1 Peter 5:12 - Sumi Naga CL (Re-edited) Bible (BSI)

¹² Pükhükulupu thiküzüu shi I no kihi chekeu Silvanus vecheo ni ye nongu lau shikumto eno shuphetsü ghi hi no Alhouw küpükini kuchou kepi ikhonhei shi yevae. Mtotoi hipau lo puthugho lo.

BAIBEL (BSI)

¹² Pukhubekulu athikuzuu ipi ino kihichekeu Sila kukuphu lono yesu hipau ikhonhei shi nongu lau ino yepuwulu ani. Ino nongu shikumto eno hakiteghi pitsuanike hino Alhou kukumgha kuchou ke. Hipaulo mutotoi puthugho chelo.

Sümi Tiqhelimi Bible

¹² Silas, khuu I no pichebekulu athiküzüu lakhi toi ikhilu acheni keno, pa kukuphu vechewo ni ye nongu lau ikhonhei keu lono nongu shikumto ani eno hiye Alhou’w kuchou küpükini kepi thopiu shi ghi yèsü yèvae. Tipau lo mutotoi puthugho lo.

1 Peter 5:12 Iomraidhean Croise

John 21:21

Kughou Peter no pa ithulu keno, pa no Jisü vilo pi, “Ampeu, timi hipau ye kishi nani kea?”

Apostolmi 11:23

Kughou pa no ighi no Alhouw küpükini ithulu keno, pa mloqive eno panongu vilo itha mono Ampeu ghokulu shilopi pa no kümtsü shikumto,

Apostolmi 15:22

Tileno apostolmi ngo layemi eno akukuhomi kümtsü no pano dolono timi khami kishe no Paul ngo Barnabas pama gholono Antioch lo puwuni ke pulove. Panongu no athiküzümi dolo atomi Barsabbas ipiche keu Judas ngo Silas pama puwu.

Apostolmi 20:24

I kimjiu ye Alhouw küpükini tsakiviu sheshu peni keu kümlapu saje khikhi Ampeu Jisü no I tsü keno ti shikupu luni malapi ani thono ni ye I küxü pesü ameküapu momu akughupu shi chemoe.

Rommi 5:2

Pa vecheo ningu ye aküpülü lono Alhouw küpükini khipa shou ningu no itehi puthugho ani keno tighi ithulue, ikehu ningu ye Alhou juküvü küsajeni keu lakuju lo aloviqhiyi acheni.

1 Kor. 15:1

Athiküzümiqo, I no nongu lau atsakiviu pikülha keu, khikhi nongu no ikhilu no tipa shou puthugho ani keno ti pesü nongu kütü ani.

2 Kor. 1:19

Alhou Nu Jisü Khristo khuu Silas, Timothy, eno ni küthü no nongu lau sheshu keno, Pa ye Iyei eno Moe kühae, ikemu Pa gholo ye alhokuthu Iyei ke.

2 Kor. 1:24

Nino nongu küpülü qhasüpe anike kumoe, ikemu nongu lokivipu ghenguno nino nongu sasü mlaitha cheni, kughengu nongu ye aküpülü lo mtotoi acheni ke.

Ephesiami 3:3

Alhou no kishi piyeküsü vecheo tuqhou vehu I lau kilethitsü keno ni ye azüu ghi ikhonhei shi yeve ake.

Ephesiami 6:21

Nongu ghi ni ye kishi ani eno kiu shi ani keno ithi penike kimiye chekeu athiküzüu eno Ampeu kümla lo pükhübekuluu Tychicus no thokha nongu vilo pi nani.

Kolosiami 1:7

Nongu no ni qhuu aküsau eno aqeu Epaphras launo ti shikalu ke. Pa ye nongu züqhushi Khristow pükhükulupu qemi

Kolosiami 4:7

I no mlaitha keu kümtsü Tychicus no nongu vilo pi nani. Pa ye kimiye chekeu athiküzüu eno pükhükulupu qeu eno Ampeu kümla mla küqha chekemi ke.

Kolosiami 4:9

eno pükhükuluu ni thiküzüu Onesimus, khuu nongu gholo lakhi keno, pa gholo puwu ani. Pama no hilau kiu shive akeno nongu vilo thokha pi nani.

1 Thes. 1:1

Paul, Silvanus eno Timothy no, Thessalonia lo Apu Alhou eno Ampeu Jisü Khristo kukuhou lau: Küpükini eno aloino keu tsü ani.

2 Thes. 1:1

Paul, Silvanus, eno Timothy no, Thessalonia lo ni Pu Alhou eno Ampeu Jisü Khristo kukuhou lau:

IBRIMI 13:22

Athiküzümiqo, Iw shikumtotsa initsü lopi I no nongu hakite ani, kughengu ni ye ikhonhei shi nongu lau yepuwu anike.

1 Peter 1:13

Tighenguno, nongu kükümsü kutokughoi eno tsükhüi shino Jisü Khristo pephe piye kelo küpükini tsüniye akeu shou nonguw lajupu qhoi belo.

1 Peter 4:10

Milakhikhi no Alhouw küpükini gho ithulu püake toi, tipaqo peitha kithimi shino lakhino lakhi huthu kilelo:

2 Peter 1:12

Ikehu nongu no tipaqo ithi ani eno kuchou ghili ikhiluve keu shou mtotoi xü acheni kemu I mlo lo alhokuthu thime hipaqo vehu nongu vilo pinishi che kehu ghutulu anike.

2 Peter 2:15

Panongu ye achipiu laghi pheve no ala ghüzü lo itsü wuvae. Panongu ye Beor nu Balaam papesü wuvae, pa ye alhoksa kümla lono ala kighishe lunishi che,

3 John 1:12

Demetrius ye timi kümtsü launo, eno timi lolo kuchou achekeu launo ashepe kivi ithuluvae. Ningu ghi ni shepe küqhatsü ani, eno ni shepe ye kuchou kepi nono ithi ani.

Jude 1:3

Kimiye chekeqo, ninguw aqü xakulupu akeu vehu yenishi kütü akemu Alhou no aküpülü khikhi ghuthu khavino küpülümi kümtsü lau tsü keno, tiu süsho penike ni ye nongu ghutu ghi ye masave.