1 Thes. 1:1 - Sumi Naga CL (Re-edited) Bible (BSI)

¹ Paul, Silvanus eno Timothy no, Thessalonia lo Apu Alhou eno Ampeu Jisü Khristo kukuhou lau: Küpükini eno aloino keu tsü ani.

BAIBEL (BSI)

¹ Paul, eno Sila eno Timothi ishino Thesalonia lo Apu Alhou eno Ampeu Jisu Khristo lono akukuhou timiqo lau yelu ani. Kupukini ngo alokiqi nongu lau apeniu.

Sümi Tiqhelimi Bible

¹ Yesǜ hipau ye Paul, Silas eno Timothy lau no, Apù Alhou eno Ampeu Jisü Khristo vechewo Thessaloniami kukuhou lau yèlu ani: Küpükini eno aloino keu nongu gholo apeniu.

1 Thes. 1:1 Iomraidhean Croise

Apostolmi 15:22

Tileno apostolmi ngo layemi eno akukuhomi kümtsü no pano dolono timi khami kishe no Paul ngo Barnabas pama gholono Antioch lo puwuni ke pulove. Panongu no athiküzümi dolo atomi Barsabbas ipiche keu Judas ngo Silas pama puwu.

Apostolmi 15:27

Ikehu ningu no Judas ngo Silas pama kichi lono hipa tsatho pi penike puwu ani.

Apostolmi 15:40

Eno küpülümi no Ampeuw küpükini lo ikhiphe tsüke toi, Paul no Silas kisheluve no cheve.

Apostolmi 16:19

Ikemu kughou li mpemi no panow ilokighi la kühave keu ithive keno, panongu no Paul ngo Silas pama küghape mishi-a lo yepemi zülo sünhe saghi.

Apostolmi 16:25

Zübumta lo Paul ngo Silas pama no Alhou lau akighini shi ale phe akelo akughumi kütami no inia,

Apostolmi 16:29

Akheu no akulu khu püzü poiloghi, eno akümsa no thüthüshi Paul ngo Silas pama zülo ikiqi.

Apostolmi 17:11

Jewmi hipaqou ye Thessalonica lo akeqo nguno tsaqüi kemi; panongu no khekulhoshi atsa ikhilu, eno hi ye tishi kemo keno ithi niye tsalakipetsü Kuchoyesü phukide jue.

Apostolmi 18:5

Kughou Silas ngo Timothy no Macedonia lono ighi keno, Paul ye ado kümtsü atsa pesü Jewmi vilo Khristo ye Jisü kepi ashepe shiae.

Apostolmi 19:22

Pa kukuphumi Timothy ngo Erastus pama Macedonia lo puwuve no pa ampi ye Asia lo ado hami ngove.

Apostolmi 20:4

Bereami Pyrrhus nu Sopater no pa sasü wuve; eno Thessaloniami Aristarchus ngo Secundus; Derbemi Gaius; Timothy ngo Asiami Tychicus ngo Trophimus

Rommi 1:7

Rome lo khunoqo Alhou no qhuivü keu lono akimtheshi xü peniye kulu keno: ni Pu Alhou eno Ampeu Jisü Khristo launo ighi keu küpükini eno aloinokütsü nongu gholo alo.

1 Kor. 1:2

Corinth lo Alhou kukuhou, Khristo Jisü launo shikimtheve kemi, aqha kümtsü lo ni Mpeu Jisü Khristo jeku chekemi gholo süküqha no küpülümi shipenike kuluve keqo lau ye ani:

2 Kor. 1:1

Paul, Alhou pulou vecheo Khristo Jisüw apostol, eno ningu thiküzüu Timothy nikujo no, Corinth lo Alhou kukuhou eno Achaia qhalo küpülümi kümtsü lau yelu ani:

2 Kor. 1:19

Alhou Nu Jisü Khristo khuu Silas, Timothy, eno ni küthü no nongu lau sheshu keno, Pa ye Iyei eno Moe kühae, ikemu Pa gholo ye alhokuthu Iyei ke.

Galatiami 1:2

eno I gholo athiküzümi akeqo no, Galatia lo akukuhouqo lau ye ani:

Galatiami 1:22

Ti kutolo Judea lo Khristo lau akeu kukuhouqo lau ni ampi ye kujuthi mono ake.

Ephesiami 1:2

Ni Pu Alhou eno Ampeu Jisü Khristo launo ighikeu küpükini ngo aloinokeu pesü nongu tsü ani.

FILIPIAMI 1:1

Khristo Jisü qüaxemi, Paul ngo Timothy, no Philippi lo küpülümi khunoqo Khristo Jisü laumi shino akukuho lo kichimi eno deaconmi gholo akhani keno kümtsü lau ye ani.

Kolosiami 1:1

Paul, Alhou pulou lono Khristo Jisüw apostol, eno ni thiküzüu Timothy no,

2 Thes. 1:1

Paul, Silvanus, eno Timothy no, Thessalonia lo ni Pu Alhou eno Ampeu Jisü Khristo kukuhou lau:

1 Tim. 1:2

Aküpülü lono I nu kuchou Timothy lau ye ani. Apu Alhou eno ni Mpeu Khristo Jisü launo ighi keu küpükini, kimiyekini eno aloinokeu tsü ani.

2 Tim. 1:2

I qhuu, anu Timothy lau ye ani. Apu Alhou eno ni Mpeu Khristo Jisü launo küpükini, kimiyekini, eno aloinokeu tsü ani.

IBRIMI 13:23

Ni thiküzüu Timothy khaqhi pheve keu nongu pelo ithive penishi ani, pa no ke-i ighi aye I no pa sasü ighi no nongu kusholuni.

1 Peter 5:12

Pükhükulupu thiküzüu shi I no kihi chekeu Silvanus vecheo ni ye nongu lau shikumto eno shuphetsü ghi hi no Alhouw küpükini kuchou kepi ikhonhei shi yevae. Mtotoi hipau lo puthugho lo.

1 John 1:3

Ningu no khikhi ithulu eno chiluve akeno nongu lau pikülha ani, tishianguno nongu ghi ni gholo kuposhulu peniye ke; kuchou no ningu ye Apu eno Pa Nu Jisü Khristo sasü kuposhu acheni.

Jude 1:1

Jisü Khristo qeu eno James thiküzüu Jude, Alhou no kuluve kemi, Apu Alhouw kikimiye lo akemi, eno Jisü Khristo ghenguno süsho püakemi lau yelu ani: