1 Kor. 9:18 - Sumi Naga CL (Re-edited) Bible (BSI)

¹⁸ Tishiaye I jume ye kiu kea? Ti ye kümsa no atsakiviu pesü sheshuni keu, atsakiviu shekushu kümla lo I no ajume ithulu küzüpu shi akeu lumoni keu ke.

BAIBEL (BSI)

¹⁸ Tishiaye ijumeye kiu kya? Hike: ame lumono lokivipu tsa pesu asheshulukeu ke; tiye lokivipu tsa pesu asheshu keu kumlalo ino ajume ithulukuzupu shiakeu lumokeu huke.

Sümi Tiqhelimi Bible

¹⁸ Tishiaye iw qesaxu ye kiu kea? Hipau ke: Ni ye ame lumo no kümsá no atsakiviu kütsü nikeu ke, eno tisheno ni ye atsakiviu kükütsümi lakhi shiaghi namu I chipiu kuchopu peithamo niye ke.

1 Kor. 9:18 Iomraidhean Croise

John 4:36

Ghile kuhuu ye ajume ithulu ayae eno lhokta küxü ghenguno athi pekütsü ani, tishianguno apiti kiveu ngo ghile kuhuu pamagha alovi küqha niye ke.

Apostolmi 18:3

eno pa ghi pama toi aphiki lhikishi lo akehu, panongu kümtsa ngono kilhisho shiuve.

Rommi 14:15

Kughengu nono kiuala chukeu lono o thiküzümi mlo kütakihive tsü aye, no ye kikimiye lono cheche movae. Nono chuche keu huno khumu kütsave kevilo, kughengu Khristo ye pa ghenguno thive ke.

1 Kor. 10:33

ni ghi I no mlakeu thokha lo kümtsü pulou shinike pükapütsa cheni, ni ye I kivipu phumo no kutomo kivipu phu acheni, tishikeu lono panongu xalu niye ke.

1 Kor. 3:8

Abo shosü keu ngo azü pusü keu pama gha athoe, pütüta no mlasü keu kiqi lono ajume ithulu nani.

1 Kor. 7:31

eno ayeghiqha peitha akemi no kiumu kütshükime küha ketoi lo. Kughengu itehi akeu yeghiqha kogheküghü ye küha wocheae.

1 Kor. 8:9

Ikemu nongu chipiu hipau no aküpülü lo miqemlei kemi pukhu küpsüpu shi nosake kutokupuilo.

1 Kor. 9:12

Kütami no nongu launo hipa chipiu pükha aghi aye, ningu ye tinguno alau aküzüpu kekumo? Ikeghi ningu ye achipiu hipau peitha jumphi, eno Khristo tsakiviu laghi lo lakükhapu qhitsüni ke züqhulo ningu no thokha puqhe luve cheni.

1 Kor. 9:15

Ikemu ni ye achipiu hipaqo peitha jumphie, tike kumono ni ye ithulu küzüpu hipaqo pükha niye anike kumoe. Kughengu ni ye thive keumu pavi thono khuu pelomu I kijivilelu chekeu hipau I launo süwuve tsüpemo nani.

1 Kor. 9:17

Tsala I no I pulou lono hi shiaghi aye, I sala ajume anani, ikemu I pulou lono shiaghimo aye, ni ye I pichebe kümla shiani.

2 Kor. 4:5

Kughengu ningu ye ningu ampi sheshu chenike kumoe ikemu Jisü Khristo ye Ampeu kepi sheshu cheni eno Jisü ghenguno nongu qemi shi acheni.

1 Thes. 2:6

Momu nongu launo na kütami launo namu ningu ye timi launo ajekipi phumoe, monimo aye ningu ye Khristow apostolmi kehu nongu shou aküka ake.