1 Thes. 2:4 - Sumi Naga CL (Re-edited) Bible (BSI)

⁴ ikemu Alhou no ningu ikhikulupu shitsü no atsakiviu pesü pichebe tsüke toi ningu no pi cheni, ningu ye timi pulou kumono Alhou khuu no ni mlo peju cheni keno Pa pulou shicheni.

BAIBEL (BSI)

⁴ Ikemu Alhou no ni ikhikulupu shiaghive eno atsakiviu pesu ipichetsu keu toi ninguno pi acheni. Ninguye timi pulou shiniyeke kumoe ikemu nimlo lhejuchekeu Alhou pulou shiniyeke.

Sümi Tiqhelimi Bible

⁴ Ikemu, ningu ye Alhou no pulove tsü no atsakiviu pesü pichetsü kemi toi pi acheni. Ningu ye timi pulou shi niye ke kumoe, ikemu Alhou khuu no ningu mlo peju acheni keno pa pulou shini ke pükapütsa anie.

1 Thes. 2:4 Iomraidhean Croise

KUKAMI ATUGHIU 8:39

O kungo-a kungugha lono ini tsüno akipimi qhitsü lo eno pütüta mlo Nono ithi akeu kiqi lono panongu lau mla tsülo (kughengu O likhi no timi kümtsü mlo ithi anie),

KUKAMI AKINIU 16:16

Achineu Uriah no akükau Ahaz no azah tsüke toi thokha shive.

YEKIKITHI ATUGHIU 29:17

I no ithi anike No ye timi mlo piliju cheni eno akikhi shikeu lo O züküvü shicheni, I Lhou. I mlo lono akikhi shi thime hi kümtsü süchile mono pesü tsüvae, eno itehi ye Ow timi khunoqo no süchile mono aloviqhiyi akümllagho pesü O tsü ani keno, hile akemi kümtsü I no ithuluvae.

LESHELE 139:23

I phujulo, O Ampeu, eno I mlo ithi tsülo! I pejulo eno I kükümsü ithi tsülo!

LESHELE 17:3

Nono I mlo pejuvae, putho lo Nono I xuju ighi, Nono I pejuve ake kiumu ithulumo nani; I kichi ye axine shimoe pi I no thebeivae.

LESHELE 44:21

Alhou ye phuphe mlani keshea? Kughengu Pa ye amlo lo tuqhou akeu ghi ithi ani.

LESHELE 7:9

O amikucho Lhou, khuu akükümsü eno amlo lheju cheni keno, kixikilami kümla lhoksa kishekhave tsülo, eno amikuchomi xaqhe tsülo.

AHOLE 17:3

Ameshoyi ngo ghükayi ghukimthe kepu ami kümgha acheni, ikemu timi mlo ye Ampeu no peju cheni.

JEREMIYA 17:10

“Ni Ampeu no amlo phuju cheni eno akükümsü peju cheni, timi lakhikhi laghi, pa kümla xathi kiqi lono agho tsücheni.”

JEREMIYA 32:19

Ow kichekütsü ye kije eno O kümla ye akughushu, O nhethi no timi tianuli laghi kümtsü jukuto acheni, lakhikhi laghi eno pa kümla kiqi lono asaxü tsücheni.

AKIKIHI 27:16

“Ampeu, aküxüküa ghungu kümtsü Lhou no aqoaho sakipheu lakhi kishe tsülo

Luke 12:42

Ampeu no pi, “Tishi aye, pükhükulupu eno alokütsü jukükütsüu, khuu shou pa mpeu no aki lo aqemi kütami mijetsü eno ado achipi lono panoqo tsüjeve penike kuchoqhitsü keno, timi huye khuu kea?

Luke 16:11

Tishi aye, nongu no ayeghi lo küakini peitha keu lo thotsü pükhükulupu shimlave aye, khuu no küakini kuchou pesü nongu pichetsü nani kea?

John 21:17

Jisü no ghuthu aküthüu pa vilo pi. “John nu Simon, no ye I kimiye anima?” Peter ye amlo shimove kughengu Jisü no pa vilo ghuthu aküthüu “No ye I kimiye anima?” ipi ighiju ke. Pa no Jisü vilo pi. “Ampeu, nono thokha ithi ani, eno I no o kimiye akeu nono ithi anie.” Jisü no pa vilo pi, “I mbeqo jukuto lo.

Rommi 8:27

Eno Khuu no timi mlo lheju cheni keno Pa no Aghungu kükümsü ye kiu keno ithi ani, kughengu Aghungu no küpülümi ghenguno Alhou pulou lono qhüiniju tsü acheni.

1 Kor. 7:25

Itehi ye külau mono akemi ghenguno, ni ye Ampeu launo tsükeu za kühae, ikemu Ampeuw kimiyekini vecheo pükhübekulu shiaghi kehu I no Iw xakütha tsü ani.

1 Kor. 9:17

Tsala I no I pulou lono hi shiaghi aye, I sala ajume anani, ikemu I pulou lono shiaghimo aye, ni ye I pichebe kümla shiani.

2 Kor. 2:17

Kughengu ningu ye timi kutomo no shiche ketoi, Alhou tsa jekuchumi kumoe, ikemu Alhou zülo amlo tsüqhiyi kemi, Alhou no puwu kemi kehu ningu ye Khristo pulou lono picheni.

2 Kor. 4:2

Ikemu ningu ye tuqho-tugho eno akukujopu kümla qhikhavae. Ningu ye mqümgha momu Alhou tsa süchighive chemo, ikemu pekiphe shi kuchou ghili pikeu vecheo ningu ye Alhou zülo ningu ampi pesü timiqo kiviküsa lokütsü zülo ikhiphetsü acheni.

2 Kor. 5:11

Tighenguno, Ampeu sükümsa ye kiu keno ningu no ithi ani kehu nino timiqo züiza cheni. Ikemu nino kiu keno Alhou no ithi ani eno I no laju akeu no nongu ghi ni ithi aghi nani ke.

2 Kor. 5:16

Ikehu hinguno hilau ye ningu ye timi khumu ashi gholau no ikhilu moae. Ghuthu lakhi lo ningu no ashi gholau no Khristo ikhilu püaghi namu itehi ye tishi movae.

Galatiami 1:10

Ishi pi kelo ni ye timi momu Alhou launo akishekütsü laju ani keshea? Momu timi mlokiqi shinike pükapütsa ani keshea? Itehi kutolo I no timi mlokiqipu shinishi aghi aye ni ye Khristo qeu kumovae.

Galatiami 2:7

Tike kumono Peter pesü aphighü yiko ghave kemi lau atsakiviu pikülha penike pichetsü ketoi I pelo aphighü yiko ghamo kemi lau atsakiviu pikülha penike pichetsü keu panongu no ithulue.

Ephesiami 3:8

Niu no küpülümi kümtsü dolo akimkheu keghi, Khristow kihikhakümla kini pesü Jewkumomi lau pikülha peniye küpükini hipau I tsü,

Ephesiami 6:6

Timi lokiqipu shiniye anhekithe lo likhino shi kevilo, ikemu Khristo qemi toi amlo lono Alhou pulou shilo.

Kolosiami 3:22

Aqemiqo, thokha lo nonguw ayeghilo mpemi gholu lo, pano mlopiqi tsüniye aküa lo likhino mla kevilo, ikemu Ampeu sükümsa lono amlo tsüqhiyi shilo.

1 Tim. 6:20

O Timothy, o pelo jukuto peniye tsüpüa keu, khekuto lo. Alhou sümokeu tsapi eno kumomu “akighithi” ipi no kighekile chekeu launo putosülo.

2 Tim. 1:14

Aghungu Kimthe ni lolo akeu vecheo, agho kivi o pichebe püakeu jukutolo.

2 Tim. 2:2

eno thopimi kutomo küa lono I no pikeu, nono chilu püakeu tsaqo pesü pükhükulumi khunono kütami shikalu nani keno, tipaqo pichebe lo.

Titus 1:3

eno Pa tsa vecheo ado achipi lono Alhou ni Xakuluu no atsape hipau sheshu penike azah I tsüke.

IBRIMI 4:13

Alhou no lhosü keu kiumu pesü küsüve mlae, ikemu ningu no khuu lau kihikülai tsümasa nani keno, Pa nhethe loye kümtsü lhaphepe eno pekipheshi ani.

1 Peter 4:11

khuu no asheshu cheni keno Alhou Tsape pesü asheshulo; khuu no huthu cheni keno Alhou no tsü chekeu kumto pesü huthulo, tishianguno thokha lo Jisü Khristo vecheo Alhou jekipipu shilu penie. Alholo eno pülhapuju ajuküvü ngo aküka ye Paw ke, Amen.

Piyeküsü 2:23

eno li laghami qhoi ghavetsü nani. Tileno akukuhou kümtsü no Khuu timi kükümsü-mlo lheju cheni keno Pa huye Ni kepi ithi nani, eno nongu lakhikhi lau pütüta kümla kiqi lono I no ajume tsü nani.