1 Peter 2:21 - Sumi Naga CL (Re-edited) Bible (BSI)

²¹ Kughengu nongu ye hipau lo kuluvae, Khristo ghi nongu ghenguno imeve kehu kichekipiye shi nongu lau qhi püatsü ae, tishianguno nongu no Pa nepa papelu peniye ke.

BAIBEL (BSI)

²¹ Kughengu hikithipulo Alhou no nongu kuluvae, kughengu Khristo ghi nongu ghenguno aghime shiveke eno nongu lau kichekipiye lakhi qhipuatsu anike, tishianguno nongu pelo pa nepalo nesu peniyeke.

Sümi Tiqhelimi Bible

²¹ Hipau ghenguno nongu kulùvea ke, kughengu Khristo ye nongu ghenguno ime keu vechewo nongu ghenguno kiche-kipiye lakhi qhivetsüae, eno nongu ye pa nepa lo pape moayesae.

1 Peter 2:21 Iomraidhean Croise

LESHELE 85:13

Amikucho no Pa zülo chewu nani eno Pa pukhu nepa kutotsü nani.

MATTHEW 10:38

Khunono paw kros xapu mono I papeni keno pa ye I laumi shiküzüpu kumoe.

MATTHEW 11:29

Iw kuokhasü ikhipe xapulo, eno I launo shikalu lo, kughengu ni ye ivünhei eno aqhokighemi, eno nongu ngulho ghenguno nongu no akulhokiqhi ithulu nani.

MATTHEW 16:24

Tishino Jisü no pa khopemi vilo pi, “Khukhumu I papeni keu ye pa ampi milive no paw kros xapu I papelo.

Luke 24:26

Khristo ye aghime hipaqo sholu paghino pa juküvü lo iloni keu shike kumo?”

John 13:15

Kughengu I no kichekipiye nongu tsüve ake I no nongu lau shike toi nongu ghi tishi masae.

John 16:33

I no nongu vilo hipau pikeu ye I lau kimepe akeu lono nongu ye aloino apeniye ke. Ayeghi lo nongu ye aghime kitikhi sholu nani, ikemu amlo mtolo; ni ye ayeghiqha theqhi luvae.”

Apostolmi 14:22

Hi kümtsü lo akhopemi mlo shikumto tsüno aküpülü lo cheche penike pama no pi, “Aghime kitikhi kutomo vechesü ningu ye Alhou yekipe lo ilo masae.”

Apostolmi 17:3

Khristo ye imeve no akithi lono ithughi masa kepu shive keu hepho piye no pi, “Hi Jisü khuu I no nongu lau sheshu ani keno pa no Khristo ke.”

Apostolmi 9:16

Pa ye I je ghenguno khijehi ime masa keno I no pa piye nani.”

Rommi 8:29

Timi khunoqo Alhou no azünatha ghi ithi akeno panongu pelo Pa Nu julho kimihi shiluve peniye Pa no panoqo kishe kütüta shive, tishianguno athiküzümi kutomo gholo Anu pelo amsüu shi peniye ke.

1 Kor. 11:1

I no Khristo kimihi shike toi nongu ghi I kimihi shilo.

Ephesiami 5:2

Khristo no ningu kimiye no Pa ampi pesü Alhou lau axokütsüngü eno aghakishi kümllagho shi tsüve ketoi kikimiye lono xülo.

FILIPIAMI 2:5

Khristo Jisü kükümsü ghola khikhi nonguw shilu keno, hi no nongu gholo alo,

1 Thes. 3:3

tishianguno aghime hipaqo lono milakhi mu ithave pemo niye ke. Kughengu nongu ampi no ithi anike aghime no ningu saje shivae.

1 Thes. 4:2

Kughengu Ampeu Jisü vecheo nino nongu kütsü shikave keu nongu no ithi ani.

2 Tim. 3:12

Kuchou no Khristo gholo xükimepe Alhou sükümsa küxü xünishi kemi kümtsü shikimighi nani;

IBRIMI 2:10

Kughengu pa ghime vecheo anuli kutomo ajuküvüpu lo süghilu keu lo Alhou khuu vecheo thime kümtsü acheni keno Pa no Jisü pelo xakulupu la lo amiheu shilupe keu ye achipilo ke.

1 Peter 1:20

Pa ye ayeghi boqha ghomphi lono nukisheve kemu nongu ghenguno ashekha ghuloki lono pephe piye,

1 Peter 2:24

Pa phimpi lono Pa ampi no ni xine xapu kros lo ikuve, tishianguno ningu pelo axine küdau ye thive no amikucho lono xülu peniye ke. Pa ghüzaku vecheo nongu shipivi luvae.

1 Peter 3:18

Kughengu Khristo ghi ni xine ghenguno ghuthu lakhi imeve, ningu sasü Alhou lau ighi niye amikuchou no amikucho kumomi ghenguno imeve, ashi küdau ye pithive kemu aghungu lono xüputhuve,

1 Peter 3:9

Alhoksa pesü alhoksa lochile kevi, momu pipütha keu pesü pipütha kevilo, tipa züqhulo, kümghatsü kilelo, kughengu nongu ye hipau lo kuluvae, tishikeu lono nongu pelo kükümgha ithulu peniye ke.

1 Peter 4:1

Tishi aye, Khristo no ashi phimpi lono imeve akeke nongu ampi kükümsü ghi tipatho lono kutolulo, kughengu khukhumu ashi phimpi lono imeve aghi keu ye axine launo kukhovae,

1 Peter 4:13

Ikemu alovilo, kughengu atsa kuchou lo nongu ye Khristo ghime sasü küsajelu anike, tishianguno kughou Pa juküvü pepheni keno nongu ghi alovi eno amloqilu nani.

1 John 2:6

khuu no pa ye Alhou laumi ipini keno pa ye Jisü no cheche keu laghi lo chewu kepue.

1 John 3:16

Hipau lono ningu no kikimiye ithilu ani: Khristo no ningu ghenguno Pa küxü pephe tsüve kehu ningu ghi athiküzümi ghenguno ni küxü pephetsü kepue.

Piyeküsü 12:11

Ni thiküzü chelimi no pa shou tolukeu ye Ambeti ji eno pano küxü shepe tsa lono ke; kughengu panongu ye akithi kutolo mu pano küxü küpümo ke.