1 Tim. 5:3 - Sumi Naga CL (Re-edited) Bible (BSI)

³ Kuchou no chimemi shive keqo ikhilu lo.

BAIBEL (BSI)

³ Khunono kuchouno chimemi keno tipanoqo lau kuphu gihulo.

Sümi Tiqhelimi Bible

³ Chimemi khunoqo no aveküsa kuchou shi ani keno tipaqo kuphulo.

1 Tim. 5:3 Iomraidhean Croise

JOB 29:13

Thiuve chekemi no I shikimthi eno I no chimemi lopivilu cheke.

JOB 31:16

“Tsala kumlhomi no laju chekeu I no süchilelu püaghi, momu chimemi püqapunu püzü anhebo khoivepe aghi aye,

LESHELE 146:9

Ampeu no kupokichemi jukuto cheni; Pa no chimemi eno mighimi sünheqhe cheni, ikemu kixikilami laghi ye Pa no kütsakungo keu lo saghive tsücheni.

LESHELE 68:5

Mighimi papu eno chimemi sükushou ye Alhou, Pa kimthe kungo-a lo ani.

LESHELE 94:6

Panongu no chimemi eno kicheghüzümi pithive, eno mighimi ghiqhie;

IPEKULU 20:12

“O puaza gihulo, tishianguno Ampeu o Lhou no tsü akeu yeghi lo o tsala ye kushuo shilu nani.

JEREMIYA 49:11

Now mighimghaqo qhivelo, I no panoqo hiju luve nani; Now chimemi pelo I shou pükhübe luve pelo.

MATTHEW 15:6

pa ye papu gihu amasa kelau kumoe.’ Ikehu nongu khuaye ghenguno Alhou tsa abokümsa shive tsüae.

MATTHEW 23:13

“Ikemu nongu Ayezah shikükami ngo Phariseemi hasapue, keghilishi chekeqo! Nongu no timiqo launo kungugha yekipe hukikha khavetsü, nongu ampi no iloke kumono ilo niye akeqo ghi ilope chemoe.

Luke 2:37

eno tithiu chimemi shive no apunu mpe lhotache bidi shia. Li ye achineki qhive mono putho pucho kümvü eno akighini shi Alhou mllache.

Luke 7:12

Pa no khagho kupunu ighi kelo timi aqo lakhi no akumo pecheghi, akithiu huye aza achimeu nu lakhi likhi akeu, eno mishiphu lo akemi khami no aza sasü cheghi.

John 1:47

Nathanael no pa lau cheghi keu Jisü no ithulu püzü pa ghili ishi pi, “Julo, Israelmi kuchou, pa lolo pishikiqhi kühae.”

Apostolmi 6:1

Tipa ghuloki lo apapemi alau ikowove kehu Greek tsa kipimi Jewmi no Hebrewmi shou muchho ipeghive kughengu tsalakipe chuqupu kikije lo panow chimemi kughuchove ake.

Apostolmi 9:39

Peter no ithu pama gholono wuve. Pa no ighi kelo pa sasü kunguu chebo lo iku. Chimemi kümtsü pa phivilo ngono mloqa eno Dorcas no panoqo gholo ache kelo mlakeu phimini pa piye.

Apostolmi 9:41

Pa no pa u lono li sünhe puthuve. Tishino pa no li püxüpe küpülümi ngo chimemi tsüve.

ZAKINIU 10:18

Pa no mighimi eno chimemi ghenguno achipiu xakütha tsü cheni, eno achuqupu ngo aphimini pesü kupokichemi tsücheni eno kimiye cheni.

ZAKINIU 14:29

Aphughi lo Levimi ye pano mheghi küha kehu panongu eno kachenami, mighimi, eno chimemi pelo ighi no tipaqo chuno aghaqilu pelo, tishianguno Ampeu nongu Lhou no nongu kümla thokha kümghatsü nani.

ZAKINIU 16:11

Ampeu nongu Lhou no Pa je ghenguno kishetsü ke-a lo wuno Pa zülono nongu eno no tianuli, no qemi, Levimi, kachenami, mighimi, eno chimemi no phughi lo akemi sasü alovilo.

ZAKINIU 16:14

Nongu eno no tianuli, no qemi, Levimi, kachenami, mighimi, eno chimemi no phughi lo akemi sasü alovilo.

ZAKINIU 27:19

“‘Khukhumu kachenami, mighimi, eno chimemi chipiu shipühave tsükeu ye müsüinivae.’ Eno timi kümtsü no ‘Amen,’ ipini.

1 Thes. 2:6

Momu nongu launo na kütami launo namu ningu ye timi launo ajekipi phumoe, monimo aye ningu ye Khristow apostolmi kehu nongu shou aküka ake.

1 Tim. 5:2

topumiqo no o za toi eno ilimiqo no achepu toi mqhamqhiyi ikhilu lo.

James 1:27

Apu Alhou zülo tsüghükhüi eno shipuqo mokeu chineye ye hike: mighimi eno chimemi no aghimeshi akelo xujuni keu, eno ayeghi pelo shikitiqe pemoni keu ke.

1 Peter 2:17

Timi kümtsü gihulo, aküsami küpülümi kimiye lo. Alhou msalo. Yepetou gihulo.

1 Peter 3:7

Tipaphi lono akimiqo, alhoaye lono totimiu no akimqeu kepi vethalu no agigihupu lono nongu nipuqo sasü xülo, tishikeu lono nongu kighini lo lakükhapu küha nani, kughengu panongu ghi nongu gholono aküxüpu gho ithulu küqha kemi ke.