumo, ngosükümla, alhoksa kükümsü, alakimne, hi ye ajulho kümlla ke.

1 Tim. 3:3

shokümzümi shimoni, mtomshu kemi shimoni, ikemu ivünhei masa, eno pisa kimnemi shimoni.

1 Tim. 6:21

Kughengu khami ye hipau saphu anipi aküpülü lono tsüghüsü wuvae. Küpükini nongu gholo apeniu.

1 Tim. 6:9

Ikemu khunono kinimi shinikeu mine cheni keno, ghukuju lo ikiqi ilove cheni, akümsapu lichhe lo ikiqive no timi kütsave chekeu mbomzü kükümsü lo sünhe süve cheni

2 Tim. 3:2

Kughengu timiqo no ishi xüuve nani: alikhi ampi kimiye kemi, pisa kimnemi, aqheküza, akuchhomami, kütami thogha, apuaza hekibide, shikimthi kükühami, mithemo keu,

2 Tim. 4:10

kughengu Demas ye hipa yeghi kimiyeuve püzü I qhive no Thessalonica lo wuvae. Cresens no Galatia lo wuvae eno Titus no Dalmatia lo wuvae.

Titus 1:11

Panongu hasüve masae, kughengu panongu no kuchokumo lono ala shiniye shikamo kepu pesü akibo kümtsü xukutho ani.

James 5:19

I thiküzümiqo, nongu gholo milakhi no kuchou launo wuve kelo milakhiu no pa sachile ighi aye,

JOSHUA 7:21

aghüshi lono hakholu keqo gholo Shinar lono mlakeu hebephi jukivi lakhi, ghükayi ahu kini, eno ameshoyi ahu tüxa qhemi I no ithulu no püka luve. Tipaqo ye I pusho alou chhuqho püani eno ghükayi no aqhoshi no püanie.”

Jude 1:11

Pano hasapue! Kughengu panongu ye Cain laghi lo pülache, pisa kimne ghenguno Balaam no küqüve keu lo kitimeve eno Korah no hebide ipeghi keu lono pühavae.

Piyeküsü 18:13

yeghüthi, tsüngqüikeu mukhu, müsüghüta, axokütsüngü zü, aji, thazü, ashomkhu, ashothi, atsüaqu ngo ambe, khurshi ngo khurkulu, eno aqüaxemi, ti ye küxümi pesü kimje keu piani. Lhidimi no highi pi,