1 Peter 1:4 - Sumi Naga CL (Re-edited) Bible (BSI)

⁴ kungugha lo shipüsa kümlapu, shipixi kümlapu, eno hauvemo kepu mheghi akeu lo nongu saje ithulupe ke,

BAIBEL (BSI)

⁴ eno puhavemla keu, shipusamla keu, thibuyimo keu mheghi nongu ghenguno kungughalo qhipuanike.

Sümi Tiqhelimi Bible

⁴ eno khilemu tsümavemo, shikuchubevemo momu kühavemo nikeu mheghi lakhi pe ningu tsüke. Amheghi hipau ye nongu ghenguno kungugha lo qhipüani ke,

1 Peter 1:4 Iomraidhean Croise

LESHELE 31:19

O, O sümsa chekemi ghenguno khikhi akivi Nono pekütsü püani keno, O launo sükusho luche kemi ghenguno mla püakeu ye timi zülo kishi kupukuno shi ani kelae!

LESHELE 47:4

Pa no ni mheghi kishetsü, Pa no kimiye chekeu Jacob kijivilepu shitsüe.

ISAIAH 66:22

“Kughengu atsütsü kithe eno ayeghi kithe I no lhokeu no I nhethe lo acheke toi, nongu kughukomi eno nongu je ye ache nani.

EZEKEL 47:12

Aghoki xüsa hikukuu eno hukukuu achuqupu shi penike asübo jeli thuipeghi nani. Tipaqo nipa ye ighüivemo momu athi pithi-ixivemo nani, ikemu aqhi atsütsü axathi anileshi pithi nani, kughengu tipaqo ghenguno akimtheki lono azü qoighi nani. Tipaqo xathi no achuqupu shi nani, eno anipaqo no shikipivi ghenguno peitha nani.”

MATTHEW 25:34

Tileno Akükau no pa u ajeu akeqo vilo pi nani, ‘Ighilo, nongu I Pu no kümghatsü keqo, ayeghi boqha ghoke lono nongu ghenguno kutope püakeu yekipe mheghi ighilu lo.

Mark 10:17

Jisü no tipa-a qhive no wuche kelo timi lakhi no ala lo hasü ighi no pa zülo qhoqhünhepe ngono pi, “Shikükau kiviu, ni ye lhokta küxü ighilu nike kiu shimasa kea?”

Apostolmi 20:32

Itehi ye Alhou lau eno Paw küpükini tsa lo nongu kulhuqhi tsü ani, tino nongu xaqhelu nani eno Paw shiluve kemi gholo nongu mheghi ighilu penani.

Apostolmi 26:18

panongu nhethi xükho tsüno no aküzü lono aküvü lo ipeghilu, eno Satan küka lono Alhou lau tsüghü ighilu, tishino panongu pelo axine qhikütsü ithulu no I lau aküpülü akeu vecheo shikimtheve kemi gholo a-a ithulu peni.’

Rommi 8:17

ike anuli ipi aye, Alhou mheghi kiyighimi, eno tsala ningu no Khristo juküvü ghi küsajeni kehu Pa gholo ime küqha aye, ningu ye Khristo gholo amheghi kiyighimi ke.

1 Kor. 9:25

Aghilimi kümtsü no thokha lo alikhi ampi ghasü cheni. Panongu ye pepushu moni keu kütsükuqho ithuluni ye hi shicheni, ikemu ningu ye püha moni keu saxü ithulu niye ke.

Galatiami 3:18

Kughengu Ayezah vecheo amheghi ighi cheghi aye, ti ye pikiqhitsa shou bepe anike kumovae; ikemu Alhou no pikiqhitsa vecheo amheghi Abraham tsüe.

Ephesiami 1:11

Alhou khuu no thokha Pa pulou kimji lono mlaitha cheni keno, Pa kukughu lono azünatha ningu kishelu kehu ningu ye Khristo laumi shilu keu lono Alhouw akütsa mheghi shiluvae,

Ephesiami 1:14

Aghungu Kimthe hi ye ningu no Alhou launo akütsa shi amheghi ithulu khamoke dolo tsütha keu ke, Pa jekipipu shi sheqhe akepue.

Ephesiami 1:18

nongu mlo lo vethakulupu nhetsü qhino Pa no nongu kulu püakeu lajupu ye kiu, Pa juküvüpu mheghi kinikülüshi küpülümi lau akeu ye kiu keno, nongu no ithi peni;

Kolosiami 1:12

Apu khuu no nongu pesü aküvü lo küpülümi mheghi küsaje lupe keno Pa shikimthi tsü peniye ke.

Kolosiami 1:5

kughengu kuchou tsape, atsakiviu nongu lau atüghüshi ighi kelo tino nongu sala kungugha lo lajupu kike püatsü anie pi nongu chiluke.

Kolosiami 3:24

Ampeu launo amheghi shi o saxü ithulu nani kepi ithilo. No ye Ampeu Khristo qe anie.

2 Tim. 4:8

Hinguno hilau ye I ghenguno tokulu saxü amikucho kütsükuqho ani, ti ye achipiu xaküthau Ampeu no tipa Tsala lono I tsü nani, eno I likhi kumono pa ikighi kimiye chekemi kümtsü tsü nani.

IBRIMI 10:34

Nongu no akughumi gholo ime küqha, eno alokivishi no küakini ghi sükishe luvetsü peke, kughengu nongu ye küakini akiviu eno pülhapuju acheni keu thime aphi kepi nongu no ithi ake.

IBRIMI 9:15

Hi ghenguno pa ye puloshoqhi akitheu lacheu ke, tishianguno kuluve kemi pelo lhokta mheghi pikiqhi ithulu peniye ke, kughengu puloshoqhi atüghüu lo timi no axine shikeu lono xaphe niye akithi ighike.

James 1:11

Kughengu khetsünhe no akülü kushu shi ipeghi no atsüni phuqhive cheni; tipau kupu ighiqive cheni eno jukivi ye hauve cheni. Titoi kinimi ghi pa kümla püzüche kelono hauve nani.

1 Peter 3:9

Alhoksa pesü alhoksa lochile kevi, momu pipütha keu pesü pipütha kevilo, tipa züqhulo, kümghatsü kilelo, kughengu nongu ye hipau lo kuluvae, tishikeu lono nongu pelo kükümgha ithulu peniye ke.

1 Peter 5:4

Eno kughou Ambe Khetou ipeghini keno, nongu no aju idimo keu juküvüpu kütsükuqho ithulu nani.

Piyeküsü 21:27

Ikemu mithekumo ye kiu gholau nomu tile ilolumo nani, tike kumono kitiqeve keu momu kichile kümla shive keumu ilolumo nani, ikemu khunono Ambetiw aküxüpu kaku lo aghini keno pano likhino ilolu nani.