1 Thes. 4:1 - Sumi Naga CL (Re-edited) Bible (BSI)

¹ Ashekha shi athiküzümiqo, Ampeu Jisü je lono nino nongu qhüiniju eno hakite ani, nongu no ni launo kishi Alhou lopu shi xükepu keno ithuluve ketoi, ti ye nongu no itehi xüake toi, itaghi tinguno alau shi xülo.

BAIBEL (BSI)

¹ Athikuzumiqo, ashekhashi ninguno Ampeu Jisu lono nongu qhuiniju eno nongu hakite ani, ike nonguye kishi xukepu keno eno kishi Alhou pulou shikepu keno nonguno nilauno shikalu ketoi, nonguno itehi kishi xuanikeno titoi nonguye tinguno alaushi xu achelo.

Sümi Tiqhelimi Bible

¹ Athiküzümi eno achelimiqo, kütau vehuqo shélo ye kíshi Alhou pulou lono xüni keno ningu no nongu shikavae. Kuchou lo nongu ye tishi xüani. Itehi ningu no Ampeu Jisü vechewo nongu qhüiniju akeu ye itaghi hitoi alau shi xüa penike nongu kite ani.

1 Thes. 4:1 Iomraidhean Croise

YEKIKITHI AKINIU 17:4

ikemu pa puasüqo Lhou phuke, eno Israelmi khuaye kumono Alhou zakütsüqo pape.

JOB 17:9

Tishimu, amikuchomi ye pa laghi pheve chemo, khunono au mithe ani keno pano no alau mtokithe chenie.

LESHELE 92:14

Panongu ye kitemi shiveke thiu ghi athi pithi cheni panongu ye pülhapuju xüthilei eno mtotoi ke.

AHOLE 4:18

Ikemu amikuchomi laghi ye tsükutho küvü ipeche ketoi, puchomghü shimoke kutolo vüqai eno vüqai kithe acheni.

John 15:2

I loka khijehi axathi pithi moni keno Pa no micheve cheni eno axathi pithikeu loka kümtsü alau pithi penike Pa no kixiphe cheni.

Apostolmi 20:27

Kughengu Alhou kimji kümtsü pesü nongu vilo pikülha nike ni ye süchile püamoe.

Rommi 8:8

Khunono ashi lono xücheni keno Alhou lopu shimla nani.

1 Kor. 11:23

Kughengu I no kiu Ampeu launo ithulu keno nongu lau ghi pikülha tsü, ike Ampeu Jisü pesü thechuveke ji Pa no asho ikhilu,

1 Kor. 15:1

Athiküzümiqo, I no nongu lau atsakiviu pikülha keu, khikhi nongu no ikhilu no tipa shou puthugho ani keno ti pesü nongu kütü ani.

1 Kor. 15:58

Tighenguno, I qhuu I thiküzümiqo, mtotoi puthugholo, itha kevilo, alhokuthu Ampeu kümla pekho tsüalo, kughengu Ampeu lau mlaitha akeu ye adou shivemo nanie pi nongu no ithi anie.

2 Kor. 10:1

Ni, Paul ampi no Khristo kümtsha küghüvü pesü nongu qhüiniju ani—kughou nongu sasü kinheqhe kusholuni keno ni ye ivünhei ikemu nongu launo putosüve aye mghachhoi!—

2 Kor. 13:11

Ashekhashi, athiküzü achelimiqo, alovilo. Kupukülai luni keu mijilo, lakhino lakhi lokughuno tsülo, lakhino lakhi sasü pulo küqhalo, külakishi lono xülo; kikimiye ngo aloino keu Lhou no nongu gholo anani.

2 Kor. 5:9

Ikehu aki lo na putosüu namu, ningu ye Pa pulou shini keu no ni kimji ke.

2 Kor. 6:1

Pa gholo mlaküqha kemi shi nino nongu qhüiniju anike adou lono Alhouw küpükini ithulu kemi shi kevilo.

Galatiami 6:1

Athiküzümiqo, khuana no axine lo ikiqive aye, nongu aghungu lomi no mtshaminhei pa sachile saghilo. Nongu jukuto lo tikumo aye nongu ghi ghukuju lo ilove nosae.

Ephesiami 4:1

Ikehu ni, Ampeu ghenguno akughumi, huno nongu ghutu ani, khipa lalo cheche penike Alhou no nongu kuluve akeno nongu ye aküzüpu shi chechelo,

Ephesiami 4:20

Ikemu nongu ye hipa gholau no Khristo ithike kumoe.

Ephesiami 5:17

Tighenguno mbomzü shi akevilo ikemu Ampeu pulou ye kiu keno ithikuthu lo.

FILIPIAMI 1:27

Akhotou ye hike, nongu xüghola ye Khristo tsakiviu gholo aküzüqhiyi kimshilu pelo, tishianguno I no ighi no nongu kujuthulu na monamu, nongu ye amlo akükümsü küthape lakhi shino atsakiviu küpülü ghüshi ghenguno kümtsa akumto shi puthugho anipi ni ye chiluni shi ani

FILIPIAMI 1:9

I no ishi inikhu cheni: nonguw kikimiye ye alaushi akighithi ngo kiviküsa kimchikulu gholono ikowolu peni;

FILIPIAMI 3:14

ni ye Alhou no Khristo Jisü vecheo kungugha küxü lo kulu keu saxü ithuluni ke akimji küdau pokive wucheni.

Kolosiami 1:10

tishikeu lono nongu pelo qhoi Ampeu lopushi ameküapu küxü xülu: akümla kivi kümtsü lo athi pithilu eno Alhou kighithi ikowolu peni;

Kolosiami 2:6

Tighenguno nongu no Khristo Jisü ye Ampeu kepi ikhiluve ketoi, pa gholo cheche lo,

1 Thes. 3:12

eno Ampeu no nongu lau niw kikimiye ikowo eno qochili lupe ketoi, nonguw kikimiye ghi lakhi no lakhi lau tishilu peni,

1 Thes. 4:2

Kughengu Ampeu Jisü vecheo nino nongu kütsü shikave keu nongu no ithi ani.

1 Thes. 5:12

Nino nongu qhüiniju ani, athiküzümiqo, khunono nongu gholo ime mlaitha, eno Ampeu je lono nongu kütsüshika cheni keno panongu gihulo,

2 Thes. 1:3

Athiküzümiqo, ningu ye alhokuthu nongu ghenguno Alhou shikimthi tsü akepu, ti ye achipi ke, kughengu nongu küpülü ye alau thuiku ani, eno lakhino lakhi lau kikimiye akeu ikowolu ani.

2 Thes. 2:1

Ni Mpeu Jisü Khristo ikighi eno ningu no Pa gholo kumqoni keu vehulo nino nongu qhüiniju ani athiküzümiqo,

2 Thes. 3:1

Ashekhashi athiküzümiqo, ni ghenguno inikhu tsülo, tishianguno nongu gholo shike toi Ampeu tsa pesü azüu veküpha wolu eno gihulu peni,

2 Thes. 3:13

Athiküzümiqo, akivi kümla shini keu lo aghüthisü kevilo.

1 Tim. 5:21

Alhou ngo Khristo Jisü eno kungumi kishekiphe zülono o pelo akükütsü tsa hipaqo pape penike I no o hakite ani. Khilemu kümsükuto mono küghathabe kevilo, agi jumono shilo.

2 Tim. 4:1

Alhou eno Khristo Jisü khuu no küxümi ngo kithimi shou küghaküthau shinani keno, pama zülono eno Khristo pephe piye keu ngo pa kükaqha zülono, I no o hakite ani:

IBRIMI 11:6

Aküpülü küha keloye Alhou mlo kiqipu shimlae, kughengu khuu no Alhou lau ighini keno pa ye Alhou ye acheni eno Pa phu ighi kemi Pa no asaxü tsücheni kepi pülülu masae.

IBRIMI 13:16

Akivi mlani keu kughucho kevilo eno nongu no akeu pesü küsaje kilelo, kughengu titoike ghakishi no Alhou lopuke.

IBRIMI 13:22

Athiküzümiqo, Iw shikumtotsa initsü lopi I no nongu hakite ani, kughengu ni ye ikhonhei shi nongu lau yepuwu anike.

2 Peter 3:18

Ikemu ni Mpeu eno Xakuluu Jisü Khristow küpükini eno Pa kighithi lono thuwu alo. Itehi eno lhokta tsala kutolo Pa lau ajekipi shilo. Amen.

1 John 3:22

eno kiu kiumu nino khu kelo ithulu cheni, kughengu ningu no Pa zakütsü pelu eno Pa pulou shi cheni kehue.