1 Peter 3:12 - Sumi Naga CL (Re-edited) Bible (BSI)

¹² Kughengu Ampeu nhethi ye amikuchomi shou acheni, eno Pa kini kughope pano kighini initsü cheni. Ikemu Ampeu ye alhoksa shiche kemi mjochile cheni.”

BAIBEL (BSI)

¹² Kughengu Ampeu no amikuchomi shou jupuku acheni eno panoqo kighini initsu cheni; ikemu Ampeu no alhoksa shichekemi hakhave cheni.”

Sümi Tiqhelimi Bible

¹² Kughengu Alhou nhethi ye amikuchomi shou ani eno pa kìní ye amlotsüqhiyi panongu kighini ini tsü acheni, ikemu khunoqo no küsakügha kümlà shi cheni keno Alhou gi ye panongu lau no kugho pe acheni.”

1 Peter 3:12 Iomraidhean Croise

YEKIKITHI AKINIU 16:9

Khunono Ampeu lau tukutiye küha no acheni keno Pa ye akumtoshi tipaqo kuphuni ke ayeghiqha kümtsü thebei jukuto acheni. No ye hipau lo anikha shivae, tighenguno hinguno hilau no ye aghüshi cheniae.”

YEKIKITHI AKINIU 7:15

Itehi ye I nhethi tsükho niae eno I kini no kughope aki hipau lono inikhu keu ini tsüni.

LESHELE 11:4

Ampeu ye Pa kimthe chineki lo ani; Ampeu kükalakhü ye kungugha lo ani; Pa nhethi no timi nuliqo jukuto cheni.

LESHELE 33:18

Julo, Ampeu nhethi ye khunono Pa sümsa cheni keno, Paw iqemokeu kikimiye shou pükhü chekemi shou acheni,

LESHELE 65:2

O No khuu akighini chilutsü cheni keno, O lau timi kümtsü no ighi nani.

LESHELE 80:16

Panongu no ami pesü ti pitive tsüae; ti loqhivae; axukighide lono pano kütsave lo!

AHOLE 15:29

Ampeu ye kixikilami launo putosüu ani ikemu Pa no akivimi kighini chilutsü cheni.

AHOLE 15:3

Ampeu nhethi ye a-a kümtsü lo alhoksami ngo akivimi jukuto acheni.

AHOLE 15:8

Kixikilami ghakishi ye Ampeu zülo aphikümqhüpue, ikemu timi kivimi kighini no ikhikulupu shi cheni.

JEREMIYA 21:10

Ni ye mishighüna hipau shou akivipu kumono aküsapu ghenguno I kupulo shivae, Ampeu no asheshu: ti ye Babylon kükau u lo süvetsü nani eno pa no ami no pitive nani.’

JEREMIYA 39:12

“Pa salu no akivishi jukuto lo, pa ghime kevi, ikemu pa no o vilo pike toi pa peitha lo.”

EZEKEL 15:7

I no I gi kughope panoqo lachile nani. Panongu no ami lono pokaluve namu, ami no panoqo pitiqhive nani, eno kughou I no I gi kughope panoqo lachileni keno panongu no Ni ye Ampeu kepi ithi nani.

ACHINE 17:10

“Israelmi na inaghami pano gholo akemi khukhumu lhoxü ji chukeu ye I no pa launo I gi kughove nani eno paw timiqo gholono hapheve nani.

ACHINE 20:3

Pa no pa tianuli pesü Molekh tsükeu lono I kimthe-a shipixi eno I je kimthe shipütha kehu, I no pa launo I gi kughove nani eno Iw timiqo gholono hapheve nani.

ACHINE 20:6

“Khuana no tumumi momu kithixashemi küsütsa eno tipaqo lau wu aye, I no pa launo I gi kughove no Iw timiqo gholono hapheve nani.

ACHINE 26:17

I no nongu mjochile nani, no ghümi nongu theqhive nani. No jumithi kemi no nongu shou ayepe nani, eno khunomu hachemo keghi nongu ye kuhapo nani.

ZEKHARIA 4:10

Kughengu khunono akikishi lo ajuichemo kepi aghüthisü akeno alovive nani, eno Zerubbabel u lo akimghitu ithulu nani. “Akulu tsüni hipaqo ye Ampeu nhethi ayeghiqha kümtsü shou jupuku achekeu ke.”

John 9:31

Ningu no ithi anike Alhou ye axinemi tsa initsü chemoe, ikemu khunono Alhou mlla eno Pa pulou shi cheni keno Alhou no pa tsa initsü cheni.

ZAKINIU 11:12

Ampeu nongu Lhou no ayeghi hipau tucho acheni. Ampe bothu lono kishekha kutolo Ampeu nongu Lhou nhethi no jukuto acheni.

James 5:16

Tighenguno lakhi no lakhi lau nongu xine piphelo eno lakhi no lakhi ghenguno inikhu lo, tishianguno nongu ye viluve nani. Amikuchomi kighini ye aküka kije ani kughengu tino mlaitha achenie.