1 Peter 3:22 - Sumi Naga CL (Re-edited) Bible (BSI)

²² Pa ye kungugha lo wuvae eno kungumi, yepemi, eno aküka jeli kümtsü Pa qholo shino Alhou u ajeu ani.

BAIBEL (BSI)

²² Paye kungughalo wuvae eno Alhou u-ajeu ani eno kungumi kumtsu eno kungughalo ayehkipe jeli eno akuka jeli kumtsu pa qholo anike.

Sümi Tiqhelimi Bible

²² Jisü Khristo ye kungugha lo wuvea eno Alhou u ajeu küdau iqa ani. Eno kungumi, kükagha eno akükaqo no pa qhoqhü ghi anie.

1 Peter 3:22 Iomraidhean Croise

LESHELE 110:1

Ampeu no I Mpeu vilo pi: “I no o ghümi pesü o pukhu kinepu shitsü moke kutolo I u ajeu iqalo.”

MATTHEW 22:44

“‘Ampeu no I Mpeu vilo pi, “I no o ghümi pesü o pukhu qholo qhitsü moke kutolo I u ajeu iqalo.”’

MATTHEW 28:18

Jisü no kupunu ighi no panoqo vilo pi, “Kungugha lo ngo ayeghi lo kükagha kümtsü I tsüvae.

Mark 12:36

David ampi no Aghungu Kimthe vecheo ishi shuphe keghi, “‘Ampeu no I Mpeu vilo pi, “I no o ghümi pesü o pukhu qholo qhitsü moke kutolo I u ajeu iqalo.”’

Mark 16:19

Ikehu Ampeu Jisü no akhopemi pütsave kethiu, pa ye kungugha lo saikuve no Alhou u ajeu küghüqave.

Luke 20:42

Kughengu David ampi no Leshele kaku lo ishi pi püanie, “‘Ampeu no I Mpeu vilo pi, “I no o ghümi pesü o pukhu kinepu-a shitsü moke kutolo Iw ajeu iqalo.”’

John 13:32

Pa vecheo Alhou jekipipu shiaghi aye, Alhou ghi Pa ampi pesü pa lau no ajekipipu shinani, eno paikhavi no pa jepipi tsü nani.

Apostolmi 1:11

eno pi, “O Galileemi, nongu ye kushiye atsütsü lo jupuku ania? Hi Jisü, khuu nongu launo kungugha lo saikuve akeno, pa ye kungugha lo wuve keu gholau no itaghi ighi nanie.”

Apostolmi 3:21

Alhou no kushuo lono Pa kimthe tungkupmi vecheo pipüa ketoi, thokha athoputho moke kutolo, kungugha no pa saluve masae.

Rommi 8:34

Khuu no aghimepu lo ikhiphe tsüluni kea? Khumu kühae, Khristo Jisü khuu thive—tinguno alau xüputhuve—eno Alhou u ajeu ngo püzü ningu ghenguno qhüiniju tsü ani keno, Pa ghenguno ke.

Rommi 8:38

Kughengu I no mtsüqheilu anike akithi na aküxü namu, kungumi na yepemi namu, itehi akeu thimeqo na ighini keu thimeqo namu, aküka jeli na,

1 Kor. 15:24

Eno kughou Pa no ayekipe, kükagha, eno aküka kümtsa kütsave kethiu kükaqha pesü Apu Alhou tsüveni keno, tileno ashekha tsala ighi nani.

Kolosiami 3:1

Tsala Khristo gholono nongu xüputhu püaghi aye, kungugha khile Khristo no Alhou u ajeu iqa ani keno, tilau thime akeqo shou nongu mlo belo.

IBRIMI 1:13

Itaghi Alhou ye Paw kungumi dolo khuu vilo ishi pi püania, “I no o ghümi pesü o pukhu kinepu-a shitsü moke kutolo I u ajeu iqalo”?

IBRIMI 1:3

Pa ye Alhouw phuphushi keu küvü yekibide ke, eno Alhou lhoaye aphiphishi xapu ani, Pa küka lono Atsa huno atsütsü ayeghi kümtsü puqhepe acheni. Axine shikimtheve tsü kethiu Pa ye akiqhe-a lo Akughushuu u ajeu iqave,

IBRIMI 1:6

Itaghi, kughou Alhou no ayeghi lo Pa Nu anoghiu puwu keno, Pa no pi, “Alhouw kungumi kümtsü no Pa mllalo.”

IBRIMI 10:12

Ikemu kughou Khristo no axine ghenguno alhokuthu ghenguno pephe tsüve keno, pa no Alhou u ajeu iqave,

IBRIMI 12:2

Ni küpülü hukuthuu eno kupukülai kütsüu Jisü lau juni. Pa zülo alokivipu qhitsü keu jupe pa ye kros lo thinikeu kujomza moe, eno itehi ye Alhou kükalakhü ajeu iqa ani.

IBRIMI 4:14

Tishi aye ningu ye achinetou akijeu, khuu kungugha lo ani keno, Alhou Nu Jisü hu ani keke ningu niw pikiphe küpülü mtotoi tsüqü peni nolo.

IBRIMI 6:20

ti ye Melchizedek ghola lono alholo ghenguno achinetou shive keu Jisü huno ningu züqhushi azüuno ilove keu-a loke.

IBRIMI 8:1

Ningu no pi akeu tsa akhotou ye hike: ningu ye kungugha lo Kükanguagha lakhü ajeu iqa akeu chinetou hitoike ani,

IBRIMI 9:24

Kughengu Khristo ye au no shikeu, kuchou kimihi, akimthe-a lo iloke kumoe, ikemu itehi Alhou zülo ni züqhushi ipeghini ye kungugha lo iloke.