1 Peter 5:6 - Sumi Naga CL (Re-edited) Bible (BSI)

⁶ Tighenguno Alhou u kumto qholono nongu ampi kuchunilo, tishianguno Pa do-ghuloki achipi lono nongu sünheqhe nani,

BAIBEL (BSI)

⁶ Tighenguno Alhou kumto uqholo nonguye akuchunimi shilo, tishianguno pano pa do kivi lono osunheqhe nanike.

Sümi Tiqhelimi Bible

⁶ Tighenguno, nongu ye Alhou kumto u qholo nolikhi nongu pesü akuchunumi shilo, tishianguno pa no pa dokivi lono nongu sünheqhe nani ke.

1 Peter 5:6 Iomraidhean Croise

KUKAMI ATUGHIU 21:29

“Ahab no kishi I zülo kuchuni ani keno ithulu anima? Pa no I zülo kuchuni ani kehu pa xüloye pa lau amhekiqipu puwu tsümoae; ikemu pa nu ghuloki lono pa kibolomi shou puwu tsüni.”

KUKAMI AKINIU 22:19

kughou I no a-a hipau eno hile xüküami püghave no ghushoveni keu nono philu keno, nono o mlo pebide eno kuchuni püzü o phimini süxü no I zülo mloqa kehu, Ni ghi ti chiluve tsüae, ipi Ampeu no sheshu ani.

YEKIKITHI AKINIU 12:12

Kughou pa no pa ampi kuchuni keno, Ampeu loghu ye pa launo tsüghüve eno tino qhoi kütsaleni keu lono süsholu. Tinguno alau Judah lo ado aghuloki kivi ighive.

YEKIKITHI AKINIU 30:11

Tishimu Asher ngo Manasseh eno Zebulun laghami khami ye kuchunive no Jerusalem lo ighi.

YEKIKITHI AKINIU 32:26

Ikemu Hezekiah ngo Jerusalem lo küami no pano qheküza lono xaide luve, tishikeu lono Hezekiah ghuloki loye Ampeu loghu panongu shou ikughi move.

YEKIKITHI AKINIU 33:12

Kughou pa no aghime lo akeno, Ampeu pa Lhou lau akukuphu khu eno pa puasü Lhou zülo kuchunive.

YEKIKITHI AKINIU 33:19

Pa kighini no kishi Alhou buve keno, pa xine, pa küpülü küküha, eno pa ampi kuchuni mphi züu pa no a-a khipaqo lo qhemghaike-a shiqhe no Asherim ngo ajulho mlape qhi keno, tipaqo ye Tungkupmi Yekikithi kaku lo yepüani.

YEKIKITHI AKINIU 33:23

Pa pu Manasseh no kuchuni ketoi mono pa ye Ampeu lau pa shikuchuni moe, ikemu Amon hipau ye alau-alau akipimi shi auve.

YEKIKITHI AKINIU 36:12

Pa ye Ampeu zülo kiu no axine keno kümtsü shike. Pa ye tungkupu Jeremiah khuu Ampeu tsa piche keno pa zülo kuchuni moe.

JOB 36:22

Julo, Alhou ye Pa küka lono akiqheu-a lo süqhe püani; Pa toike shikükau khuu ani kea?

LESHELE 75:10

Kixikilami kibo kümtsü I no ghiphove nani, ikemu amikuchomi kibo süqhe nani.

LESHELE 89:13

No ye akughushu küka ani; O u ye akumto, O u ajeu ye qhemghai ke.

IPEKULU 10:3

Ikehu Moses ngo Aaron pama no Pharaoh lau wuno pa vilo pi, “Ampeu, Hebrewmi Lhou no ishi piani, ‘No ye I zülo ado khitohi no ampi pesü aqhokigheu shini keu mili anani kea? Iw timiqo puwuvelo, tishianguno panoqo pelo I qelu pelo.

IPEKULU 3:19

Ikemu I no ithi anike akughushu u no tsüikhomo pa kite moke kutolo Egypt kükau ye nongu puwumo nanie.

IPEKULU 32:11

Ikemu Moses no Ampeu pa Lhou qhüiniju no pi, “O Ampeu, kushiye Ow timi, khunoqo Nono aküka kije eno akughushu u pesü Egypt yeghi lono saipeghi keno, panoqo shou O loghu no shukuthui piti amasa kea?

AHOLE 29:23

Milakhi qheküza no pa sünheqhi pe kuchunive cheni, ikemu amlo lo mtshaivü kemi ye agigihupu ithulu nani.

ISAIAH 2:11

Aqheküza nhethi xapu kemi ngo tsütsüngoju kemi ye sünheqhipe kuchunive nani, eno tipani ye Ampeu likhino chuqumghai nanie.

ISAIAH 40:4

Akhila kümtsü shepichhi no ato naghuto kümtsü kuchunive nani; kukokilei ke-a kümtsü jokümtsape müdüniyi külaqave nani.

ISAIAH 57:15

Kughengu akiqheu eno süqhepe püakeu, khuu shekhaha acheni eno Pa je Akimtheu keno, Pa no ishi piani: “Ni ye akiqheu eno akimthe-a lo acheni, ikemu Ni ye mloqa kemi ngo aqhokighemi gholo ghi ani, Ni ye aqhokighemi ghüthi püxü kithetsü, eno mloqa akemi mlo püxü kithe tsüniye ke.

JEREMIYA 13:18

Akükau eno Kükaliu paza vilo pilo: “Aqhou lakhü lo iqave lo, kughengu ow jukivi kütsükuqho ye o kütsü lono ikiqivae.”

JEREMIYA 44:10

Ishi kutolo panongu ye pano kuchuni mphi, I sümsa mphi, eno I no nongu eno no puasüqo tsükeu yezah pape xüchemoe.

EZEKEL 17:21

Paw ghüshimi poche kemi kümtsü azütakikihi lono ikiqive nani, eno ghükulumi ye amülhü lo kuthole nani, eno Ni ye Ampeu kepi nongu no ithi nani; I no piqhivae.”

EZEKEL 21:6

“O ghengu ye, timi nu, mloqa lo; amlo hepho eno kukhukimji küqa shilo, panoqo nhethe lono mloqa lo.

DANIEL 5:22

No, pa nu, Belshazzar, huno hipaqo kümtsü ithi akemu o mlo kuchuni movae,

ACHINE 26:41

kughengu Ni ghi panongu mjochile no pano ghümi yeghi lo puwuve kehu, panongu no mtshaivü eno axine lhoaye shikithe aye,

MICAH 6:8

O timi, kiu no alo keno Ampeu no o vilo pivae; kuchou xakütha eno iqemokeu kikimiye piyeni keu eno aqhokigheu lono nongu Lhou gholo checheni keu nguno alau Pa ye o launo kiu avehupu shi ani kea?

MATTHEW 23:12

Khunono alikhi ampi süqheni keno kuchunive nani, eno alikhi ampi kuchuni kemi süqhe nani.

Luke 1:52

Pa no akumtomi pano kükalakhü lono sünheqhive no akuchuni-a lo akemi süqhevae;

Luke 14:11

Kughengu alikhi asüqhe kemi kümtsü kuchunive nani, eno alikhi ampi kuchuni keu süqhe nani.”

Luke 18:14

I no nongu vilo piani, Pharisee no kumono timi hipau no achipikalu no pa kilo idewo lue. Kughengu khuu no pa ampi süqheni keno kuchunive nani, ikemu khuu no aqhokigheu shini keno pa süqhe nani.”

Rommi 5:6

Kughengu ningu no miqemlei akelo ado achipi lono Khristo no küsaküghami ghenguno thive tsüe.

1 Kor. 10:22

Ningu ye Ampeu nhekushupu xukuthoni keshea? Ningu ye Pa nguno akumtou keshea?

ZAKINIU 32:35

Amkhükulu ye Iw ke I no tsüchile nani, panongu pukhu no nekipheni keu do ye kupunuvae, Panow küsakusho tsala ye kupunuvae, eno pühaveni keu tsala ye pai ighive nani.’

1 Tim. 2:6

pa no pa ampi pesü kümtsü ghenguno xakipheme shi tsüve, tino atüqhüdo achipi lono ashepe shi tsüke.

Titus 1:3

eno Pa tsa vecheo ado achipi lono Alhou ni Xakuluu no atsape hipau sheshu penike azah I tsüke.

James 4:10

Nongu ampi pesü Ampeu zülo kuchuni lo eno Pa no nongu sünheqhe nani.

James 4:7

Tighenguno nongu ampi pesü Alhou qhoqhülo. Tüghami mjochile lo eno pa ye nongu lau no pove nani.

James 5:10

Athiküzümiqo, aghime lo kheakulu shinike kichekipiye shi tungkupmi khunoqo Ampeu je lono piche keno, panongu kümsülu lo.