1 Tim. 4:16 - Sumi Naga CL (Re-edited) Bible (BSI)

¹⁶ No ampi eno ow shiküka jukuto alo. Phekevi no pükapütsa alo, kughengu nono hipaqo shikeu lono no ampi eno o tsa chilu akemi xalu nani.

BAIBEL (BSI)

¹⁶ Olikhi ojukuto eno okukutsu jukutolo. Phekevino pukaputsalo, kughengu nono hipaqo shiaye olikhi oxalu eno otsa chilukemi xakulupu shi nani.

Sümi Tiqhelimi Bible

¹⁶ Tsaqütsalei O küxü eno akǜlü jukuto alo. Tipaqo phekevi no pükapütsalo, kughengu nono tishiaye no ye O likhi no eno O tsa chikulumi kinikujo xakulupu shi nani ke.

1 Tim. 4:16 Iomraidhean Croise

YEKIKITHI ATUGHIU 28:10

Itehi tsaqütsalei shilo, kughengu o pelo akimthe chineki mla penike Ampeu no o kisheluvae; ikehu akumto shino mla thulo.”

YEKIKITHI AKINIU 19:6

eno xaküthami vilo pi, “Nono mlakeu lo kutokupui lo kughengu nongu ye timi ghenguno xatha anike kumoe ikemu Ampeu ghenguno ke. Pa ye nonguw xakütha lo ani.

IPEKULU 23:13

“I no nongu vilo pikeu kümtsü lo amlo tsülo, eno kütau lhouqo jeku moni, momu nongu kichi lono pikeu chilupe kevilo.

ISAIAH 55:11

Tihutoi I launo ipekeu atsa ye tishi nani; ti ye I lau kümsa ideighimo nani, ikemu I no kiu shinike kughu püani keno, tipau lo tokulu shi nani.

JEREMIYA 23:22

Ikemu panongu no I hoho lo puthugho ke aye, panongu ye I tsa pesü Iw timiqo vilo pikülha luniche, eno pano kümla lhoksa lono sachile süghi luni cheke.

Mark 13:9

“Ikemu nongu ye jukuto khelo. Kughengu nongu küghape hoho u lo süvetsü nani, sinagog lono nongu heqhi nani, eno I je ghenguno nongu no angh ngo kükamiqo zülo thopimi shi puthugho nani.

Luke 21:34

“Ikemu nongu ampi jukuto lo, tikumo aye ashi ghakiqipu, chumzü shomzü, eno ayeghi xülo kütakihi keu no nongu mlo qaqhipe ake lono tipa tsala hu züleno alichhe toi nongu lau ighi nosake.

Apostolmi 26:22

Ishi tsala kutolo, ni ye Alhou launo ighikeu kukuphu ithulu kehu hile puthugho no kijemi kitilami lau ala süküpha mono tungkupmi ngo Moses no shinanie pi püakeu likhi ashepe tsü ani:

Apostolmi 6:4

Eno ningu ye akighini eno atsa shekushu kümla lo ado tsüveni.”

Rommi 11:14

tishianguno kishikela shimu niw timi Jewmi nhekushupu shino tipau lono khami likhimu xalu niye ke.

Rommi 16:17

Athiküzümiqo, I no nongu ghutu anike khunono kijetha cheni eno akülü tsa nongu shikave keqo kumono bidelau tsa pesü aküküpna shicheni keno, tipaqo launo putosüve lo.

Rommi 2:7

khunono kheakulu shi akivi kümla shikeu lono shekiqhe, agigihu, eno thimoni keu küxü phucheni keno, Alhou no lhokta küxü pesü panongu tsü nani;

1 Kor. 1:21

Kughengu Alhou lokütsü kiqilo ayeghilomi no Alhou ithimo keke niw mbomzü kükütsü vecheo khunono pülülu keno tipaqo xalu keu no Alhou lopu shilue.

1 Kor. 9:22

Miqemlei kemi gholo ni ye miqemleive, tishianguno ni ye panoqo saghi luniye ke. Kiukiu gholau nomu khami likhimu xalu niye ni ye timi kümtsü lau thokha kümtsü shike.

1 Kor. 9:27

Ikemu I no kütami vilo asheshu cheni püzü ni ampi ye kideqhive nosa kehu, ni ye I phimpi chishi kushughi eno ghasüpe qhicheni.

Ephesiami 4:14

tishianguno ningu ye itikütüpa ghi pishikiqhi külü, amqükini, mqümgha kukughu jeli hipaqo mülhü no ningu fusasü izüichoi azüu huju eno athiu woju monani.

Kolosiami 4:17

Archippus vilo pilo, “Akümlapu khikhi Ampeu launo ithulu keno no ye shikupu tsü masae.”

1 Thes. 2:16

ningu pelo Jewkumomi xalu pemo nike atsakiviu pinikeu lakha, tishikeu lono alhokuthu pano xine qhepuku ke. Ikemu ashekha lo Alhou loghu pano shou ikughive.

1 Tim. 1:3

I no Macedonia lo wuche kelono o vilo Ephesus lo ngo aghilo pike, kughengu tishikeu vecheo o pelo timi khami no akülü kütau shika akeu lakha peniye,

1 Tim. 4:15

Hipaqo pepimhe no o küxü kümtsü tsülo, tishianguno kümtsü pelo no ye kiutoi thuwu ani keno ithulu pelo.

1 Tim. 4:6

Nono akükütsü hipaqo pesü athiküzümi lau tsülu aye, no ye Khristo Jisü qemi kivi lakhie, ti ye aküpülü tsa ngo akülü kuchou, nono pepimhe chekeu huno o qophe püakeu lono ke.

2 Tim. 2:10

Tighenguno ni ye Alhouw kishekiphemi ghenguno thokha puqhe luvetsü ani, tishianguno panongu ghi Khristo Jisü launo lhokta juküvü gholo xakulu ithulu peniye ke.

2 Tim. 3:14

Ikemu nou ye khikhi o shikave eno nono mtsüqhei pülü ani keno, tipau lo chechelo, eno khuu launo ti shikalu keno ithilo,

2 Tim. 4:2

ado ghuloki akivi na monamu atsa pesü sheshulo, thokha lo kutuukulu eno shiküka pesü shikithetsü, sakiyi eno shikumto tsülo.

Titus 1:9

Pa shikave ketoi pa ye pükhübekulupu tsa mtotoi tsüqülu masae, tishikeu lono pa ye mtsümishei keu külütsa pesü kütsüshika eno hekibidemi sakiyi lunani.

Titus 2:15

Thime hipaqo pe sheshulo; eno kükagha kümtsü pesü shikumto no sakiyi lo. Timi khuu pelomu o jukünatha pekevilo.

Titus 2:7

No ampi pesü thokha lo kichekipiye kivi shipe piyelo, o kükütsü lo akikhi eno agigihupu piyelo,

Philemon 1:19

Ni Paul no, I u no hi ye ani: I no lochile nani—I no o piputo akepu küha kemu kuchou loye nou no I pi puanie.

IBRIMI 12:15

Alhouw küpükini lono tsüghüve monike kutokupuilo. Kukhukimji sütsünibo toi ipeghi no tipau tüghü no kütami shipüsalu nosake kutokupuilo.

IBRIMI 13:9

Akükütsü jeli paküta keqo no saküghüzüve pekevilo, chine chini chuqupu khuaye no kumono Alhouw küpükini no amlo shikumtolu keu pavi; kughengu aye tipaqo peche kemi ye kiumu ala shi chemoe.

James 5:20

khuu no ala kumo lono axinemi sachile ighi keno, pa ye akithi lono axinemi ngulho xalu ani, eno axine kütsasa pevetsü kulupu shi anie pi ithi pelo.