1 Peter 2:2 - Sumi Naga CL (Re-edited) Bible (BSI)

² Anileshi punu keu ngaqo toi aghungu lo tsüghükhüi keu kichhizü yenishi keu tüghü shilo, tipau vecheo nongu no thuiku xakulupu lo ilolu nani,

BAIBEL (BSI)

² Anga kughununo akichhizu yenishike toi nongu ghi akimthe anguaghapu kichhizu yenishilo, tishianguno nongu ghi thuikulu puzu xakulupu shilu nani.

Sümi Tiqhelimi Bible

² Angá kughunuqo toi, aghungu kichhizü kitiqemo keu ye nikeu mineqhiyi lo, tishianguno tipau vechewo nongu pelo nonguw xakulu küxü lo thuwulu peniye ke,

1 Peter 2:2 Iomraidhean Croise

SAMUEL AKINIU 23:5

“I kibo ye titoi Alhou gholo puthugho acheni kekumo? Kughengu Pa no I sasü lhokta puloshoqhi shivae, thokha kithikiyi eno mtotoivae. Kughengu Pa ye I kuphutsü eno I kimji shikupu tsümoni keshea?

JOB 17:9

Tishimu, amikuchomi ye pa laghi pheve chemo, khunono au mithe ani keno pano no alau mtokithe chenie.

AHOLE 4:18

Ikemu amikuchomi laghi ye tsükutho küvü ipeche ketoi, puchomghü shimoke kutolo vüqai eno vüqai kithe acheni.

HOSIYA 14:5

Ni ye Israel lau atsüzü toi nani; pa ye lapu toi puipeghi nani; pa ye Lebanon süboqo toi akuhu qüilo nani;

HOSIYA 14:7

Panongu no ideighi no Iw sükusho qholo xü nani; athi toi kupukuno shi nani; atsaibo toi mini ipeghi nani; pano jekipi ye Lebanon tsaiji toi nani.

HOSIYA 6:3

Ningu pükapütsa no Ampeu ithini nolo; Pa ipeghini keu ye tsüküvü toi mtsüqhei ke; tsülü tusho tsütsüghu no ayeghi vapütsü keshi Pa no tsütsüghu toi ni lau ighi nani.”

MALAKI 4:2

Ikemu nongu I je sümsa chekemi ghengu ye, achipiu mikucho no khetsünhe küvü toi shikipivi süghi nani. Amshitiqo no kakashi ilhe ketoi nongu no alovi nani.

MATTHEW 18:3

eno pi: “Kuchou no I no nongu vilo piani, nongu no aküxü kililu no itimi toi shimo kelo nongu ye khilemu Kungugha yekipe lo ilomo nani.

MATTHEW 19:14

ikemu Jisü no pi, “Itimiqo lakha kevino panoqo pelo I lau ighi pelo, kughengu Kungugha yekipe ye hitoi kemi salake.”

Mark 10:15

Kuchou no I no nongu vilo piani, khukhumu itimi toi Alhou yekipe ikhilumo keu ye khilemu tile ilomla nani.”

Luke 18:17

Mtsüqheino I no nongu vilo piani, khukhumu itimi lakhi toi Alhou yekipe ikhilumo keu ye kiu gholau nomu tile ilomla nani.”

Rommi 6:4

Ikehu akithi lo baptiz shisü luve keu lono ningu ye Pa gholo qhove, tishikeu lono Apu juküvü küka lono Khristo pesü xüputhuve ketoi, ningu ghi aküxü kitheu lo cheche peniye ke.

1 Kor. 14:20

Athiküzümiqo, nongu kükümsü lo itimi toi kevilo. Alhoksa loye itimi toilo ikemu akükümsü loye tekhoi lo.

Ephesiami 2:21

atsükucho eno axu kümtsü Pa gholo kime küqhape Ampeu lau akimthe chineki shi thuwulu cheni.

Ephesiami 4:15

Tishinike züqhu, kikimiye lono kuchou tsape pesü ningu ye ala kümtsü lono thuiku Khristo, khuu akütsü keno, Pa lau eno Pa lolo xüsülu masae.

2 Thes. 1:3

Athiküzümiqo, ningu ye alhokuthu nongu ghenguno Alhou shikimthi tsü akepu, ti ye achipi ke, kughengu nongu küpülü ye alau thuiku ani, eno lakhino lakhi lau kikimiye akeu ikowolu ani.

1 Peter 1:23

kughengu nongu ye shipüsa kulupu piti lono kumono shipüsa kümlapu piti, aküxüpu eno pülhapuju achekeu Alhou tsa vecheo punu kithevae;

2 Peter 3:18

Ikemu ni Mpeu eno Xakuluu Jisü Khristow küpükini eno Pa kighithi lono thuwu alo. Itehi eno lhokta tsala kutolo Pa lau ajekipi shilo. Amen.