1 Peter 1:19 - Sumi Naga CL (Re-edited) Bible (BSI)

¹⁹ ikemu ambe tukutiye momu akuaye küha keu kimihi shi Khristo ji amekusho huno ke.

BAIBEL (BSI)

¹⁹ ikemu bheri tukutiye kuhakeu jih toikeu Khristo jih amekusho pesu nongu xapheluke.

Sümi Tiqhelimi Bible

¹⁹ ikemu ambeti lakhi jì toi keu Khristo jì mekusho, tukutiye küha keu eno azaku küha keu no nongu xaluvea ke.

1 Peter 1:19 Iomraidhean Croise

IPEKULU 12:5

Nongu mbe ye atsü, ampe lakhi tukutiye küha keu shilo. Nongu no ambe momu ane loji lono kishelu nani,

ISAIAH 44:22

I no khüngküsü toi o kipimi nuxave tsü nani eno akimhi toi o xine pevetsü nani; I lau ideighi lo kughengu I no o xachile luvae.

ISAIAH 53:7

Pa nedaqoda eno ghimeqhi ke, ikeghi pa ye atsa lakhimu piqhimoe; ambeti lakhi hekiqhiki lo sawu cheke toi, eno ambe no pa mhi ghoche kemi zülo inaqhoi ngo ketoi Pa ye atsa lakhimu piqhimoe.

DANIEL 9:24

“Ow timi eno ow akimthe mishighüna ghenguno hekibide tave, axine kishekhave, küsakügha ghenguno aghashilu, pülhapuju achipiu mikucho süghilu, kungunhetsü ngo tungkuptsa mekhave, eno shishe akimthe-a nukishelu peniye apinedo lhotsüni za tsüvae.

ACHINE 1:10

“Tsala pa kipti kümllagho no ambe momu ane shiaghi aye, ti ye atsü tukutiye kühakeu shini,

ACHINE 22:20

Kiu kiumu tukutiye akeu lhoxü pesü mlla keu ye ikhilu tsümoe.

ZEKHARIA 13:7

“O azütakikihi, ithu Iw ambekhemi mjochile lo, Timi khuu I shelo puthugho ani keno mjochile lo,” ipi aqokitikhiMPEU no asheshu. “Ambekheu ghiqhilo eno ambeqo ye apanaghave nani; I no itimiqo shou I u süqheni.

AKIKIHI 7:27

akipti kümllagho ghenguno amshitsü, ambetsü, ampe lakhi mbetsü, lakhikhi;

AKIKIHI 7:39

akipti kümllagho ghenguno amshitsü, ambetsü, ampe lakhi mbetsü, lakhikhi;

MATTHEW 20:28

Timi Nu thotsü huthu peniye ighike kumoe, ikemu huthu niyeke, eno timi kutomo ghenguno pa küxü pesü xakipheme shi tsüniye ighike.”

MATTHEW 26:28

kughengu hi ye timi kutomo xine qhitsü nike peleve keu Iw puloshoqhi ji ke.

John 1:29

Tishiwo thoghiu John no Jisü pa küdau cheghi keu ithulu püzü pi, “Alhouw Ambeti khuu ayeghiqha xine pevetsü keno, julo!

John 1:36

Jisü cheghi keu ithulu no pi, “Julo, Alhouw Ambeti!”

Apostolmi 20:28

Nongu ampi jukütsükiyi lo eno Aghungu Kimthe no nongu pesü khunoqo shou jukükütsümi shive akeno, aloji kümtsü jukuto lo. Alhou kukuhou kheu shilo, ti ye Pa no Pa ji pesü qhüluvae.

Rommi 3:25

Khristo no axine pevekulupu ghakishi shikeu aküpülü lono ikhilu peniye Alhou no Pa pephetsü. Hi ye Alhou chipiu-mikucho piyeni kehue, kughengu Paw kheakulu vecheo Pa no püzüu xineqo juzüve tsüe.

Ephesiami 1:7

Khristo ji vecheo ningu ye pa lau no xachilekulu eno axine qhikütsü ithulu. Paw küpükini ililai akeu kiqi lono

Kolosiami 1:14

Pa launo ningu ye xachilekulu, axine qhikütsü ithulue.

1 Peter 1:2

Apu Alhou kimji lono panongu kishelu keu ye Aghungu vecheo shikimthepe Jisü Khristo lau aghokulu shino Pa ji pesü qhukimthe tsüniye ke: Küpükini eno aloino keu nongu lau küghüsülu apeniu.

1 Peter 3:18

Kughengu Khristo ghi ni xine ghenguno ghuthu lakhi imeve, ningu sasü Alhou lau ighi niye amikuchou no amikucho kumomi ghenguno imeve, ashi küdau ye pithive kemu aghungu lono xüputhuve,

1 John 1:7

Ikemu Pa no aküvü lo ache ketoi ningu ghi aküvü lo cheche aye, ningu ye lakhino lakhi sasü kuposhulu ani eno Pa Nu Jisü ji no axine kümtsü launo ningu shikimthe tsülu ani.

1 John 2:2

Pa no ni ghenguno axine kümllagho shive tsüe, ni ghengu likhi no kumo püzü ayeghiqha kümtsü xine ghengu ghike.

Piyeküsü 1:5

eno pükhükulupu thopiu, akithi lono xüputhu tüghüu, ayeghi lo kükami shou Yepeu, Jisü Khristo launo ighikeu pesü nongu tsü ani. Khuu no ningu kimiye cheni, eno Pa ji vecheo axine lono ningu kuqhophepe

Piyeküsü 14:1

Tithiu I no pishipuwo jukelo Ambeti no Zion naghuto lo puthugho aghi, eno julo, Pa gholo timi khunono akishe lo Ambeti je eno Papu je yepuku püa keno pano lakh lakhi qhethonhe lhobidi bidi aghi.

Piyeküsü 14:5

eno pano ye tichetighepu küha kehu pano kichi lono akimki tsapi chilumoe.

Piyeküsü 5:6

Kükalakhü ngo aküxüküa lhoxüqo dolo eno layemi gholo Ambeti lakhi, ghiqhive ke paphishi, puthugho aghikeu I no ithulu. Ambeti huye akibo tsüni eno anhethi tsüni xapua, tipaqo ye Alhou Ghungu tsüni ayeghiqha kümtsü lo puwu püakeqo ke.

Piyeküsü 5:9

Panongu no ale kithe hitoi phe, “Nono liküküzü kaku ikhilu no michida xükho küzüe, kughengu No ye ghiqhive, eno Nono O ji pesü ashiaye, atsa jeli, timi mqo eno shiye kümtsü xachile sawo Alhou tsü,

Piyeküsü 7:14

I no pi, “Nono ithi anie, akijeu.” Pa no I vilo pi, “Hipaqo ye küsakushu kije hechesü ipeghi luve kemie. Panongu ye Ambeti ji lono panow chijeboike phi ishikimthepe metsüghoi luvae.