1 Thes. 1:10 - Sumi Naga CL (Re-edited) Bible (BSI)

¹⁰ eno Pa Nu Jisü khuu akithi lono xüputhupe aloghu ighini ye akeu lono ni xaphelu nani keno, nongu no kishi Pa ikighi khekuto cheni keno, panongu ampi no pesü pike.

BAIBEL (BSI)

¹⁰ itehiye pa Nu kungugha lono ighikeu nonguno huqhekheani, pa Nu Jisu khuu akithi lono xuputhuve eno pano Alhou loghu ighiniye akeu lono ningu xapheluke.

Sümi Tiqhelimi Bible

¹⁰ Eno nongu ye Alhou Nu akithí lono xüputhuve keu no kungugha lono ighi niye akeu lo kíshi khe ani keno panongu no ningu vilo pike. Alhou Nu Jisü ye Alhou’w küghakütha chekeu lono ningu xalu keu hu ke.

1 Thes. 1:10 Iomraidhean Croise

BOTHUBO 49:18

Ow xakulupu I no ngokhe anie, O Ampeu.

MATTHEW 1:21

Li no anu lakhi punu nani, eno no ye pa je Jisü kutsü nani, kughengu pa no paw timiqo pano xine lono xalu nani.”

MATTHEW 16:27

Kughengu Timi Nu ye Papu juküvü lono paw kungumi sasü ighini cheni, eno pa no milakhi khino kiu mla püaghini keno tipau kiqi lono tsüchile nani.

MATTHEW 16:28

Kuchou no I no nongu vilo piani, hile puthugho akemi khami ye Timi Nu no pa yekipe süghi keu ithulu moke kutolo akithi michemo nani.”

MATTHEW 3:7

Ikemu kughou pa no baptiz tsüchekeu-a lo Phariseemi ngo Sadduceemi kutomo ighikeu ithulu keno, panoqo vilo pa no pi, “Nongu tüghükupu pighitiqo! Khuu no nongu ye Alhou loghu chekeu lono poluve nanie pi kütüghü kea?

Luke 2:25

Jerusalem lo timi lakhi Simeon ipikeu ache, pa ye amikucho eno amlo tsüqhiyi Israel lokughuno tsüni keu tsala khelho chekemi, eno Aghungu Kimthe no pa gholo ache kemie.

Luke 3:7

Ikehu John no aqokitikhi pa launo baptiz shiniye ighi keqo vilo pi, “Nongu tüghü pighitiqo! Khuu no nongu ye Alhou loghu ighini ye akeu lono polu nanie pi ghutu kea?

Apostolmi 1:11

eno pi, “O Galileemi, nongu ye kushiye atsütsü lo jupuku ania? Hi Jisü, khuu nongu launo kungugha lo saikuve akeno, pa ye kungugha lo wuve keu gholau no itaghi ighi nanie.”

Apostolmi 17:31

kughengu Pa no timi lakhi kishe püakeu vecheo amikucho lono ayeghiqha shou küghathabe nike atsala kihithavae; eno hi ye shinani pütsae pikeu shi Pa no timi hu akithi lono xüputhue.”

Apostolmi 2:24

Ikemu Alhou no akithipu ghime shipühave tsüno pa xüputhuve, kughengu akithi ye pa küghape püamlave.

Apostolmi 2:32

Alhou no Jisü hipau xüputhuve, eno ningu kümtsü no tipau thopimi ke.

Apostolmi 3:15

Nongu no aküxü Mpeu khuu Alhou no akithi lono xüputhuve keno, pa pithive. Ningu no tipau thopimi ke.

Apostolmi 3:21

Alhou no kushuo lono Pa kimthe tungkupmi vecheo pipüa ketoi, thokha athoputho moke kutolo, kungugha no pa saluve masae.

Apostolmi 4:10

Nazarethmi Jisü Khristo, khuu nongu no yedave kemu Alhou no akithi lono xüputhuve keno, pa je vecheo timi hipau ye vithai nongu zülo puthugho ani kepi nongu eno Israelmi kümtsü no ithilo.

Rommi 1:4

kemu Pa lolo akimthe nguagha akeu kiqilou ye Pa no akithi lono xüthughive keu vecheo aküka lo akeu Alhou Nu shi penike shuphetsü keno, ni Mpeu Jisü Khristo ghili huke.

Rommi 2:7

khunono kheakulu shi akivi kümla shikeu lono shekiqhe, agigihu, eno thimoni keu küxü phucheni keno, Alhou no lhokta küxü pesü panongu tsü nani;

Rommi 4:25

Alhou no ni xine ghenguno Jisü pesü akithipu lo ikhiphetsü püzü ningu pelo achipikalu penike xüputhuve ke.

Rommi 8:34

Khuu no aghimepu lo ikhiphe tsüluni kea? Khumu kühae, Khristo Jisü khuu thive—tinguno alau xüputhuve—eno Alhou u ajeu ngo püzü ningu ghenguno qhüiniju tsü ani keno, Pa ghenguno ke.

1 Kor. 1:7

tishianguno ni Mpeu Jisü Khristo pephe piyeni keu khe akelo, nongu ye aghungulo gho kiumu mikheve amoe.

Galatiami 3:13

Khristo no ni ghenguno angusüu shive no Ayezah lo müsüini keu lono ningu qhüchile luve—kughengu ishi yepüani, “Khuu no asübo lono tshüqhi pithiveni keno pa ye müsüinivae”—

FILIPIAMI 3:20

Ikemu ningu ye kungugha ghakütsami, eno ningu ye Xakuluu, Ampeu Jisü Khristo tilauno ighini keu huqhe cheni,

Kolosiami 1:18

Pa no aphimpi, ti ye akukuhou, kütsü ke. Pa no hukuthuu, akithi lono xüthughive keu amsüu, ikehu thokha kümtsü lo pa no azüu ke.

1 Thes. 1:7

tishikeu lono nongu no Macedonia ngo Achaia lo küpülümi kümtsü lau kichekipiye shitsüe.

1 Thes. 2:16

ningu pelo Jewkumomi xalu pemo nike atsakiviu pinikeu lakha, tishikeu lono alhokuthu pano xine qhepuku ke. Ikemu ashekha lo Alhou loghu pano shou ikughive.

1 Thes. 2:7

Ikemu aza lakhi no atianuli lamlu ketoi ningu no nongu lau mtshaivü piyeke.

1 Thes. 5:9

Kughengu Alhou ye aloghu ghenguno aza po lono ningu iniveke kumoe, ikemu ni Mpeu Jisü Khristo vecheo xakulupu ithulu peniye ke,

2 Tim. 4:1

Alhou eno Khristo Jisü khuu no küxümi ngo kithimi shou küghaküthau shinani keno, pama zülono eno Khristo pephe piye keu ngo pa kükaqha zülono, I no o hakite ani:

Titus 2:13

tino ni Lhou akijeu eno Xakuluu Jisü Khristo ajuküvü lono ipeghini keu khekuto akelo niw kükümgha lajupu ke.

IBRIMI 10:27

ikemu küghakütha kümsapu, eno aghümi pitiveni keu miküqü likhivae.

IBRIMI 9:28

Khristo ghi timi kutomo xine puluve tsünike ghuthu lakhi pa ampi pephe tsüve kethiu ghuthu akiniu ipeghi nani. Ti ye axine peve tsüniye kumono pa khekulho shi akeqo xalu nani.

1 Peter 1:21

Pa vecheo nongu no Alhou Khuu akithi lono Khristo xüputhupe ajekipi Pa tsü keno, Pa lau pülübe cheni, tishianguno nongu küpülü eno lajupu ye Alhou lau apeniye ke.

1 Peter 1:3

Ni Mpeu Jisü Khristo Papu Alhou sheqhe ani! Paw kimiyekini kije pesü akithi lono Jisü Khristo xüputhu keu vecheo ningu pelo aküxüpu lajupu lo punu kithe lupe,

1 Peter 2:21

Kughengu nongu ye hipau lo kuluvae, Khristo ghi nongu ghenguno imeve kehu kichekipiye shi nongu lau qhi püatsü ae, tishianguno nongu no Pa nepa papelu peniye ke.

1 Peter 3:18

Kughengu Khristo ghi ni xine ghenguno ghuthu lakhi imeve, ningu sasü Alhou lau ighi niye amikuchou no amikucho kumomi ghenguno imeve, ashi küdau ye pithive kemu aghungu lono xüputhuve,

2 Peter 3:12

Alhou Tsala khe akelo eno mtazü ighive penishi akelo, nongu ye Pa zülo mqhamqhiyi eno tukutiye kühano xümasae, kughengu tipa tsala lo atsütsü ye pitive nani eno tile akeqo ye ami no piti kümlave nani!

2 Peter 3:14

Tighenguno kimiye chekeqo, nongu ye hitoi keu tüqhüdo khe ani kehu, tukutiye kühano aloinoqhiyi ithulu penike azükini shi alo.

Piyeküsü 1:18

eno Xüküau huke. Ni ye thive kemu itehi ye alholo xüauvae. Akithi ngo Kithigha khaqhiyi ye I u lo ani.

Piyeküsü 1:7

Julo, Pa ye khüngküsü lono cheni, Pa qhuqhi kemiu ghi süno kümtsü nhethi lono Pa ithulu nani; eno ayeghi lo ashiaye jeli kümtsü no Pa ithulupe ighaqa nani. Tishi peniu, Amen.