1 Peter 5:8 - Sumi Naga CL (Re-edited) Bible (BSI)

⁸ Tsükhüi lo; jukuto lo. Nongu ghümi tüghami ye abongshuu no igha chekeshi khukhumu tsüqhi luveni ke phucheni.

BAIBEL (BSI)

⁸ Tsukhuyi shialo eno kutokupuyilo! Nongu ghumi Tughami ye abongushuno igha iqhoiqi akeshi itsu cheni, tiye khuu khumu tsuqhiluve nike ju cheni.

Sümi Tiqhelimi Bible

⁸ Kutokughoi lo eno tsükhüi shi alo. Nongu ghümi tüghami ye abongushuu lakhi toi khukhumu tsüqhichuve niye mqüijoi shi no igha iqho-iqi ju acheni ke.

1 Peter 5:8 Iomraidhean Croise

ESTHER 7:6

Esther no pi, “Ashimi aghümi lakhi! Hi Haman küsaküghau noke!” Ikelo Haman ye akükau ngo kükaliu pama zülo thüghüive.

JOB 2:2

AMPEU no Satan vilo iniju, “No ye khilano ighi ani kea?” Satan no khochile, “Ni ye ayeghiqha kümtsü huju-woju itsü iqho iqiche no ighi ani.”

LESHELE 104:21

Abongshuu lhotheqo no tsüqhi chunike igha, Alhou launo pano chuqupu phucheni.

LESHELE 109:6

Pa lachile penike kixikilami lakhi süküsü shilo; nguku akeu pelo pa u ajeu puthugho pelo.

AHOLE 19:12

Akükau loghu ye abongshuu ghügha toi ikemu pa kivi huno atsüni shou atsüzü qipuku ake toike.

AHOLE 20:2

Akükau loghu ye abongshuu ghügha toie; khuu no pa xukutho puthuni keno aküxü pühave cheni.

AHOLE 28:15

Abongshuu yiküsa no igha momu ava no hache ketoi kixikila yepemi no kumlhomi shou qhasüpe cheni.

ISAIAH 50:8

I chipiu shuphetsü chekeu ye I punukhoi ani, Khuu no I ngukubelu nani kea? Ningu küghakütha-a lo kümtsa puthughoni. Khuu no I ghümi kea? Pa pelo nguku kepu süghiju pelo.

JEREMIYA 2:15

Abongshuu no igha pa kichi; panongu no ighono ighae. Panongu no pa yeghi pighive tsüe; pa phughiqo ye ixapinyi, küghünani kemi kühae.

JEREMIYA 51:38

“Babylon no abongshuu toi, abongshuu tiqo toi igha nani.

EZEKEL 19:7

pa no chimemi kügha luve. Pano phughiqo kütsave tsü kehu pa ghügha chilu kelo ayeghi eno tile akemiqo ye thüghüive.

EZEKEL 22:25

Liw tungkupmiw pishikiqhi ye abongshuu no lhoxü tsüqhipe ighamku aketoi; panongu no timi küxü tsüchuvae; panongu no küakini eno akughupu thimeqo luvae; panongu no pano yeghi lo chimemi kutomo shive tsüae.

DANIEL 6:24

Akükau no azah tsüno timi khunoqo no mqümgha shi Daniel nguku keno panoqo saghipe eno abongshuu kilo—panongu, pano nuli eno anipuqo vesüve. Eno panongu no abongshuu ki ilo abo tomphi lono, abongshuuqo no panongu yiqhipe aghi kümtsü mukhumuno shivetsü.

HOSIYA 11:10

Panoqo no Ampeu pape nani; Pa no abongshuu toi igha nani; kughou Pa no ighani keno, pa tianuliqo no khokhoshi kulolau no ighi nani;

HOSIYA 13:8

Atiqo pühave keu ava toi I no panoqo vakulu nani; panongu mla süxüve tsü nani, eno abongshuu toi panongu tsüchuve nani aghalo tüghashiqo no süthapinyi keu toive nani.

JOYIL 3:16

Ampeu no Zion lono igha, eno Jerusalem lono sheshu ani; eno atsütsü ngo ayeghi no ithae. Ikemu Ampeu ye Paw timi ghenguno sükusho-a, Israelmi qoghe kumto ke.

AMUS 1:2

Amos no pi: “Ampeu no Zion lono ighamku Jerusalem lono Pa sütsa süqhe; atsüni kümtsha-aqo no mloqa eno Carmel toghi no ighüyivae.”

AMUS 3:4

Abongshuu ye tsüqhi kepu lhoxü küha kelo aghasü lo ighani keshea? Abongshuu lhothe ye kiumu tsüqhilu moaye pa ki lono ighani keshea?

AMUS 3:8

Abongshuu no igha kelo khuu no msa moni kea? Ampeu Alhou no piqhive ake khuu no tungkuptsa sheshu moveni kea?”

ZEKHARIA 11:3

Ambekhemi no mloqa igha ani, kughengu pano jekipi ye kütsavae! Abongshuuqo no ighamku ani, kughengu Jordan lo aghasü ye kütsavae!

ZEKHARIA 3:1

Tithiu pa no achinetou Joshua no Ampeuw kungumi zülo puthugho aghi keu, eno Satan no pa u ajeu puthugho no pa nguku aghi keu I piye.

MATTHEW 13:39

Eno khuu alupi yisüve tsü keno, ti aghümi huye tüghami ke. Ghile huno tiqheli shekuho, eno ghilemi no kungumi ke.

MATTHEW 24:42

Tighenguno kutope khelo, kughengu kiu tsala lono nongu Mpeu ighi nani keno nongu ye mthae.

MATTHEW 25:41

“Tileno pa no pa u piyiu akeqo vilo pi nani, ‘I launo chevelo, nongu müsüinive keqo! Tüghami ngo paw kungumi ghenguno alhomi kuto püakeu lo ilovelo.

MATTHEW 4:1

Tishino Jisü ye ghukujuu pelo ghukeju penike Aghungu Kimthe no sasü timi yenguyi ke-a lo wuve.

MATTHEW 4:11

Tithiu tüghami no pa qhive, eno julo, kungumi no ighi no pa huthu auve.

Mark 4:15

Ala lo Atsa ikiqi iloke toi kughou timi khami no atsape chiluni keno, Satan no paikhavi ighi püzü pano lolo xusü püakeu hu ikhipe wuve tsü cheni.

Luke 21:34

“Ikemu nongu ampi jukuto lo, tikumo aye ashi ghakiqipu, chumzü shomzü, eno ayeghi xülo kütakihi keu no nongu mlo qaqhipe ake lono tipa tsala hu züleno alichhe toi nongu lau ighi nosake.

Luke 21:36

Ikemu kiu shiniye ani keno tipaqo lono pokalu, eno Timi Nu zülo puthugholu kepu küka apenike nongu ye atüqhüdo kümtsü lo inikhu eno tsükhüi alo.”

Luke 22:31

“Simon, O Simon, inilo, Satan no ashothi toi ijoveni ye khuke,

John 8:44

Nongu ye nongu papu tüghami laumi eno nongu papu gho-apulou shitsüni keu no nongu pulou ke. Pa ye abothu lono ghikiqhiu, eno kuchou küdau aju mphi kughengu pa lolo kuchou kühake. Kughou pa no mikini keno ti ye pa lhoaye kuchou piye ani, kughengu pa ye akimkiu eno akimki kümtsü papu ke.

2 Kor. 2:11

tishikeu lono Satan pelo ningu shoqave pemo niye ke; kughengu ningu ye pa mqü mthake kumoe.

Ephesiami 4:27

eno ado kivi pesü tüghami tsü kevilo.

Ephesiami 6:11

Tüghami mqümgha shou puthugholu kepushi Alhou ghünanu kümtsü pepu lulo.

1 Tim. 2:15

Ikeghi totimi no aghibiu lono aküpülü, kikimiye, eno akimtheshi xü aye, panongu ye atianuli punu keu vecheo xaluve nani.

1 Tim. 2:9

titoi totimi pelo asa pilipu, ameshoyi momu mlapuchi eno amekusho phimini pepu penishi moe, ikemu kithikiyi eno ampi ghasülu no aghibiu phimini pepu penishi,

1 Tim. 3:11

Titoi pano nipuqo ghi mtsümishei kemi shimasa, kütami pipüsa kemi shimoni, ikemu tsükhüi kemi eno thokha lo pükhükulupu shimasae.

1 Tim. 3:2

Kughengu akukuho lo sakiphemi ye akipimi kükühami shimasae, anipu lakhi akemi shimasa, tsükhüi kemi, alikhi aghasülu kemi, gihuküzümi, inami sasükinimi, eno shikathi kemi shimasae,

2 Tim. 4:17

Ikemu Ampeu no I gholo puthugho no I shikumto tsüe, tishikeu lono I vecheo atsakiviu qhoi shuphelu no Jewkumomi kümtsü pelo inilu peke. Ikehu abongshuu baxa lono I xaphelue.

Titus 1:8

ikemu timi sasükinimi, akivi kimiye chekemi, küsüqhi kulumi, müzüchoi kemi, akimthe eno alikhi aghasü kulumi shimasae.

Titus 2:12

tino hipa tiqheli lo Alhou sümokeu küxü eno ayeghi lo pitipüza keu pheve no alikhi aghasükulu, amikucho, eno Alhou sükümsa küxü xülopi qophe ani,

Titus 2:2

Mucho layemi ye tsaqütsalei, gihuküzüpu, alikhi aghasükulu shimasae, aküpülü, kikimiye, eno kutuukulu lo mtsümishei masae.

Titus 2:4

eno topu lhotheqo pelo pano kimi eno atianuli kimiye penike qophe masae,

Titus 2:6

Tipaphi lono apumiqo vilo alikhi aghasü lopi hakitelo.

James 4:7

Tighenguno nongu ampi pesü Alhou qhoqhülo. Tüghami mjochile lo eno pa ye nongu lau no pove nani.

1 Peter 1:13

Tighenguno, nongu kükümsü kutokughoi eno tsükhüi shino Jisü Khristo pephe piye kelo küpükini tsüniye akeu shou nonguw lajupu qhoi belo.

1 Peter 4:7

Thokha kümtsü shekuho ye kupunuvae; tigheno akighini shikulupu shi alikhi aghasü eno tsükhüi lulo.

Piyeküsü 12:10

Eno kungugha lono asütsa kuloghi lakhi I no chilu, “Itehi ni Lhou kükaqha, xakulupu, aküka, eno Paw Messiah kükagha ye ighivae, kughengu khuu no ni Lhou zülono putho pucho ni thiküzü chelimi nguku chekeno, akipimi kütsüu ye hape vepiqivae.

Piyeküsü 12:12

Tighenguno alovilo, O nongu kungugha lo akeqo! Ikemu nongu ayeghi lo eno azüghi lo akeqo hasapuae, kughengu tüghami ye pa do ikhonheive keu ithi no shishe axuidesü nongu lau iqivae!”

Piyeküsü 12:9

Dragon kuloghi huye küghape vepiqive, ti ye mulholo pighi, khuu pesü tüghami eno Satan ipi cheni keno, ayeghiqha kuchopu pishikiqhiu—pa küghape paw kungumiqo gholono ayeghi lo vepiqive.

Piyeküsü 20:10

Eno panoqo pishiqhive keu tüghami huye khile tüghashi eno kichile tungkupu akeno, amiyizü eno amichu iqüke-a lo küghape vesüve, tilau no panoqo ye putho pucho pülhapuju eno alholo ghimeqhi anani.

Piyeküsü 20:2

Eno pa no dragon khuu pesü tüghami eno Satan ipiche keno mulho pighi hu tsüqü luve no ampe qhethonhe ghenguno tsüghape,

XAKUTHAMI 14:5

Tishino Samson no pa puaza sasü Timnah lo iqi chekelo atsailu lo ighi. Abongshuu lhothe lakhi no ighasü pa küdau ighi.