1 Peter 1:11 - Sumi Naga CL (Re-edited) Bible (BSI)

¹¹ panongu lolo Khristo Ghungu akeu no Khristo ghime ghili eno tipau shelo ajuküvüpu chekeu pichho tsü kelo ti ye kiu toi kemi eno kiu ghuloki lo kichetsü akeno panongu no phujuke.

BAIBEL (BSI)

¹¹ Khristo Ghungu panoqo lolo akeuno Khristo no aghimeshi ime nikeu eno tipa shelo akimthejukuvupu shinikeu puzuuno asheazushi pikeu huye kiutoi kemi eno kiu tuqhu dolo kichesutsu ani keno panonguno pukaputsa phuphejuke.

Sümi Tiqhelimi Bible

¹¹ Khristo Ghungu pano lolo akeu no Messiah aghime shi ime niye akeu eno tipau thiu ajuküvü ighi niye akeu azünatha ghi pipüa keu ye kiu do eno kiu tüqhüdo lono kichetsü ani keno phuphe niye pükapütsa ke.

1 Peter 1:11 Iomraidhean Croise

BOTHUBO 3:15

Atotiu ngo nokujo dolo eno o nuli ngo li nuli dolo I no kimthikile keu sütsüni; pa no o kütsü chisheda nani, eno nono pa phitsü mighi nani.”

BOTHUBO 49:10

Sükusho süqha Judah lau süghi moke kutolo kükaküsü ye Judah phevemo, momu yepeu küsü ye pa pukhu dolono kühave monani; eno ashiayeqo no pa lau aghokulu shi nani.

ISAIAH 49:6

Pa no pi: “I no O pelo Jacob shiaye xaqhe eno Israelmi püxü püakeqo sachile saghi peniye I qeu shipekeu ye mthülo ke; ikehu I no o pelo shiyeqo lau aküvü ghi shipeni, tishikeu lono Iw xakulupu no ayeghi shekha tolu peni.”

DANIEL 2:44

Eno kükami tipaqo ghuloki lono kungugha Lhou no kükaqha lakhi shiqhe nani, ti ye khilemu kütsave monani momu timi kütami lau phesüve monani. Tino kükaqha hipaqo kümtsü kubopinyive nani eno kishekhave tsü nani, eno ti ye alholo puthugho nani,

ZEKHARIA 13:7

“O azütakikihi, ithu Iw ambekhemi mjochile lo, Timi khuu I shelo puthugho ani keno mjochile lo,” ipi aqokitikhiMPEU no asheshu. “Ambekheu ghiqhilo eno ambeqo ye apanaghave nani; I no itimiqo shou I u süqheni.

ZEKHARIA 14:9

Ampeu no ayeghiqha kümtsü shou akükau shive nani. Tipa tsalani Ampeu ye lakhi eno Pa je ye lakhi shive nani.

MATTHEW 26:24

Kuchoyesü lo pa ghili yepüake toi Timi Nu ye wuve nani, ikemu khuu no Timi Nu thechu keno pa hasapue! Timi tipau ghengu ye punu move keu pavini chekena.”

Luke 24:44

Tishino Pa no panongu vilo pi, “Moses Yezah lono Tungkupmi eno Leshele kutolo I vehu yepüa keu kümtsü shikupuve masae pi I no nongu gholo acheke lono atsa hipaqo nongu vilo pikhavae.”

John 12:41

Isaiah no hipaqo pikeu ye pa no Jisü jekipipu ithulu eno pa ghili pike.

Apostolmi 16:7

Kughou pama no Mysia lughi lo ighi keno, Bithynia lo wuniye shiju, ikemu Jisü Ghungu no pama lakhave.

Rommi 8:9

Tishimu Alhou Ghungu no nongu lolo aghi aye, nonguu ye ashi lono kumono Aghungu lono xücheni. Khukhumu Khristo Ghungu küha keu ye Pa laumi kumoe.

Galatiami 4:6

Nongu ye anuli akehu Alhou no Pa Nu Ghungu ningu mlolo sütsü no, “Abba, Apuo!” ipi ighalupe cheni.

2 Peter 1:21

Kughengu tungkuptsa ye timi gho-apulou lono ighi püamoe, ikemu Aghungu Kimthe vecheo Alhou no tsükeu tsape Paw akimthemi no pikeu ke.

Piyeküsü 19:10

Ikehu I no pa mllani ke pa pukhu philo itsaqi, ikemu pa no pi, “Tishi kevilo! Kughengu no eno o thiküzümi khunoqo Jisü no kuchou shepe shikeu pecheni keno, nongu gholo nighi aqemi lakhike. Alhou mllalo!” Kughengu Jisü no kuchou shepe shikeu pelu kemi no tungkuptsa pikulupu ghungu achenie.