1 Tim. 5:13 - Sumi Naga CL (Re-edited) Bible (BSI)

¹³ Tinguno alau panongu ye akipichimi shive no aki atsütsü iqhoiqi anikeu shikalu cheni, eno akipichi likhi kumono, adou lono mighimghai kütami xishi-jekuuve cheni.

BAIBEL (BSI)

¹³ Tinguno alaughi panonguye adou lono ado peveghi aki atsutsulo iqhoiqi anikeu shikalu cheni, eno adou lono ado peveke likhi kumono inipugha pimokepu tsa pesu jeku kughakuho eno pisumokepulo pisu nike ithiuve cheni.

Sümi Tiqhelimi Bible

¹³ Tinguno alau no panongu ye akipichi shive no aki lakhi lono lakhi lo ilo keu lhoaye shiuve cheni. Eno panongu ye akipichi shive keu likhi kumo no panongu ye kütami kümlà lo chhosu keu no mighì acheni eno akiqi küha keu tsa kügha ghi pisümo kepu thimeqo lo ghi pisüwuve cheni.

1 Tim. 5:13 Iomraidhean Croise

AHOLE 11:13

Khunono timi xishiwu cheni keno tuqhou zaleve cheni, ikemu aghungu lo pükhükulumi no tuqhou qhitsü cheni.

AHOLE 20:19

Khunono timi xishi itsüwu cheni keno tuqhou zaleve cheni kehu titoi itikütüpa zale chekemi sasü kuloji kevilo.

AHOLE 31:27

Li no tsaqüi akibolomi vehupu jukuto acheni eno khilemu imemo keu chuqupu chu chemoe.

AHOLE 7:11

Li ye mtomshu hebide chekemi aki lo ichiqhoi ngochemo kemi;

ACHINE 19:16

Now timi gholo akimki tsa veküpha wumoni, timi lakhino pa küxü ghenguno atsakügha akelo pa lachile moni: Ni ye Ampeu ke.

Luke 10:7

Aki lakhi lono kütau iqesü wu kevilo, ikemu lakhi lo likhi ngono ampemi no kiu tsü keno chusholo, kughengu akümla kishiu ye ajume ithulu küzüe.

Apostolmi 20:20

Ni ye nongu kuphulu kepu tsa süchile mono mishi gholo eno aki-aki lono shika püani.

Apostolmi 20:30

eno nongu mqo lono akhopemi züluve nike atsa tuchighi kemi ipeghi nani.

1 Tim. 5:12

Tishikeu lono pano küpülü atüghü lo achekeu hephove no ajuaje küsa shive cheni.

Titus 1:11

Panongu hasüve masae, kughengu panongu no kuchokumo lono ala shiniye shikamo kepu pesü akibo kümtsü xukutho ani.

James 3:10

Akichi lakhi lono kükümgha ngo ghukusho ipeghi cheni. I thiküzümiqo, hitoi keu ye shikepu kumoe.

1 Peter 4:15

Ikemu nongu gholo khumu ghikiqhi, aküpka, küsakügha kümla momu timi kukughu jeli heküxa ghenguno aghime shi kevilo.

3 John 1:10

Ikehu I no ighi aye pa no kiu shi ani keno, ningu shou küsakügha tsa zalepuku püakeqo lhephe nani. Tiu ghi aghaqimo no pa ye athiküzümi sasüni keu lachile cheni, eno kütami no sasünie pi keghi pa no lakhave püzü akukuho lono panoqo hapheve cheni.