1 Peter 3:9 - Sumi Naga CL (Re-edited) Bible (BSI)

⁹ Alhoksa pesü alhoksa lochile kevi, momu pipütha keu pesü pipütha kevilo, tipa züqhulo, kümghatsü kilelo, kughengu nongu ye hipau lo kuluvae, tishikeu lono nongu pelo kükümgha ithulu peniye ke.

BAIBEL (BSI)

⁹ Alhoksa pesu alhoksa lochile kevilo momu ghushokeu pesu ghushokeu lochile kevilo; ikemu tishinike zuqhulo kumghakeu pesu lochilelo, kughengu hikithipulo nongu kuluvekeuye nongu pelo Alhou launo kukumgha ithulupe niyeke.

Sümi Tiqhelimi Bible

⁹ Küsakügha pesü küsakügha lochile kevilo momu thogha keu pesü thogha keu lochile kevilo. Tishini ke züqhulo, kükümgha pesü küsakügha lochile lo, kughengu nongu ye hipau ghenguno kulùvea ke eno tishi keu vechewo nongu pelo kükümgha ighílu peniye ke.

1 Peter 3:9 Iomraidhean Croise

BOTHUBO 42:25

Panoqo pulukho lo athi shepichhi tsü, pütüta pulukho lo pisa süchileve tsü, eno aghüzüla ghenguno achuqupu tsü penike Joseph no azah tsüve. Eno hitoi panoqo lau shivetsü.

AHOLE 17:13

Khuana no alhoksa pesü akivi lochile aghi aye alhoksa ye khilemu pa ki lono ipemae.

AHOLE 20:22

“I no alhoksau lochileni,” ipi kevilo, Ampeu huqhelo, eno Pa no o xaphelu nani.

AHOLE 28:10

Müzüchoi kemi saküghüzüsü alhoksa lalo wuve keu ye pa likhi pa qolou ikiqi ilove nani, ikemu tukutiye küha kemi ye Alhou launo amheghi ithulu nani.

MATTHEW 19:29

Eno khunono I je ghenguno aki-alu, chepu-cheli, apuaza, atianuli, momu ayeghi qhive keno, panongu ye ghuthu aqhe piqi ithulu nani, eno lhokta küxü mheghi ithulu nani.

MATTHEW 25:34

Tileno Akükau no pa u ajeu akeqo vilo pi nani, ‘Ighilo, nongu I Pu no kümghatsü keqo, ayeghi boqha ghoke lono nongu ghenguno kutope püakeu yekipe mheghi ighilu lo.

MATTHEW 5:39

Ikemu I no nongu vilo piani, alhoksami mjochile kevilo. Ikemu khuana no o gimuchu ajeu ghatsü aye, tüxau ghi pa lau kugho puwo tsülo.

MATTHEW 5:44

Ikemu I no nongu vilo piani, No ghümi kimiyelo eno khunono nongu ghimeqhi cheni keno, panongu ghenguno inikhu tsülo,

Mark 10:17

Jisü no tipa-a qhive no wuche kelo timi lakhi no ala lo hasü ighi no pa zülo qhoqhünhepe ngono pi, “Shikükau kiviu, ni ye lhokta küxü ighilu nike kiu shimasa kea?”

Luke 10:25

Ghulo lakhi Ayezah shikükau no puthugho no Jisü pejuni ye pi, “Shikükau, ni ye lhokta küxü ighi lunike kiu shimasa kea?”

Luke 18:18

Tile yepeu lakhi no Jisü vilo ighiju, “Shikükau kiviu, ni ye lhokta küxü ighilu nike kiu shimasa kea?”

Rommi 12:14

Khunono nongu pishipujuni keno pano kümgha tsüni thono ghusho kevilo.

Rommi 12:17

Alhoksa shike ghenguno alhoksa pesü tsüchile kevilo, ikemu kiu no aqha zülo agigihupu keno tishini keu kümsü lo.

Rommi 8:28

Eno nino ithi akeu no Alhou kimiye chekemi khunoqo Pa kimji kupulo kiqi lono kuluve akeno, panongu ghengu ye thokha kümtsü Alhou no akivipu ghenguno mla küqhatsü cheni.

Rommi 8:30

Alhou no khunoqo kishe kütüta shi keno Pa no tipaqo ghi kulue; khunoqo kulu keno Pa no achipikalupe; eno khunoqo achipikalupe keno Pa no ajuküvü ghi küsaje ke.

Galatiami 3:14

tishianguno Khristo Jisü launo Jewkumomi lau Abraham kükümgha ighi peniye eno aküpülü vecheo ningu no piqhi püakeu Ghungu ithulu niye ke.

Ephesiami 4:32

Lakhino lakhi lau amlo qhaqhilei eno mtshaivü lo, Alhou no Khristo vecheo nongu kipimi qhivetsü ketoi nongu lakhino lakhi kipimi qhitsü kilelo.

1 Thes. 5:15

Khumu khuu lau alhoksa pesü alhoksa lochile pemoni ke jukutolo, ikemu alhokuthu lakhino lakhi lau eno kümtsü lau akivi kümla shinike phulo.

IBRIMI 12:17

Nongu no ithi anino tithiu pa ye kükümgha lunishi kelauno anhezü piji phuju kemu milive, kughengu pa ye xachilelu kepu dokivi phumlave.

IBRIMI 6:14

eno pi, “Kuchou no I no o kümghatsü no o lagha kughuko tsüni.”

1 Peter 5:10

Nongu no ado kitila imeve kethiu, kikimiye küpükini kümtsü akeu Lhou, Khuu no Khristo vecheo Paw lhokta juküvü lo nongu kuluve akeno, Pa ampi no nongu pesü atho puthotsü, aküpülü iqhikumto tsü, aküka tsükithe, eno aboqha kumto lo shosü nani.

SAMUEL ATUGHIU 26:11

Mthamini ni ye khilemu Ampeuw nukikishe shou I u bemo nani. Ikemu pa kütsü phivilo angupa ngo azübohu akeu luve lo, eno nikujo ye wuveni.”