1 Tim. 2:7 - Sumi Naga CL (Re-edited) Bible (BSI)

⁷ Hi ghenguno I pesü akükütsüu eno apostolmi shi süsü ke (ni ye kuchou tsa piani thono miki amoe), ni ye aküpülü eno kuchou lono Jewkumomi shikükau ke.

BAIBEL (BSI)

⁷ Hipau ghenguno ipelo Judakumomi vilo akupulu ngo kuchou tsape pesu asheshupe nike apostolmi lakhi eno akukutsuu lakhi shi susuno puwuke. Niye kuchou tsa piani kethono miki amoe.

Sümi Tiqhelimi Bible

⁷ Ni ye Jewkumomiqo lau kuchou eno pükhübekulu kütsü pe nikeu kimiji ghenguno kütüghükütsüu eno apostol lakhi shi süküsü shike—ni ye kuchou tsa pi anike thono mikí amoe—eno ni ye Jewkumomiqow kuchou eno pükhübekulu kükütsüu lakhi ke.

1 Tim. 2:7 Iomraidhean Croise

LESHELE 111:7

Pa u no mlakeu kümtsü pükhükulupu eno achipi ke; Pa zakütsü kümtsü pükhübekulu ke;

YETSAPIU 1:12

Ni, Yetsapiu ye Jerusalem lo Israelmi shou akükau ke.

YETSAPIU 7:27

Julo, Yetsapiu no pi, I no thokha vehu phuche kelono lakhi lono lakhi kime keu phulue—

John 7:35

Jewmi no panongu dolono pi, “Timi hipau ye khila wuniye anipi ningu ye pa phumla nanie piani kea? Pa ye Greekmi phughiqo lo Jewmi hapiyepighive keqo lau wuno Greekmi kütsüni ye ani keo?

Apostolmi 14:27

Pama no ighi no akukuhou kukumqo püzü Alhou no pama peitha keu pesü sheshu, eno Jewkumomi lau kishi Alhou no aküpülü hukikha khaqhi tsü keno lhepiye.

Apostolmi 22:21

Ikelo Ampeu no I vilo pi, ‘Wulo, kughengu Jewkumomi lau aghacheu I no o puwuni.’”

Apostolmi 26:20

Ikemu Damascus lo paghi sheshu, tishino Jerusalem, Judea cheaxü kümtsü lo, eno Jewkumomi lau ghi Alhou lau xaide, eno tipau kiqi lono akümla lono piye lopi sheshue.

Apostolmi 9:15

Ikemu Ampeu no pi, “Wulo, kughengu pa no I je pesü Jewkumomi ngo kükami eno Israelmi zülo wu penike I no kishevae.

Rommi 1:9

Kughengu I nguagha kümtsü pesü Anu tsakiviu sheshu keu vecheo Alhou khuu I no huthu acheni keno, Pa no Iw thopike ni ye tamono nongu jeku

Rommi 10:14

Imaye panongu ye kishino pano no pülü chemo keu lau kuphu peniye wuni kea? Eno panongu ye kishino Pa ghili khilemu chilu mphi keghi pülüni kea? Khuana no asheshumo keloye kishino panongu ye chiluni kea?

Rommi 11:13

Itehi ni ye nongu Jewkumomi pütsa ani. I no Jewkumomi lau apostol shi ake tivilo ni ye I kümlapu lo akijivile anani

Rommi 15:16

Alhou tsakiviu kümlapu lo achinemi lakhi shi Jewkumomi lau Khristo Jisü tsapeu shi peniye ke, tishianguno panongu ghi Aghungu Kimthe vecheo shikimtheve no akümllagho toi ikhikulupu shi peniye ke.

Rommi 9:1

Ni ye Khristo laumi shino kuchou tsa pi ani—I lolo I pütsa chekeu huno Aghungu Kimthe vecheo I shepe shi anike ni ye miki amoe—

1 Kor. 9:1

Ni ye I ghoshi ililai anike kumo? Ni ye apostolmi ke kumo? Ni ye ni Mpeu Jisü ithulu püamo keo? Nongu ye I no Ampeu lau mlaphe keu kekumo keshea?

2 Kor. 11:31

Ampeu Jisü Papu Alhou khuu alholo akümghapu keno, Pa no ithi anike ni ye miki amoe.

Galatiami 1:16

Pa no I pelo Jewkumomi gholo Pa ghili pikülha peniye Pa Nu I lau pephe piyeni keu pulove kelo, paikhavi lo ni ye timi khuu vilomu kighinikile moe;

Galatiami 1:20

(Nongu lau I no kiu ye ani keno, Alhou zülono ni ye miki amoe!)

Galatiami 2:16

ikeghi nino ithi akeu no timi lakhi ye Ayezah peluke lono kumono Jisü Khristo lau aküpülü akeu vecheo achipikalu cheni, ikehu Khristo lau aküpülü akeu vecheo achipikalu niye ningu no Ayezah shou kumono Khristo Jisü pülübe cheni, kughengu timi khumu Ayezah vecheo achipikalu monani.

Galatiami 2:9

kughou James ngo Cephas eno John, atsükuchoqo ipiche keqo no I lau küpükini tsü püakeu vethalu keno, panongu no Barnabas nikujo ikhilu eno ningu lakhi kepi sasü kuposhu, ikehu ningu no aphighü yiko ghamo kemi Jewkumomi lau wunikeu shi eno panongu no aphighü yiko ghave kemi lau wunikeu shie.

Galatiami 3:9

Tishiaye, khunono aküpülü ani keno, aküpülü timi Abraham gholono kümghatsü nanie.

2 Tim. 1:11

Atsakiviu hipau hu pikülha penike I pesü akükütsüu, apostolmi eno shikükau shi süküsü shi,

2 Peter 2:5

momu tsala Pa no achipiu mikucho sheshuu Noah gholo pano tsüni kumo aye mulholo Alhou kümthami yeghiqha qhoi züqozü lono ghülu püaghimo aye;