1 Peter 1:8 - Sumi Naga CL (Re-edited) Bible (BSI)

⁸ Nongu ye Pa ithulu mphi kemu Pa kimiye cheni. Itehi mu nongu ye Pa ithulu amoe ikemu Pa lau pülübe cheni eno amlokiqi shi piphekümla lokivi gholo ajuküvü no shepichhipe

BAIBEL (BSI)

⁸ Nonguye pa ithulumo kemu nonguno pa kimiye cheni; nonguye itehi pa ithumla pinamu nonguno pa pulu cheni; ikehu nonguno akiqheu eno atsano piphekumla lokivi lono alokiqishi ani,

Sümi Tiqhelimi Bible

⁸ Nongu ye pa ithulu mphi kemu, nongu no pa kimiye ke; eno nongu no itehi pa ithumla namu, nongu no pa shou pülü ke eno piphekümlapu eno ajuküvü lokiqi no chhitoi anike,

1 Peter 1:8 Iomraidhean Croise

ALE KIMCHI 1:7

I ngulho no kimiye chekeu I lomi, I vilo pilo, no ye khileno o tsü-aqu achu kümza eno puchomghü lo khile püzüve cheni kea? Kughengu ni ye agi nhapu chekemi kimihishi o küsami tsü-aqu gholo cheche mlae.

ALE KIMCHI 5:16

Pa tsapi ye ighono jumghai, eno pa philo mine kepu likhi ani. O Jerusalem ilimiqo, hi no I qhuu eno I küsau ke.

ALE KIMCHI 5:9

O totimi gholo shishe ajukiviu, o qhuu ye kütami nguno akiviu keshea? O qhuu ye kiu lono kütami nguno akiviue pi ni vilo tushoqhipe ani kea?

MATTHEW 10:37

Khukhumu apu momu aza kimiye akeu nguno alau I kimiyemo keu ye I laumi shiküzüpu kumoe, eno khukhumu apuanga kimiye akeu nguno alau I kimiyemo keu ye I laumi shiküzüpu kumoe.

John 14:15

“Nongu no I kimiye aye, I zakütsüqo pape nani.

John 14:21

Khunono I zakütsü ikhilu eno peluni keno, pa no I kimiye cheni. Khuu no I kimiye cheni keno I Pu no pa kimiye nani, eno I no pa kimiye no pa lau ni ampi pephepe piye nani.”

John 14:24

Khunono I kimiye chemo keno, I tsa pelu chemoe. Nongu no atsa chilukeu ye I tsa kumoe, ikemu I Pu I puwu keu tsake.”

John 16:22

Tihutoi nongu ghi itehi ye amloksa shiani, ikemu ni ye itaghi nongu kusholuni aphi, nongu no alokivi shinani, eno khunomu nongu lokivi süwuve tsümla nani.

John 20:29

Jisü no pa vilo pi, “No ye ni ithuluve ake ghenguno pülü ani keshea? Khunono ni ithumla namu pülüni keno akümghapue.”

John 8:42

Jisü no panoqo vilo pi, “Alhou no nongu papu keaye nongu ye I kimiyeni cheke, kughengu ni ye Alhou launo ighi eno ni ye hile ani. Ni ye I kutoshi no ighike kumoe ikemu Pa no I puwuke.

Apostolmi 16:34

Tishino pa no pama sasü pa kilo wuno kuchu-kusho kutope tsü. Eno Alhou pülü luveke ghenguno pa no akibolomi kümtsü sasü alovi.

Rommi 14:17

Kughengu Alhou yekipe ye chuqu-kusho vehuke kumoe, ikemu Aghungu Kimthe no tsükeu achipiu-mikucho, külakishi eno aloviqhiyi keu ke.

Rommi 15:13

Nongu no pülü akeu lo lajupu tsü chekeu Lhou no alokivi eno aloino keu kümtsü pesü nongu shepichhi tsü peni, tishianguno Aghungu Kimthe küka vecheo nongu ye lajupu no qochili apenie.

1 Kor. 16:22

Timi khuu no Ampeu kimiye keu küha keno, pa ye angusüpu shipeni. Ighilo, ni Mpeu!

2 Kor. 1:22

eno ningu shou Pa michipu sütsü no ningu tsüniye akeu tsütha ghi Pa Ghungu ningu mlo lo sütsüe.

2 Kor. 12:4

atsa lono pimla kepu eno akichi lono pikümlapu tsa pa no chilu.

2 Kor. 4:18

Ikehu ningu ye ithukulu thime shou kumono ithukümla thime shou jupuku acheni. Kughengu ithukulu thimeqo ye ado ikhonhei ghengu likhi, ikemu ithukümla thimeqo ye lhokta ghenguno ke.

2 Kor. 5:7

kughengu ningu ye ithukulu lono kumono aküpülü lono checheni.

2 Kor. 9:15

Alhouw pikha kümlapu gho ghenguno Pa shikimthilo!

Galatiami 5:22

Ikemu Aghungu xathi ye kikimiye, alokivi, aloino, kutuukulu, kimiyeqhiyi keu, akivi, pükhükulu,

Galatiami 5:6

Kughengu Khristo Jisü küdau ye aphighüyiko ghakeu na ghamo keu namu kihi amoe, ikemu kikimiye vecheo aküpülü lono mlakeu likhino ke.

Ephesiami 3:19

eno timi kighithi kümtsü shoqa achekeu Khristow kikimiye ithilu keu lono Alhou lhoaye kümtsü pesü kupukülai nongu shepichhi tsü peni.

Ephesiami 6:24

Shipüsa mlakeu kikimiye pesü ni Mpeu Jisü Khristo kimiye chekemi kümtsü lau Alhouw küpükini apeniu.

FILIPIAMI 1:25

Hi no mtsüqhei shipe ni ye xüaghini aphi, eno nongu küpülü azüu hawolu no alovi lupe kepushi nongu kümtsü gholo ananie pi I no ithivae,

FILIPIAMI 3:3

Kughengu ningu khunoqo Aghungu lono mlla eno ashi shou pükhübemo no Khristo Jisü lau akijivile cheni keno ninguu no aphighüyiko ghakemi ke,

FILIPIAMI 4:4

Alhokuthu Ampeu lono alovilo, I no itaghi pini: alovilo!

IBRIMI 11:1

Aküpülü ye ningu no laju chekeu mtsüqhei shikulu, ithumla no achekeu thime ani kepi thebei tsükeu ke.

IBRIMI 11:27

Aküpülü lono pa ye akükau mlokighide msa mono Egypt qhive, kughengu pa ye ithukümla Lhou ithulu akeshi ideighi mono cheve.

1 Peter 1:6

Hi kümtsü lo nongu ye alovi kepu kije ani, kughengu itehi ado hami ghenguno puju-peju keu jeli sholu kelo nongu ye imeve aghiluvi,

1 Peter 2:7

Ikehu nongu khunono pülü cheni keno pano ghenguno hi ye agigihupu ake, ikemu pülümo kemi ghengu ye, “Akikishimi no kileqhive keu tuqu huno atsükupu tuqu shive aghi,”

1 Peter 5:4

Eno kughou Ambe Khetou ipeghini keno, nongu no aju idimo keu juküvüpu kütsükuqho ithulu nani.