1 Peter 2:25 - Sumi Naga CL (Re-edited) Bible (BSI)

²⁵ Kughengu nongu ye ala vepimi wuvekeu mbe toi cheke, ikemu itehi ye nongu ngulho Kheu eno Jukükütsüu lau idechile ighivae.

BAIBEL (BSI)

²⁵ Nonguye bheri ala puhavekeqo toike, ikemu itehiye nongu ngulho Kheu eno nongu Pighiu papelu penike nongu sachile saghivae.

Sümi Tiqhelimi Bible

²⁵ Kughengu “nongu ye ambe no kawuve ake toi ke,” ikemu itehi nongu ye Ambe Kheu eno nongu ngulhoqo Jukükütsüu lau ideghivae.

1 Peter 2:25 Iomraidhean Croise

LESHELE 119:176

Pühave keu mbe toi ni ye ala vepimivae; O qeu phu tsülo, kughengu ni ye O zakütsüqo kümsümave moke.

LESHELE 80:1

Akini kugho puwo tsülo, O Israel kheu, Nono ambe loji saphe keshi Joseph shiaye saphe lo! No, Cherubim chishibo shou iqa ngo achekeu, aküvü yepüvü lo.

ISAIAH 13:14

Ashihami zülo aqhu no poche keshi, momu akheu küküha mbeqo toi, kümtsü no pütüta yeghi lo panow timi lau kuhakive idewove nani.

ISAIAH 40:11

Pa no ambekheu toi aloji tucho nani; Pa u lono ambetiqo khape nani; Pa mla lo khadape xapu nani, agholau no ati pazaqo saphe nani.

ISAIAH 53:5

Ikemu ni xineqo ghenguno Pa ghüzaveke, niw shikipimi ghenguno Pa ye heqhive; pa shou aghime puku keu huno ni lau aloino keu süghi, eno Pa shou hepuku keu zaku no ni lau shikipivi süghie.

ISAIAH 53:6

Ningu kümtsü no ambe toi ala kumo lo wuveke; kümtsü pütüta lalo wukhave; ikemu Ampeu no pa shou ni ghime pukuve tsüe.

JEREMIYA 23:2

Ikehu Israel Lhou, Ampeu no ambekhemi khunono Iw timiqo tucho cheni keno panongu vilo ishi piani: “Nongu no I mbeloji kuthole eno hapupove no panoqo jukütsü moe. Ikehu julo, nongu no alhoksa kümla shike ghenguno I no ghime nani, ipi Ampeu no asheshu.

EZEKEL 34:6

I mbeqo ye apanagha khavae; panongu ye naghuto eno atoghi kümtsü lo itsüsü wuvae. I mbeqo ye ayeghi kümtsü lo apanagha khavae, panoqo phuwu momu juwuni kemi khumu kühavae.

EZEKEL 37:24

“I qeu David no panoqo shou akükau shinani, panongu kümtsü ghenguno ambekheu lakhi anani. Panongu ye Iw pimheyeqo pape nani eno I yezahqo gholuni ke kutokupui nani.

ZEKHARIA 13:7

“O azütakikihi, ithu Iw ambekhemi mjochile lo, Timi khuu I shelo puthugho ani keno mjochile lo,” ipi aqokitikhiMPEU no asheshu. “Ambekheu ghiqhilo eno ambeqo ye apanaghave nani; I no itimiqo shou I u süqheni.

MATTHEW 18:12

“Nongu ye kiu kümsü ania? Timi lakhi no ambe 100 akelo lakhi no kauve aye, pa ye lhotoku toku hu ato lo achu kümza püaghi püzü lakhi kauve keu phuwu moni keshea?

MATTHEW 9:36

Kughou pa no aqokitikhi ithulu keno, panongu ghenguno pa mlo ighiqhiyive, kughengu panongu ye akheu kühakeu mbeloji toi pishipiyi eno akukuphu kühano ae.

Apostolmi 20:28

Nongu ampi jukütsükiyi lo eno Aghungu Kimthe no nongu pesü khunoqo shou jukükütsümi shive akeno, aloji kümtsü jukuto lo. Alhou kukuhou kheu shilo, ti ye Pa no Pa ji pesü qhüluvae.

IBRIMI 13:20

Itehi ye aloinokütsü Lhou, khuu no lhokta puloshoqhi shikeu ji vecheo akithi lono ni Mpeu Jisü, ambekheu akijeu xüputhu keno, Pa no

IBRIMI 3:1

Tighenguno, küpülümi athiküzümiqo, nongu khunono kungugha saje kulumi shive akeno, apostol eno achinetou Jisü, niw pikiphe küpülü lau jupukulo,

IBRIMI 5:2

Achinetou ghi kupukümla kehu pa ye khunono aye kümthami eno ala ghüzümi keno tipaqo mtshaminhei tuchomjo cheni.

1 Peter 3:20

kughengu panoqo ye khaghi Noah no ashuka mlache kelo Alhou no kutuu kheche keu gholu move kemie. Ashekha lo ashukaki tipau vecheo azü lono xalu kemi ye aghulo, pano tache likhie.

1 Peter 5:4

Eno kughou Ambe Khetou ipeghini keno, nongu no aju idimo keu juküvüpu kütsükuqho ithulu nani.