1 Peter 3:7 - Sumi Naga CL (Re-edited) Bible (BSI)

⁷ Tipaphi lono akimiqo, alhoaye lono totimiu no akimqeu kepi vethalu no agigihupu lono nongu nipuqo sasü xülo, tishikeu lono nongu kighini lo lakükhapu küha nani, kughengu panongu ghi nongu gholono aküxüpu gho ithulu küqha kemi ke.

BAIBEL (BSI)

⁷ Tihutoi nongu akimiqoye ithikututa shi ghi nongu nipuqo sasu kughunalo, totimiye miqemileyikemi kehu agholauno panoqo sasu xulo, kughengu panoqo ghi nongu gholo Alhou launo akuxupi ithulu kuqhakemike. Hitoi shianguno kiunomu nongu kukhu kighini vekhamo nanike.

Sümi Tiqhelimi Bible

⁷ Akiminoqo, tipau tho lono nongu no nongu nipùnoqo sasü akelo akümtsha shi xülo, eno panongu ye miqemilei keu tüna kehu panongu gihu ghi tucho-mjo eno panongu ghí nongu gholo küpükini küxü ghò mheghi ighílu keu toi sasü xülo, tishi keu vechewo kiunomu nongu kighiniqo lakhamo nani ke.

1 Peter 3:7 Iomraidhean Croise

JOB 42:8

Tighenguno itehi ye amshitsü ngo ambetsü tsünini pesü I qeu Job lau wuno nongu ghenguno akipti kümllagho shilo. Eno I qeu Job no nongu ghenguno inikhu tsünani, I no pa kighini chiluve tsüno nonguw mbomzü qhemi akipimi tsümoveni. Kughengu nongu ye I qeu Job toi I ghili pitsümoe.”

MATTHEW 18:19

Itaghi I no nongu vilo piani, ayeghi lo nongu gholo mikini no kiu kiumu pulo küqha no inikhu aye, I Pu kungugha lo akeu no ti shitsü nani.

1 Kor. 7:3

Akimi no pa nipu lau akimi kümlapu saje shikupu tsü, titoi anipu no li kimi lau anipu kümlapu saje shikupu tsü kepue.

Ephesiami 3:6

Tuqhou hipau ye Jewkumomi ghi amheghi kiyighimi; aphimpi lakhi lo kuloji küqha kemi; eno atsakiviu vecheo Khristo Jisü gholo Alhou shoqhi küsajelu kemiae.

Ephesiami 4:30

Alhou Ghungu Kimthe no qhüchilekulu tsala ghenguno nongu shou amchipu chishidave akehu nongu ye Pa shikulosü kevilo.

Ephesiami 5:33

Tishimu, pütüta phimpi toi nongu nipu kimiye lo, titoi anipu no li kimi gihulo.

Ephesiami 6:18

Ado kümtsü lo Aghungu lono Alhou vilo khu, eno qhüiniju keu kighini shilo. Tipau kimji lono tsükhüi shino küpülümi ghenguno khuini tsülo.

Kolosiami 3:19

Akimiqo, nongu nipu kimiye lo, eno panongu lau mghachhoi kevilo.

1 Thes. 4:4

nongu lakhikhi no kishi akimthe eno agigihupu lono pa phimpi ghasü kepu keno ithi masae,

Titus 3:7

tishikeu lono Paw küpükini vecheo ningu pesü achipikalupe no lhokta küxü lajupu lo amheghi kiyighimi shilu peke.

IBRIMI 1:14

Panongu ye kümtsü aghinimi shi xakulupu ithulu niye akemi huthu peniye puwu püanike kumo keshea?

1 Peter 3:1

Tihutoi anipunoqo, nongu kimi qhoqhülo, tishianguno khami no Atsa gholu cheghimo namu, atsapi lono kumono pano nipuqow süqesüli vecheo tipaqo züluve nani,