1 Kor. 8:7 - Sumi Naga CL (Re-edited) Bible (BSI)

⁷ Tishimu, kümtsü no hipau kighithi kühae. Ikemu khami ye inahuu ajulho sasü kütshükime chekeu lono ajulho mllakeu chuqupu chuve no panow kiviküsa lotsü miqemleipe kitiqeve cheni.

BAIBEL (BSI)

⁷ Tishiepimu, timi kumtsuno akighithi hipau ithiamoe. Ikemu khamiye ishikutolo Alhou nguno ajulho kutau mllakeu gholo aheluqhuve kehu achuqupu chukelo Alhou nguno ajulho kutau mllavekeu chuqupu kepi kumsu acheni; panongu kivikusa lokutsuye mutomo kehu achuqupu huno panongu kitiqevea kepi amlo susu shive cheni.

Sümi Tiqhelimi Bible

⁷ Ikemu timi kümtsü no hipau ithi anike kumoe. Timi khami ye itehi kutólo ajulho lhou lau mülá keu lhoaye peitha acheni kehu kughou panongu no aghakishi shive keu chuqu chuni keno panongu no tiye alhou lau aghakishi shive akeu toi kümsüve cheni, eno panongu lolo kighithi ye miqemilei ke ghenguno tiye kitiqevae.

1 Kor. 8:7 Iomraidhean Croise

Apostolmi 15:20

Ikemu panongu lau yesü yepuwu no ajulho kümlla chuqupu, asalha, tshükiqhi lhoxü, eno aji mithekumo hipaqo lono putosüve pe kepue.

Rommi 14:14

I no Ampeu Jisü laumi shino ithitoi luve ake kiumu pakutoshi no mithemo keu ye kumoe, ikemu khuana no mithekumo kepi kümsüve aye pa ghenguno ti ye mithe movae.

Rommi 15:14

I thiküzümiqo, ni ampi no nongu ye akivi no chhitoi, akighithi no qochili, eno lakhino lakhi qophelu nanie pi chilu kelo nongu ghenguno aghakiqishi ani.

1 Kor. 10:25

Ashi kije-a lo kiu je aghini keno kiviküsa lotsü ghüza monike kiumu iniju kevino kiu kiumu chulo.

1 Kor. 8:1

Itehi ye ajulho mllavekeu chuqupu vehulo: “ningu kümtsü no akighithi ani” ipi ningu no ithi ani. Hitoi keu kighithi ye timi pelo qhezauve chenipe, ikemu kikimiye no shiqhe pukulu cheni.

1 Kor. 8:4

Ikehu, achuqupu pesü ajulho mllakeu tsa loye, ningu no ithi anike “ajulho ye kuchocho aküxü anike kumoe,” eno “Alhou ye lakhi likhi ani.”

1 Thes. 5:14

Athiküzümiqo, nino nongu hakite ani, akipichimi lomipi lo, amlo kulotimi shikumto lo, miqemlei kemi kuphulo, panongu kümtsü lau kutuu kulu shilo.