1 Peter 1:3 - Sumi Naga CL (Re-edited) Bible (BSI)

³ Ni Mpeu Jisü Khristo Papu Alhou sheqhe ani! Paw kimiyekini kije pesü akithi lono Jisü Khristo xüputhu keu vecheo ningu pelo aküxüpu lajupu lo punu kithe lupe,

BAIBEL (BSI)

³ Ningu Mpeu Jisu Khristo paPu Alhou shikimthilo! Kughengu pano kimiyeqhiyi kehu akithi lono Jisu Khristo xuchile puthu vekeu vechewo ninguye xuakeu lajupulo akuxu kithe shiluvae,

Sümi Tiqhelimi Bible

³ Sheqhe keu pesü Alhou eno ningu Mpeu Jisü Khristo Papù tsü ani! Paw kikimiye kijè lono pa no akithí lono Jisü Khristo xüleputhuve keu vechewo ningu pelo xü akeu lajupu lo punú kitheluve

1 Peter 1:3 Iomraidhean Croise

KUKAMI ATUGHIU 8:15

Pa no pi, “Israel Lhou Ampeu sheqhelo! Pa no I pu David lau tushoqhi püakeu, Pa u no ti shikupuvae; Pa no hitoi piqhi püake,

YEKIKITHI ATUGHIU 29:20

Tishino David no aqomi azah tsü, “Ampeu nongu Lhou sheqhelo!” Eno kümtsü no pano puasü Lhou, Ampeu sheqhe, eno agigihu michishi panongu kütsü pishiqhope Ampeu ngo akükau tsü.

YEKIKITHI AKINIU 31:8

Akükau Hezekiah ngo paw kijemi no ghekütsü püakeu ithulu kelo Ampeu sheqhe eno Israel kümgha tsü.

LESHELE 41:13

Pülhapuju lono pülhapuju kutolo Ampeu Israel Lhou sheqhelo! Amen, Amen.

LESHELE 86:15

Ikemu O Ampeu, No ye kimiyekini eno küpükini Lhou, amloideni keu lo asheshi, iqemokeu kikimiye eno pükhükulu no chhitoi ke.

LESHELE 86:5

O Ampeu, No ye aloe eno akipimi qhitsü cheni, O ku chekemi kümtsü lau iqemokeu kikimiye piye cheni.

IPEKULU 34:6

Ampeu no pa heche wuno asheshu, “Ampeu, Ampeu, kimiyekini eno küpüqhiyi keu Lhou, amlo ideni keu lo asheshi, iqemokeu kikimiye eno pükhübekulu no kupukuno,

ISAIAH 26:19

Ow timi thive keqo ye pano phimpi no xüthughive nani. Nongu ayeghimkhu lo akeqo, ithu alokivishi ale phelo! Kughengu O tsüzü ye inaqhe tsüzü, tino ayeghi vepüxüpe kithimi lau aküxüpu tsünanie.

JONAH 4:2

Pa no Ampeu lau inikhu no pi, “O Ampeu, hi ye I no I ghakhu lo aphi lono pi akeuke kumo keshea? Tighenguno ni ye mtazü Tarshish lo pove niye shike; kughengu I no ithi ake No ye kimiyekini eno küpükini, amloideni keu lo asheshi eno iqemokeu kikimiye no chhitoi, eno amhekiqi lono süchileve chekeu Lhou ke.

John 1:13

ti ye ashi lono punu keu momu timi pulou lono kumoe, ikemu Alhou launo ke.

Rommi 12:12

Lajupu küdau juno alovilo, aghime lo kheakulu shilo, akighini lo pükhükulupu shilo.

Rommi 15:13

Nongu no pülü akeu lo lajupu tsü chekeu Lhou no alokivi eno aloino keu kümtsü pesü nongu shepichhi tsü peni, tishianguno Aghungu Kimthe küka vecheo nongu ye lajupu no qochili apenie.

Rommi 4:25

Alhou no ni xine ghenguno Jisü pesü akithipu lo ikhiphetsü püzü ningu pelo achipikalu penike xüputhuve ke.

Rommi 5:10

Kughengu nino Alhou ghümi shi ache kelo thotsü Pa Nu kithi vecheo ni pelo Alhou lau külashilu püaghipe aye, itehi ye nino külashi luve akeke itaghi alaushi Pa küxü vecheo ni xalu nani.

Rommi 8:11

Tsala akithi lono Jisü xüputhu keu Ghungu no nongu lolo aghi aye, Khuu no akithi lono Khristo Jisü xüputhu keno, Pa Ghungu nongu lolo akeu vecheo Pa no nonguw thiveni keu phimpi lo ghi aküxüpu tsü nani.

Rommi 8:24

Kughengu ningu ye hipau lajupu lono xalue. Ikemu laju akeu ithuluve aye ti ye lajupu kumovae. Kughengu khuu no pa no ithulu akeu laju cheni kea?

1 Kor. 13:13

Tishiaye aküpülü, lajupu eno kikimiye hipano küthü ani; ikemu hipaqo gholo akiqheu ye kikimiye ke.

1 Kor. 15:20

Ikemu mtsüqheino Khristo ye akithi lono xüputhuvae, zühuve kemi gholo Pa no amsüu xathi ke.

2 Kor. 1:3

Ni Mpeu Jisü Khristo papu Alhou, kimiyekini Papu eno alokughuno kütsü Lhou sheqhelo,

Galatiami 6:16

Khunono hipa khuaye lono checheni keno, aloino keu eno kimiyekini no pano shou, eno Alhouw Israelmi shou apeni.

Ephesiami 1:17

Ikehu ajuküvü Papu, ni Mpeu Jisü Khristo Lhou no alokütsü ngo piyeküsü ghungu pesü nongu tsüno Pa kighithi lo thuwulu peni;

Ephesiami 1:3

Ni Mpeu Jisü Khristo papu Alhou, khuu no kungugha kiqhe-a lono aghungu lo kükümgha kümtsü pesü Khristo küdau no ningu kümghatsü keno, sheqhe küzüe,

Ephesiami 1:7

Khristo ji vecheo ningu ye pa lau no xachilekulu eno axine qhikütsü ithulu. Paw küpükini ililai akeu kiqi lono

Ephesiami 2:4

Ikemu Alhouw kimiyekini, khipau pesü Pa no ningu kimiye keno, kije akeu vecheo küpükini no nibonilei akehu

Ephesiami 3:20

Itehi ye khuu no ningu gholo Pa kükakumto pesü mla akeu vecheo ningu no qhüiniju momu kümsü akeu nguno alau kupukuno shi tsülu nani keno,

Kolosiami 1:23

ikemu nongu ye thebei aküpülü lono puthugholu, ithamo no mtotoilu, lajupu tsakiviu nongu no chiluve keu lono iqeve mono amasae. Atsakiviu hi ye atsütsü qholo pulhoküsü kümtsü lau sheshuve keu, ni Paul ye tipau shepemi lakhi ke.

Kolosiami 1:27

Alhou no panongu kishelu no Jewkumomi gholo ajuküvüpu kini kije pephe tsüke, ajuküvü lajupu huye Khristo nongu lolo akeu ke.

1 Thes. 1:3

ningu Papu Alhou zülo nongu küpülü kümla, kikimiye ghime, eno ni Mpeu Jisü Khristo lau iqemokeu lajupu akeu nino kümsülu cheni.

1 Thes. 4:13

Athiküzümiqo, ningu ye nongu pelo kithimi vehu ithi mono apenishi amoe, tishianguno nongu pelo lajupu küha kemi toi amloiju pemo niye ke.

2 Thes. 2:16

Itehi ye ni Mpeu Jisü Khristo ampi, eno ni Pu Alhou, khuu no ningu kimiye no küpükini vecheo lhokta lokughuno eno lajupu kivi ni tsü keno,

1 Tim. 1:14

eno Khristo Jisü gholo akeu küpülü ngo kikimiye vecheo, ni Mpeuw küpükini no I shou yeli qole ikughi ke.

Titus 2:13

tino ni Lhou akijeu eno Xakuluu Jisü Khristo ajuküvü lono ipeghini keu khekuto akelo niw kükümgha lajupu ke.

IBRIMI 3:6

ikemu Khristo ye Anu lakhi shi Alhou kibo shou pükhükulupu shike. Eno tsala ningu no mtotoi niw lajupu lo amlo kuloghi shi aye ningu ye Alhou kike.

James 1:18

Pa pulou lono kuchou tsa vecheo Pa no ningu lhosüe, tishianguno Paw pulhoküsüqo gholo ningu pelo amsüu xathi shipeniye ke.

1 Peter 1:13

Tighenguno, nongu kükümsü kutokughoi eno tsükhüi shino Jisü Khristo pephe piye kelo küpükini tsüniye akeu shou nonguw lajupu qhoi belo.

1 Peter 1:21

Pa vecheo nongu no Alhou Khuu akithi lono Khristo xüputhupe ajekipi Pa tsü keno, Pa lau pülübe cheni, tishianguno nongu küpülü eno lajupu ye Alhou lau apeniye ke.

1 Peter 1:23

kughengu nongu ye shipüsa kulupu piti lono kumono shipüsa kümlapu piti, aküxüpu eno pülhapuju achekeu Alhou tsa vecheo punu kithevae;

1 Peter 2:2

Anileshi punu keu ngaqo toi aghungu lo tsüghükhüi keu kichhizü yenishi keu tüghü shilo, tipau vecheo nongu no thuiku xakulupu lo ilolu nani,

1 Peter 3:15

ikemu nongu mlo lo Khristo ye Ampeu eno akimthe kepi gihulo, nongu lolo lajupu akeu kiqi khuana no iniju aye sükusho tsa pilu kepushi alhokuthu kutope alo; tishimu akümtsha eno sükümsa lono shilo,

1 Peter 3:21

Hipau michipu sasü kimghilu ghi pimhe chekeu ye itehi nongu xalu chekeu baptizkishi ke, ti ye aphimpi lono axine qhuqhive keu kumono Jisü Khristow xüchilekulu vecheo Alhou lau kiviküsa lokütsü kivi tsü peniye qhüiniju keu ke.

1 Peter 3:5

Kughengu khaghi Alhou lau laju chekemi akimthe totimiqo ye ishi pano kimi qhoqhü kehu juviqhiyi cheke,

1 John 2:29

Tsala nongu no Khristo ye amikucho kepi ithi aghi aye, achipiu-mikucho pesü xüche kemi kümtsü Alhou nuli kepi nongu no thebeilu nani.

1 John 3:3

Eno khuu no Pa lau lajube cheni keno Pa no akimthe shike toi pa ghi pa ampi shikimthe luve cheni.

1 John 3:9

Alhou nuli shiluve kemi khunomu axine kümla shiuve chemoe; kughengu Alhou lhoaye ye pa lolo ani, eno pa ye Alhou nuli shiluve akehu axine shiauve mlae.

1 John 4:7

Kimiye chekemiqo, ningu lakhino lakhi kimiyekileni nolo, kughengu kikimiye ye Alhou launo ighi ke, khunono kimiye cheni keno Alhou nuli shiluvae eno Alhou ithitoi ani.

1 John 5:1

Khunono Jisü ye Messiah kepi pülü cheni keno pa ye Alhou nuli, eno khunono Apu kimiye cheni keno Alhou nuli shiluve kemi kütami ghi kimiye cheni.

1 John 5:18

Ningu no ithi anike Alhou nuli shiluve kemi kümtsü no axine shiauve chemo, ikemu Alhou launo ighi keu huno pa süsho acheni, eno alhoksau ye pa bulu chemoe.

1 John 5:4

Kughengu Alhou nuli shive kemi no ayeghi theqhilu cheni. Eno ni küpülü huno ayeghi shou tolu cheni.