1 Peter 3:21 - Sumi Naga CL (Re-edited) Bible (BSI)

²¹ Hipau michipu sasü kimghilu ghi pimhe chekeu ye itehi nongu xalu chekeu baptizkishi ke, ti ye aphimpi lono axine qhuqhive keu kumono Jisü Khristow xüchilekulu vecheo Alhou lau kiviküsa lokütsü kivi tsü peniye qhüiniju keu ke.

BAIBEL (BSI)

²¹ Tipau michipu shighi baptiz shiche keu huno itehiye nongu xalu cheni. Hiye aphilo axine lhoksa akeu qhuvekeu kumoe, ikemu kiviksa lokutsu akiviu shiluke launo Alhou lau ashoqhi shikeuke, tiye Jisu Khristo xuchileputhuve keu vechewonoke.

Sümi Tiqhelimi Bible

²¹ eno azü hipau ye baptiz khikhi itehi nongu xalu ani keno tipau michi ke—tiye nongu phimpi lo axiné akeu shikimtheve keu kumoe ikemu Alhou lau mütsümishei keu alolo kighithi aní keu shoqhi ke. Hino Jisü Khristo’w xüleputhu vechewo nongu xalu cheni ke,

1 Peter 3:21 Iomraidhean Croise

ZEKHARIA 13:1

“Tipa tsala lo David laghami eno Jerusalem lo küami xine eno mithekumo qhukimthe tsünike ghenguno azüpuki lakhi ipeghi nani.

MATTHEW 28:19

Tighenguno wulo eno shiye kümtsü pesü I khopemi shitsülo, Apu jeku, Anu jeku, eno Aghungu Kimthe jeku panongu baptiz shitsülo,

Mark 16:16

Khunono pülü no baptiz shiluni keno xaluve nani, ikemu pülümo keu ye kileqhive nani.

John 13:9

Simon Peter no khochile, “Ampeu, tishiaye I pukhu likhi kumono I u ngo I kütsü ghi qhutsülo!”

Apostolmi 16:33

Eno tipaji atüqhüdo tipau lono pa no pama sawo pama philo azaku qhuve tsü, pa eno pa kibolomi kümtsü baptiz shiluve.

Apostolmi 2:38

Peter no panongu vilo pi, “Nongu xine qhivetsü kepushi xaideghi no Jisü Khristo je lono baptiz shilulo, eno nongu no Aghungu Kimthe gho ithulu nani.

Apostolmi 22:16

Imaye no ye kiu khe ani kea? Ithu no Pa je lono baptiz shiluve no o xine qhuvelo.’

Apostolmi 8:36

Pama no wuche kelo azü ake-a lo ighi, eno shoko huno pi, “Julo, azü hi ani! I no baptiz shinike kiuala no I lakha kepu anio?”

Apostolmi 8:37

Philip no pi, “O mlo kuchopu no pülü aghi aye, no ye tishilu nani.” Pa no khochile, “Jisü Khristo ye Alhou Nu kepi I no pülü ani.”

Rommi 5:14

Ikeghi Adam lono Moses kutolo timi khunono Adam xine toi keu kumo namu pimive keno kümtsü shou akithi no qhasüpe aye peche. Adam ye athiu khuu ighi niye akeno Milakhi kumlho shiae.

1 Kor. 12:13

Kughengu Aghungu lakhi lono ningu kümtsü aphimpi lakhi lo baptiz shisüe—Jewmi momu Greekmi na, aqüaxemi momu ghoshixümi namu—eno kümtsü pelo tipau Ghungu yelu peke.

1 Kor. 4:6

Athiküzümiqo, nongu pelo ala shipeniye I no thime hi kümtsü pesü Apollos nikujo launo kiche piyevae, tishianguno nongu no ni launo shikalu no yepüakeu nguno alau shimo nani. Tishino nongu ye milakhi pape cheni pikeu qheküza lono lakhiu phimove keu shimo nani.

2 Kor. 1:12

Kughengu ni qheküzapu ye hi ke, ni lolo kiviküsa lotsü no ashepe tsü anike ningu ye ayeghi lo akikhi eno Alhou lau amlo tsüqhiyi shi, ayeghi lo lokütsü lono kumono Alhouw küpükini lono xücheni, eno akhoto no nongu lau tishi acheni.

2 Kor. 7:1

Kimiye chekemiqo, ningu lau pikiqhitsa hipaqo anike ghenguno ni phimpi eno aghungu shipixi chekeu kümtsü shikimtheve no Alhou sükümsa lono akimtheshi kupukülai luni nolo.

Galatiami 3:27

Kughengu nongu khije no Khristo lau baptiz shisü luve akeno Khristo pepu luvae.

Ephesiami 5:26

tishianguno azü no qhuke toi pa no atsa pesü akukuhou shikimthe tsü,

Kolosiami 2:12

nongu ye baptiz shikeu lono pa gholo qhove, eno Alhou khuu akithi lono pa xüputhu keno, Pa küka kumto kümla lono nongu ghi aküpülü vecheo pa gholono xüputhuvae.

1 Tim. 1:5

Ni yezah hipau kimji ye amlo kimthe ngo kiviküsa lotsü eno amlo tsüqhiyi keu küpülü lono ipeghi keu kikimiye hu hakutho niye ke.

1 Tim. 6:12

Akivishi aküpülü ghüshi shilo. Lhokta küxü tsüqülu lo, thopimi kutomo zülono nono mtsüqhei piphe püakeu, o kulu keu kimji ye tike.

IBRIMI 10:22

ningu kuchou mlo xapu tsaqüi keu küpülü qhini, alhoksa lotsü lono ningu mlo shikimtheve no azü kütsüghü pesü ni phimpi qhuve püzü Alhou kupunu wuni nolo.

IBRIMI 11:19

Alhou ye akithi lo ghi Isaac xüputhu luve nanie pi pa no kiqilu, eno kimghiju aye, pa ye akithi lono Isaac ithulu chileke.

IBRIMI 13:18

Ni ghenguno inikhu tsülo, ningu mlo ye tsüghükhüi ani kepi thebei ani, eno alaghi kümtsü lo gihuküzüpu shinike kümsü acheni.

IBRIMI 9:14

Khristo, khuu no lhokta Ghungu vecheo tukutiye kühano Alhou lau pa ampi pephe tsü keno, pa ji ye tinguno alau ningu pelo aküxüpu Lhou huthu peniye akithipu kümla lono niw kiviküsa lotsü shikimthe tsülu nani.

IBRIMI 9:24

Kughengu Khristo ye au no shikeu, kuchou kimihi, akimthe-a lo iloke kumoe, ikemu itehi Alhou zülo ni züqhushi ipeghini ye kungugha lo iloke.

1 Peter 1:3

Ni Mpeu Jisü Khristo Papu Alhou sheqhe ani! Paw kimiyekini kije pesü akithi lono Jisü Khristo xüputhu keu vecheo ningu pelo aküxüpu lajupu lo punu kithe lupe,

1 Peter 3:16

nonguw kiviküsa lokütsü huno akipimi tsüpemo kepushi mtsümishei keu mlo xapulo, tishianguno kughou nongu pipüthani keno, nongu no Khristo laumi kehu nonguw süqesüli kivi pipütha kemi pelo kujove peniye ke.