1 Peter 3:16 - Sumi Naga CL (Re-edited) Bible (BSI)

¹⁶ nonguw kiviküsa lokütsü huno akipimi tsüpemo kepushi mtsümishei keu mlo xapulo, tishianguno kughou nongu pipüthani keno, nongu no Khristo laumi kehu nonguw süqesüli kivi pipütha kemi pelo kujove peniye ke.

BAIBEL (BSI)

¹⁶ Nongu wu kiviksa lokutsu hu mutsumisheyi shipe pualo tishianguno kutamino nongu ghusho keulo, nonguno Khristo papemike ghenguno khunono nowu ghushoghili kivi hu pipusa nikeno pano tsapino panoqo shikukujove nani.

Sümi Tiqhelimi Bible

¹⁶ eno alolo kighithi mütsümishei shi pesü alo, tishi keu vechewo khunoqo no tixe kükümsü xapu no nongu no Khristo vechewo aghiliaye kivi akeu pipüsani keno panongu pelo panongu no pipüsa keu lo kujove peniye ke.

1 Peter 3:16 Iomraidhean Croise

DANIEL 6:4

Ikelo hiyampemi ngo yepemi no kükaqha vehulo Daniel shou muchho niye alaghi phuju, ikemu panongu ye akumchho momu akipimi tsükulupu laghi kiumu kühave, kughengu pa ye pükhükulupu eno pa lolo akipimi momu küqü keu kiumu ithulu moe.

MATTHEW 5:11

“Kughou I je ghenguno kütami no nongu thaigha, ghimeqhi eno akumou lono nongu lau atsa lhoksa pipukuni keno, nongu ye akümghapue.

Apostolmi 24:16

Ikehu ni ye alhokuthu Alhou eno timi zülo I lolo kiviküsa lotsü tsüghükhüi qhinike pükapütsa cheni.

Apostolmi 28:22

Ikemu ningu ye o kükümsü kiu keno o launo chiluni shi ani, kughengu aqha kümtsü lo hipa mqo pipüsa akeu nino ithi anie.”

Rommi 9:1

Ni ye Khristo laumi shino kuchou tsa pi ani—I lolo I pütsa chekeu huno Aghungu Kimthe vecheo I shepe shi anike ni ye miki amoe—

2 Kor. 1:12

Kughengu ni qheküzapu ye hi ke, ni lolo kiviküsa lotsü no ashepe tsü anike ningu ye ayeghi lo akikhi eno Alhou lau amlo tsüqhiyi shi, ayeghi lo lokütsü lono kumono Alhouw küpükini lono xücheni, eno akhoto no nongu lau tishi acheni.

2 Kor. 4:2

Ikemu ningu ye tuqho-tugho eno akukujopu kümla qhikhavae. Ningu ye mqümgha momu Alhou tsa süchighive chemo, ikemu pekiphe shi kuchou ghili pikeu vecheo ningu ye Alhou zülo ningu ampi pesü timiqo kiviküsa lokütsü zülo ikhiphetsü acheni.

1 Tim. 1:19

aküpülü tsüqüpe eno akükümsü mtsümishei peniye ke. Timi khami ye hipaqo milive keu lono pano küpülü shipüsavae.

1 Tim. 1:5

Ni yezah hipau kimji ye amlo kimthe ngo kiviküsa lotsü eno amlo tsüqhiyi keu küpülü lono ipeghi keu kikimiye hu hakutho niye ke.

2 Tim. 1:3

I no putho-pucho lo akighini shike kümtsü, I mlo mtsümishei shino, ni eno I puasüqo no qe chekeu Alhou shikimthi ghi o kümsülu acheni.

Titus 2:8

o tsapi lo timi no pipütha pemo kepushi mtsümishei shilo, tishikeu lono küla akemi shikujove no ningu shou alhoksa pilu kepu kühave nani.

IBRIMI 13:18

Ni ghenguno inikhu tsülo, ningu mlo ye tsüghükhüi ani kepi thebei ani, eno alaghi kümtsü lo gihuküzüpu shinike kümsü acheni.

IBRIMI 9:14

Khristo, khuu no lhokta Ghungu vecheo tukutiye kühano Alhou lau pa ampi pephe tsü keno, pa ji ye tinguno alau ningu pelo aküxüpu Lhou huthu peniye akithipu kümla lono niw kiviküsa lotsü shikimthe tsülu nani.

1 Peter 2:12

Alhou mtha kemi gholo nonguw süqesüli ye gihuküzüpu shilo, tishianguno panoqo no nongu ye küsakügha kümlami kepi jeku anamu itaghi nongu kümla kivi ithulupe Alhou no ighike Tsala lo akishe tsülu nani.

1 Peter 2:15

Kughengu nongu no akivi shikeu lono mbomzümi yekümtha hasü luve keu hi no Alhou pulou ke.

1 Peter 2:19

Kughengu akumou lono ime anamu Alhou kümsülu aye aghime puqhe luve cheni kehu hi ye akümghapu ke.

1 Peter 3:21

Hipau michipu sasü kimghilu ghi pimhe chekeu ye itehi nongu xalu chekeu baptizkishi ke, ti ye aphimpi lono axine qhuqhive keu kumono Jisü Khristow xüchilekulu vecheo Alhou lau kiviküsa lokütsü kivi tsü peniye qhüiniju keu ke.

1 Peter 4:4

Hipa vehulo itehi ye nongu no panoqo gholo akumou eno ghasükümla küxü lo kuloji moveke gheno panongu ye nongu jupe akichiqhi eno nongu pipüsaqhi ani;