1 Tim. 3:11 - Sumi Naga CL (Re-edited) Bible (BSI)

¹¹ Titoi pano nipuqo ghi mtsümishei kemi shimasa, kütami pipüsa kemi shimoni, ikemu tsükhüi kemi eno thokha lo pükhükulupu shimasae.

BAIBEL (BSI)

¹¹ Panongu nipu ghi mutsumisheyi kemi shimasa kutami ghili kughakemi shimoni; panonguye tsukhuyikemi eno thwokhalo pichhebe kulumi shimasa.

Sümi Tiqhelimi Bible

¹¹ Tipau tho lono totimiqo ghí gihu küzüpu shi moayesa, timi xishi kepu kumo ikemu aghibiu shi no thowkha lo pükhübekulu shi moayesa.

1 Tim. 3:11 Iomraidhean Croise

LESHELE 101:5

Khuu no tuqhou no pa kisüghüu xishi jekuni keno I no kütsave nani. Khunono kumobei keu ju eno aqheküza mlo xapu ani keno ni ye kutuu mlae.

LESHELE 15:3

khunono pa mili pesü timi pipüsa chemo eno pa kisüghüu lau alhoksa shi chemo, momu pa küsau thogha chemo keno;

LESHELE 50:20

Nono iqa no o thiküzüu külakeu tsa pike; nono o thiküzüu ghi pipüthae.

AHOLE 10:18

Kimthi kimxi keu küsüve aye pa ye akimki mili xapu ani, khukhumu xikishi tsa pichekeu ye anikhae.

AHOLE 25:13

Ghile tsala külü lo azü kumko toi pükhükulupu ghinimi ye pa puwu keu mpeu ghüthi püxütsü chenie.

JEREMIYA 9:4

Kümtsü no pa kisüghümi launo kutokupui lo, eno athiküzümi khuu shoumu pükhübe kevilo, kughengu athiküzümi kümtsü pishikiqhimi ke, eno akisüghümi kümtsü no pishikiqhi shi itsüwu ke.

EZEKEL 44:22

Panongu ye chimemi momu ixave kemi sasü külakupu shimoni, ikemu Israel kibo lo kughukomi athathelimi momu achinemi kütami nipu shiche no chimemi shive kemi sasü külakupu shini.

ACHINE 21:7

Panongu ye kitiqeve kemi küsalhami momu akibo ixave kemi sasü külakupu shimoni; pa ye Alhou lau akimthe shimasae.

MATTHEW 4:1

Tishino Jisü ye ghukujuu pelo ghukeju penike Aghungu Kimthe no sasü timi yenguyi ke-a lo wuve.

John 6:70

Jisü no panoqo khochile, “I no no chighikini kishelu kekumo? Ikeghi nongu gholo lakhi ye tüghamie.”

Rommi 1:29

Ikehu panongu ye achipikumo, kixikila, akughuvu, aghichikupo, lhoaye no chhitoi ani. Pano lolo anhekushu, ghikiqhi, kuqhu-kidikumo, pishikiqhi, kütami lau alhoksa shini keu likhi ke. Panongu ye timi xikishimi,

1 Tim. 1:12

Akümla hipau shipenike akumto I tsükeu, ni Mpeu Khristo Jisü shikimthi ani, kughengu pa no ni ye pükhükulupu kepi xatha no I pesü pa kümla lo süsüe,

1 Tim. 3:2

Kughengu akukuho lo sakiphemi ye akipimi kükühami shimasae, anipu lakhi akemi shimasa, tsükhüi kemi, alikhi aghasülu kemi, gihuküzümi, inami sasükinimi, eno shikathi kemi shimasae,

1 Tim. 6:2

Khuno mpemi no küpülümi keno aküpülü lono athiküzümi shivae pi tipaqo phimo gihumo kevilo; tipa züqhulo akivishi panoqo qe masae, kughengu khunono pano kümla kivi vecheo avehupu shilu cheni keno, tipaqo ye küpülümi eno qhuivü chekemi ke. Thime hipaqo pesü shika eno kütü lo.

2 Tim. 3:3

amlo kümkami, hasümla kemi, xikishi, ampi ghasükümla, ayiküsa, akivi kimiyemo kemi,

2 Tim. 4:5

Ikemu nou ye alhokuthu lo tsaqütsalei lo, aghime puqhelo, tsavipemi kümla shilo, eno Alhou qemi kümlapu shikupu lo.

Titus 2:3

Topu layemi ghi titoi ghushoghili lo gihuküzüpu shimasae, xikishimi momu aji qüaxemi shikepu kumoe. Panongu ye akivi pesü timi shika masa,

Titus 3:2

Khuu vilomu atsa lhoksa pipe kevi, mtomshu pekevi, ikemu kümtsü lau mtshaivü no akhuaye kivi piye pelo.

1 Peter 5:8

Tsükhüi lo; jukuto lo. Nongu ghümi tüghami ye abongshuu no igha chekeshi khukhumu tsüqhi luveni ke phucheni.