1 Peter 5:9 - Sumi Naga CL (Re-edited) Bible (BSI)

⁹ Pa tuchile lo, nongu küpülü lo mtotoi lo, no küsami küpülümi ghi ayeghiqha kümtsü lo aghime athoshi sholu ani kepi ithilo.

BAIBEL (BSI)

⁹ Nongu kupululo mutotoi shino pa lakhalo, kughengu ayeghiqha kumtsulo nongu thikuzumi akupulumiqoye aghime hipaphi sholu anike.

Sümi Tiqhelimi Bible

⁹ Pa mjochile lo, aküpülü lo ithamo no puthugho lo, kughengu ayeghiqha kuchopu lo athiküzümi eno achelimi küpülümi kümtsü no hitoi keu ghimeqo puju-shiju ani kepi nongu no ithi anike.

1 Peter 5:9 Iomraidhean Croise

Luke 22:32

ikemu o küpülü itha pemoni ke I no o ghenguno inikhuvae. Kughou nono ideighini keno, o thiküzümi shikumto lo.”

John 16:33

I no nongu vilo hipau pikeu ye I lau kimepe akeu lono nongu ye aloino apeniye ke. Ayeghi lo nongu ye aghime kitikhi sholu nani, ikemu amlo mtolo; ni ye ayeghiqha theqhi luvae.”

Apostolmi 14:22

Hi kümtsü lo akhopemi mlo shikumto tsüno aküpülü lo cheche penike pama no pi, “Aghime kitikhi kutomo vechesü ningu ye Alhou yekipe lo ilo masae.”

1 Kor. 10:13

Timi lau ghukuju ighi chekeu nguno alau ye ghukuju kiumu nongu shou ikughi mphi. Alhou ye pükhükulupu, eno Pa ye o kumto qhemi nguno alau o ghuju pemo nani, ikemu ghukuju gholono, o pelo polupe kepu laghi tsü nani, tishikeu lono o pelo puqhelu penani.

Ephesiami 4:27

eno ado kivi pesü tüghami tsü kevilo.

Ephesiami 6:16

Atüqhüdo kümtsü lo aküpülü züto pesü ngolo, nongu no tipau pesü alhoksau miküqü piji ghapinhelu nani;

Kolosiami 2:5

Kughengu I phimpi ye nongu gholo küha pinamu aghungu lono ni ye nongu gholo ani, nongu no kithikiyi eno aküpülü lo mtotoi Khristo lau akeu alokivi shi ithuluni shi ani.

1 Thes. 3:3

tishianguno aghime hipaqo lono milakhi mu ithave pemo niye ke. Kughengu nongu ampi no ithi anike aghime no ningu saje shivae.

1 Tim. 6:12

Akivishi aküpülü ghüshi shilo. Lhokta küxü tsüqülu lo, thopimi kutomo zülono nono mtsüqhei piphe püakeu, o kulu keu kimji ye tike.

2 Tim. 3:12

Kuchou no Khristo gholo xükimepe Alhou sükümsa küxü xünishi kemi kümtsü shikimighi nani;

2 Tim. 4:7

Ni ye aghükishi kivi shivae, ni ye akupo lo ashe tovae, ni ye aküpülü pewo tovae.

IBRIMI 11:33

aküpülü vecheo panongu no kükaqha lelu, kuchou xakütha peitha, pikiqhitsa ithulu, abongshuu baxa lakhalu,

IBRIMI 12:8

Anuliqo toi nongu sakiyi qoputhu keu küha aye, nongu ye anu kuchou kumono tüqhanu ake.

James 4:7

Tighenguno nongu ampi pesü Alhou qhoqhülo. Tüghami mjochile lo eno pa ye nongu lau no pove nani.

1 Peter 1:6

Hi kümtsü lo nongu ye alovi kepu kije ani, kughengu itehi ado hami ghenguno puju-peju keu jeli sholu kelo nongu ye imeve aghiluvi,

1 Peter 2:21

Kughengu nongu ye hipau lo kuluvae, Khristo ghi nongu ghenguno imeve kehu kichekipiye shi nongu lau qhi püatsü ae, tishianguno nongu no Pa nepa papelu peniye ke.

1 Peter 3:14

Ikemu nongu no achipiu-mikucho ghenguno imeve kepushi namu nongu kümghapu shinani. Tipaqo msaichi kevi momu jupe amlosa kevilo,

1 Peter 4:13

Ikemu alovilo, kughengu atsa kuchou lo nongu ye Khristo ghime sasü küsajelu anike, tishianguno kughou Pa juküvü pepheni keno nongu ghi alovi eno amloqilu nani.

Piyeküsü 1:9

Jisü laumi shino aghime kitikhi shi Alhou kükaqha ghenguno kutuokutuu puqhe chekeu nongu küsau eno athiküzüu, ni John, ye Alhou tsape eno Jisü shepekishi ghenguno Patmos ipikeu züdoyeghi lo ake.

Piyeküsü 6:11

Tileno chijeboike phi kimiye pesü panongu aküphashi tsü, eno pano küsami aqemi ngo athiküzümi kütamiqo ghi panongu toi pithi khaveno akikihi kupulu moke dolo ado ikhonhei ngokhe aghilo pive.

Piyeküsü 7:14

I no pi, “Nono ithi anie, akijeu.” Pa no I vilo pi, “Hipaqo ye küsakushu kije hechesü ipeghi luve kemie. Panongu ye Ambeti ji lono panow chijeboike phi ishikimthepe metsüghoi luvae.