1 Peter 1:2 - Sumi Naga CL (Re-edited) Bible (BSI)

² Apu Alhou kimji lono panongu kishelu keu ye Aghungu vecheo shikimthepe Jisü Khristo lau aghokulu shino Pa ji pesü qhukimthe tsüniye ke: Küpükini eno aloino keu nongu lau küghüsülu apeniu.

BAIBEL (BSI)

² Nonguye Apu Alhou no kumsupulope akeu kiqi lono kisheluvae eno Aghungu Kimthe no shikimthe pesu Jisu papelupeni eno pa ji pesu mitheluve peniyeke. Kupukini ngo alokiqipu nongu lau kighishelu apeniu!

Sümi Tiqhelimi Bible

² Apù Alhou lokütsü vechewo kisheluve kemiqo, Aghunguw shikimthe keu kümlà vechewo Jisü Khristo gholu peniye eno pa jì no küzüteve kemiqo: Küpükini eno aloino keu no kupukuno shi nonguw shilu peniu.

1 Peter 1:2 Iomraidhean Croise

ISAIAH 55:7

Kixikilami pelo pa küxü ghola pheve pelo, eno achipi kumomi pelo pa kükümsü kilive pelo; pa pelo Ampeu lau ideighive pelo tishianguno Ampeu no pa shou kimiyekini apenike, eno ni Lhou lau ideighi pelo kughengu Pa ye akipimi qhivetsü nani.

ISAIAH 65:22

Panongu no aki shiqhe no kütami no küghüna keu shimo nani; panongu no shosü no kütami no tipau chukeu shimo nani.

ISAIAH 65:9

I no Jacob kughukomi saghi nani, eno Judah lagha lo naghutoqo lo ampemiqo saighi nani, I no kishelu keqo no ti qhasü luve nani, eno I qemiqo no tile küghüna nani.

DANIEL 4:1

Akükau Nebuchadnezzar no ashiaye, shiye eno atsa jeli ayeghi lo akeqo kümtsü lau: aloino keu no küghüsü nongu gholo apeniu!

DANIEL 6:25

Tithiu Akükau Darius no ayeghi lo ashiaye, shiye, eno atsa jeli kümtsü lau yepuwu: “Aloino keu nongu lau küghüsü alo.

ACHINE 1:5

Tishino pa no Ampeu zülono lhoxü heqhini, eno Aaron nuli achinemi no aji pesü kuposhukulu phiki kulaghi lo akiptia kümtsü vehomxa leqhini.

MATTHEW 24:22

Alhou no tipa tsalaqo ghitha kughukhove tsümoke aye timi khumu xümla nani. Ikemu kishekiphemi ghenguno tipa tsalaqo ghitha kughukhove tsü nani.

MATTHEW 24:24

Kughengu kichile Messiah ngo kichile tungkupmi ipeghi no kishekiphemiu ghi saküghüzüve nike amchipu ngo akümzapu kümla kije shi nani.

MATTHEW 24:31

Afuko ghügha vekipighi igha no pa no paw kungumi puwu nani, ayeghi cheku bidi lono, eno atsütsü shekichi lono paw kishekiphemi panongu no hekütsü nani.

Mark 13:20

Ampeu no atsalaqo kughukho tsümo keaye, milakhimu xakulupu shimoni cheke. Ikemu pa no khunoqo kishephelu keno tipaqo ghenguno atsala kughukhove tsüe.

Mark 13:22

Kughengu kichile Khristo eno kichile tungkupmi no tolukivi thaqhü kishekiphemi ghi saküghüzü nike ipeghi nani eno amchipu ngo akümzapu kümlaqo shinani.

Mark 13:27

Pa no paw kungumi puwu no ayeghiqha kobidi lono, eno atsütsü ngo ayeghi shekhau no paw kishekiphemi hekütsü nani.

Luke 18:7

Imaye Alhou ye Paw kishekiphemi khunono putho pucho Pa lau ighamku cheni keno, tipaqo lau kuchou xakütha tsümoni keshea? Pa ye panoqo kuphuni ke süpushu nani keshea?

Apostolmi 2:23

Alhouw mtsümishei keu küpüghü eno azünatha kighithi kiqi lono Jisü hipau pesü nongu u lo süvetsü, eno nongu no aye kümthami u lono pa yedave no pithive.

Apostolmi 20:32

Itehi ye Alhou lau eno Paw küpükini tsa lo nongu kulhuqhi tsü ani, tino nongu xaqhelu nani eno Paw shiluve kemi gholo nongu mheghi ighilu penani.

Rommi 1:5

Pa vecheo ningu no küpükini eno apostol kümlapu ithulu keu ye Pa je lono shiye kümtsü sasü aküpülü ghokulu lo ighi niye ke,

Rommi 1:7

Rome lo khunoqo Alhou no qhuivü keu lono akimtheshi xü peniye kulu keno: ni Pu Alhou eno Ampeu Jisü Khristo launo ighi keu küpükini eno aloinokütsü nongu gholo alo.

Rommi 11:2

Alhou ye Paw timi khunoqo Pa no azünatha ghi ithi akeno tipaqo kileve mphi. Nongu ye Kuchoyesü lo Elijah ghili kiu pi püani, kishi pa no Israelmi lachile Alhou lau muchho keno mtha keshea?

Rommi 11:28

Itehi panoqo ye nongu Jewkumomi ghenguno Atsakiviu ghümi shi ani. Ikemu Alhou no kishephelu keu tsa loye pano puasüqo ghenguno panongu ye Alhou mlokuchuu ke.

Rommi 15:16

Alhou tsakiviu kümlapu lo achinemi lakhi shi Jewkumomi lau Khristo Jisü tsapeu shi peniye ke, tishianguno panongu ghi Aghungu Kimthe vecheo shikimtheve no akümllagho toi ikhikulupu shi peniye ke.

Rommi 16:19

Nongu no aghokulu shiche keu ye kümtsü kighithi kehu ni ghi nongu shou amloqi cheni, ikemu ni ye nongu pelo kiu no akivi keno tipau lo alotsü kithelu eno alhoksa loye kiumu mthamithe keu shive penishie.

Rommi 16:26

ikemu itehi ye tipau lhapheve no tungkupmi kiyeqo vecheo Lhokta Lhou zakütsü kiqi lono shiye kümtsü lau kilethivae, tishikeu lono timi kümtsü pelo aküpülü lono aghokulu küxü lo ighilu peniye ke—

Rommi 8:13

Kughengu nongu no ashi gholau no xü aye nongu ye thinia, ikemu Aghungu lono xü aye ashi phimpi lo axine kümtsü pithi luve ani kehu nongu ye xü nani.

Rommi 8:33

Khuu no Alhouw kishekiphemi shou akipimi tsüluni kea? Khumu kühae, achipikalupe chekeu ye Alhou noe.

1 Kor. 1:30

Pa ghenguno nongu ye Jisü Khristo lau kimepe ani, ni ghenguno Khristo ye Alhou launo ighikeu lokütsü, amikucho, shikimthekütsü, eno xachilekulu ke.

1 Kor. 6:11

Nongu gholo khami ye titoi cheke. Ikemu Ampeu Jisü Khristo je lono eno ni Lhou Ghungu vecheo nongu qhuve no shikimthepe achipikalu ke.

2 Kor. 10:5

Akikighe eno akükümsü qhemghai keu pesü Alhou kighithi lakha chekeu ghuthu ningu no tulavetsü cheni, eno akükümsü kümtsü tshü sawo Khristo gholupe cheni.

2 Kor. 13:14

Ampeu Jisü Khristow küpükini, Alhouw kikimiye eno Aghungu Kimthew kuposhukulu no nongu kümtsü gholo apeniu.

ZAKINIU 7:6

“Kughengu nongu ye Ampeu nongu Lhou lau akimthemi ke. Ampeu nongu Lhou no ayeghi lo ashiaye kümtsü gholono Paw akughupu mheghi shou ampi shipenike nongu kishelue.

Kolosiami 3:12

Tighenguno Alhouw kishekiphe, akimthe eno kimiyeqhiyi kemi akehu, kimiyekini mlo, amlo ighiqhiyi keu, akümtsha, aküghüvü, eno kutuukulu pepulo.

2 Thes. 2:13

Ikemu Ampeu no kimiye kichemi athiküzümiqo, ningu ye nongu ghenguno alhokuthu Alhou shikimthi masae, kughengu Aghungu no shikimthe tsü eno kuchou shou pülülu keu vecheo Alhou no nongu xalu niye amsüu xathi shi kishelue.

2 Tim. 2:10

Tighenguno ni ye Alhouw kishekiphemi ghenguno thokha puqhe luvetsü ani, tishianguno panongu ghi Khristo Jisü launo lhokta juküvü gholo xakulu ithulu peniye ke.

Titus 1:1

Paul, Alhou qüaxeu eno Jisü Khristow apostol no Alhouw kishekiphemi küpülü eno panow kuchou kighithi akimthe küxü lo sawu chekeu shiqhe tsünike yelu ani.

IBRIMI 10:22

ningu kuchou mlo xapu tsaqüi keu küpülü qhini, alhoksa lotsü lono ningu mlo shikimtheve no azü kütsüghü pesü ni phimpi qhuve püzü Alhou kupunu wuni nolo.

IBRIMI 11:28

Aküpülü lono pa no Hechekulu Ghulhu huthu tsüno aji pesü küzüte tsüe, tishianguno anu anoghiu Ghikiqhiu pelo panongu bupe moniye ke.

IBRIMI 12:24

Nongu ye puloshoqhi akitheu lacheu Jisü lau, eno Abel ji nguno akiviu tsape pikeu shikimthekütsü ji lau ighi ani.

IBRIMI 5:9

Pa pesü kupukülai shitsü kelo pa no pa gholu kemi kümtsü ghenguno lhokta xakulupu puki shive,

1 Peter 1:14

Aghokulu tianuli akehu khaghi nongu yekümtha lo pitipüza keu lhoaye hawuve kevilo,

1 Peter 1:19

ikemu ambe tukutiye momu akuaye küha keu kimihi shi Khristo ji amekusho huno ke.

1 Peter 1:20

Pa ye ayeghi boqha ghomphi lono nukisheve kemu nongu ghenguno ashekha ghuloki lono pephe piye,

1 Peter 1:22

Nongu no kuchou lau aghokulu shikeu vecheo aküsami dolo kimiyekile nike nongu ampi shikimtheve akehu, amlo tsüghükhüi shino kuchou no lakhino lakhi kimiye kilelo,

1 Peter 2:9

Ikemu nongu ye kishekiphe lagha, Akükau chine kümlami, akimthe shiye, Alhou no Pa kütsashi pükhalu keu timiqo ke, tishikeu lono Khuu no aküzü lono nongu kuphepe Paw akichiqhipu küvü lo sailo keno, nongu pelo Pa kighiche kümla sheshu peniye ke.

2 Peter 1:2

Alhou eno ni Mpeu Jisü ithikuthulu keu vecheo nongu lau küpükini eno aloino keu küghüsülu apeniu.

2 John 1:1

Alayeu no Alhouw kishekiphe atotiu eno li tianuli, khunoqo I no eno I likhi kumono kuchou ithi chekemi kümtsü no, kimiye cheni keno, panoqo lau yelu ani,

2 John 1:13

Alhouw kishekiphe o tsünipu tianuliqo no petha o tsü ani.

Jude 1:2

Kimiyekini, aloino keu eno kikimiye no nongu lau kighishe tsü peniu.