1 Thes. 5:12 - Sumi Naga CL (Re-edited) Bible (BSI)

¹² Nino nongu qhüiniju ani, athiküzümiqo, khunono nongu gholo ime mlaitha, eno Ampeu je lono nongu kütsüshika cheni keno panongu gihulo,

BAIBEL (BSI)

¹² Athikuzumiqo nino nongu vilo hipau piputo ani, nongu gholo aghimeshi mlachekemi qhoqhulo, khunoqomi Ampeu no kishephe pesu nongu la kichepiye eno nongu shika cheni keno tipaqo qhoqhulo.

Sümi Tiqhelimi Bible

¹² Athiküzümi eno achelimiqo, ningu no nongu qhüiniju akeu ye, nongu dolo khunoqo no ighono ime mülà acheni, khunoqo no Ampeu je lono nongu tucho acheni eno khunoqo no nongu shika tsü acheni keno panoqo qhoqhü lo.

1 Thes. 5:12 Iomraidhean Croise

Luke 10:7

Aki lakhi lono kütau iqesü wu kevilo, ikemu lakhi lo likhi ngono ampemi no kiu tsü keno chusholo, kughengu akümla kishiu ye ajume ithulu küzüe.

John 4:38

Nongu no mlasümo keu lulo ghilehu peniye I no nongu puwue. Kütami no aghime kümla shi, eno nongu no pano ghime lono ala shilu ani.”

Apostolmi 20:28

Nongu ampi jukütsükiyi lo eno Aghungu Kimthe no nongu pesü khunoqo shou jukükütsümi shive akeno, aloji kümtsü jukuto lo. Alhou kukuhou kheu shilo, ti ye Pa no Pa ji pesü qhüluvae.

Apostolmi 20:35

I no thokha lo nongu piyeve ake ningu ye ichheime mlano miqemlei kemi kuphu, eno Ampeu Jisü ampi no pikeu tsa kümsülu masae, ‘Tsükeu no lukeu nguno akümghapue.’”

Rommi 16:12

Ampeu kümlapu lo akemi, Tryphaena ngo Tryphosa pama lau petha tsülo. Kimiyekicheu Persis khuu aka-aveshi Ampeu kümlapu lo acheni keno petha tsülo.

Rommi 16:6

Nongu ghenguno aka-aveshi mlaitha tsükeu Mary ghi petha tsülo.

1 Kor. 12:28

Alhou no akukuhou lo hitoi süsü püani: atüghüu no apostolmi, akiniu tungkupmi, aküthüu akükütsümi; tishino akümzapu kümlami, tishino shikipivi gho akemi, akukuphumi, saphekulumi, eno amili jeli lono pikemi.

1 Kor. 15:10

Ikemu I no kiu keno, ti ye Alhouw küpükini vecheo ke, eno Paw küpükini I tsükeu ye adou shivemoe. Tishike kumono apostolmi kütami nguno alau I no mlache, kuchou no I no shiluke kumono I gholo akeu Alhouw küpükini noke.

1 Kor. 16:16

timi hitoi keqo sakiphe pape eno pano gholo mlaküqha akemi ngo akukuphumi gholulo.

1 Kor. 16:18

I ghüthi püxütsü eno nongu ghüthi ghi püxü tsüe. Timi hitoi keqo ye gihuküzüe.

1 Kor. 3:9

Kughengu ningu ye Alhou kümlapu lo mlaküqha chekemi; nongu no Alhou luza eno Alhou ki.

2 Kor. 11:23

Panongu ye Khristo qemi keshea? Niu no akiviue—ni ye izüuve kemi toi pi auvae—panongu nguno niu no alau aghime shipüani, ghuthu kutomo akughu shipüani, pikhakümla kitihe chupüani, eno ghuthu kutomo thiveni cheghi püani.

2 Kor. 5:9

Ikehu aki lo na putosüu namu, ningu ye Pa pulou shini keu no ni kimji ke.

2 Kor. 6:1

Pa gholo mlaküqha kemi shi nino nongu qhüiniju anike adou lono Alhouw küpükini ithulu kemi shi kevilo.

Galatiami 4:11

Ni ye adou lono nongu gholo ime mlache keshela pi msa auvae.

FILIPIAMI 2:16

nongu no mtotoi aküxüpu tsa tsüqülu keu lono ishilu nani, tishikeu lono Khristo Tsala lo ni ye adou lono po püamo momu ime püamo kepi I kijivilelu nani.

FILIPIAMI 2:19

Ni ye kighithe nongu lau Timothy puwuni ke Ampeu Jisü lau lajube ani, tishianguno ni ghi nongu sütsa chilu kelo I hupite luni.

Kolosiami 1:29

Hi ghenguno ni ye Khristo no I lolo sütsü keu kumto kümtsü pesü aghime shi mla cheni.

1 Thes. 2:9

Athiküzümiqo, nongu no ni ghime eno akümla kümsülu aghi nani: Alhou tsakiviu pesü nongu lau asheshu kelo, nongu khuu shoumu amakho shipe moniye nino putho pucho mla cheke.

1 Thes. 4:1

Ashekha shi athiküzümiqo, Ampeu Jisü je lono nino nongu qhüiniju eno hakite ani, nongu no ni launo kishi Alhou lopu shi xükepu keno ithuluve ketoi, ti ye nongu no itehi xüake toi, itaghi tinguno alau shi xülo.

1 Thes. 5:14

Athiküzümiqo, nino nongu hakite ani, akipichimi lomipi lo, amlo kulotimi shikumto lo, miqemlei kemi kuphulo, panongu kümtsü lau kutuu kulu shilo.

1 Tim. 5:1

O nguno akichiu lomipi kevilo ikemu o pu toi pa shikumto lo, o nguno ayitiuqo no o thiküzümi toi peitha lo,

1 Tim. 5:20

Khunono axine lo acheni keno, mishi zülono sakiyi lo, tishianguno kütami no msave nani.

2 Tim. 2:6

Alukichiu ichheime mla chekeu huno ghile hukelo asaje atüghüu ithulu masae.

Titus 1:3

eno Pa tsa vecheo ado achipi lono Alhou ni Xakuluu no atsape hipau sheshu penike azah I tsüke.

Titus 1:5

I no Crete lo o qhive keu ye hipau kimji lono ke, o pelo kiu shikha move keno kithikiyi shive tsüno mishiphu kümtsü lo I no azah o tsüke toi kichimi süsü peniye ke.

Titus 2:15

Thime hipaqo pe sheshulo; eno kükagha kümtsü pesü shikumto no sakiyi lo. Timi khuu pelomu o jukünatha pekevilo.

IBRIMI 13:17

Now sakiphemi gholulo eno panongu qhoqhülo, kughengu pano ye Alhou lau kihikülai tsü nani kehu nongu küxü jukuto khe acheni. Pano pelo amlo samono aloviqhiyi mla pelo, tishimo aye nongu vehupu kiumu shimla nani.

IBRIMI 13:7

Now sakiphemi khunono Alhou tsa pesü nongu vilo piche keno tipaqo kümsü lulo. Pano xüghola kümsü kutoju no pano küpülü papelo.

Piyeküsü 1:20

I u ajeu ayepu tsüni pe akeu eno ameshoyi kulukibepu tsüni nono ithuluve keu lo tuqhou vehu akeu ye hike: ayepu tsüni huye akukuhou tsüniw kungumi eno akulukibepu tsüni huno akukuhou tsüni ke.”

Piyeküsü 2:12

“Pergamum kukuhou lo kungumi lau yelo: ‘Khuu u lo putoputo züta kütsügha ani keno Pa tsape.

Piyeküsü 2:18

“Thyatira kukuhou lo kungumi lau yelo: ‘Alhou Nu, Khuu nhethi no ami mili toi eno apukhu no alazayi ghukimthepe phuphushi aketoi keno, Pa tsape.

Piyeküsü 2:3

Nono I je ghenguno kutuukulu shi puqhe akeu eno aghime sholu namu azüzüve mphi keu I no ithi ani.

Piyeküsü 2:8

“Smyrna kukuhou lo kungumi lau yelo: ‘Khuu no thive no xüchilelu keno, Atüghüu eno Ashekhau tsape.

Piyeküsü 3:1

“Sardis kukuhou lo kungumi lau yelo: ‘Khuu no Alhou Ghungu tsüni eno ayepu tsüni ani keno Pa tsape. “‘I no o kümlaqo ithi ani. No ye küxümi toi ajuaje xapu ani, ikemu no ye kithimie.

Piyeküsü 3:14

“Laodicea kukuhou lo kungumi lau yelo: ‘Pükhükulupu eno Kuchou Thopiu, Alhouw amsüu pulhoküsü Amen tsape.

Piyeküsü 3:7

“Philadelphia kukuhou lo kungumi lau yelo: ‘Akimtheu, Amikuchou, Khuu no Davidw khaqhiyi pecheni, Khuu no khaqhi aye khunomu khalu chemo, eno khave aye khunomu khaqhilu chemo keno Pa tsape.