1 Kor. 8:6 - Sumi Naga CL (Re-edited) Bible (BSI)

⁶ ikeghi ningu ghenguno Alhou ye lakhi likhi, Pa ye Apu, thokha Pa launo ighi eno Pa ghenguno ningu ye xüani, eno Ampeu lakhi likhi, Pa ye Jisü Khristo, Pa vecheo thokha ani eno Pa vecheo ningu ye xüani.

BAIBEL (BSI)

⁶ tishimu ningu ghenguye Alhou lakhi likhi ani, paye Apu ke, thwokha pa launo ighi eno pa ghenguno ninguye xuaghiluke; eno Ampeu lakhi likhi akeuye Jisu Khristo ke, pa vechewo thwokha ighi eno pa ghenguno ninguye xuaghiluke.

Sümi Tiqhelimi Bible

⁶ ningu ghengu ye Alhou lakhi likhi ani, pa ye Apù ke eno pa vechewo thowkha kümtsü ighi eno ningu ye pa ghenguno xü acheni ke; eno Ampeu lakhi likhi ani, tiye Jisü Khristo ke, pa vechewo thime kümtsü ighi eno ningu ye pa ghenguno xü acheni.

1 Kor. 8:6 Iomraidhean Croise

ISAIAH 46:9

khaghi ghili kümsülu lo; kughengu Ni ye Alhou, eno kütami khumu kühae; Ni ye Alhou, I toike kütami khumu kühae.

JEREMIYA 10:6

O Ampeu, O toike kühae; No ye kije, O je ye aküka kije ke.

JEREMIYA 10:7

O shiyeqo Kükau, khuu no O msa moni kea? agigihu ye O tsüküzüe; shiyeqo gholo alokütsümi dolo eno pano kükaqha kümtsü lo O toike khumu kühae.

JONAH 1:9

Pa no pi, “Ni ye Hebrewmi lakhi, eno Ampeu, Khuu azüghi eno qhaike yeghi lhophe keno, kungugha Lhou hu sümsa chekemi.”

MALAKI 2:10

Ningu kümtsü Apu lakhi anike kumo? Alhou lakhi no ningu lhophe kekumo keshea? Imaye kushiye ningu ye lakhi no lakhi pükhübemla no ningu puasüqow puloshoqhi shipüthave kea?

MATTHEW 11:27

I pu no thime hi kümtsü pesü I lau kuchoqhive tsüae, Apu likhino kumo aye khunomu Anu mthae, tihutoi Anu eno pa gholo khukhumu pa no Apu ithi penike kishephe keu no kumo aye khunomu Apu mthae.

MATTHEW 28:18

Jisü no kupunu ighi no panoqo vilo pi, “Kungugha lo ngo ayeghi lo kükagha kümtsü I tsüvae.

John 1:10

Pa ye ayeghi lo ae, eno ayeghiqha ye Pa vecheo lhoke, ikeghi ayeghi lomi no Pa ithimoe.

John 1:3

Pa vecheo thokha lho eno Pa sümo keloye kiumu lho püamoe.

John 10:30

Ni eno Apu ye lakhie.”

John 13:13

Nongu no I vilo Shikükau eno Ampeu ipi kucheni, eno ti ye achipi, kughengu ni ye tihuke.

John 14:20

Tipa tsalani I no I Pu lolo akeu, nongu no I lolo akeu eno I no nongu lolo akeu nongu no ithi nani.

John 17:3

Lhokta küxü ye hike: panongu no kuchou Lhou O likhi akeu ithi, eno Nono puwukeu Jisü ithikeu noke.

John 20:17

Jisü no li vilo pi, “I bu kevilo kughengu ni ye Apu lau iku mphie. Ikemu I thiküzümi lau wuno panoqo vilo pilo, ‘Ni ye I Pu eno nongu Papu lau, I Lhou eno nongu Lhou lau iku cheae.’”

Apostolmi 17:28

kughengu “‘Pa gholono ningu ye xülu, ithalu eno ampi anie’; nonguw leshe kiyemi khami ghi pi püani, “‘Kughengu ningu ye Pa tikughukomi ke.’

Apostolmi 2:36

Tighenguno Israel kibolomi kümtsü no mtsüqhei ithilo, Jisü khuu nongu no yedave keno, Alhou no pa pesü Ampeu eno Khristo kinikujo shive tsüae.”

Apostolmi 5:31

Alhou no pa pesü Sakipheu eno Xakuluu shi Pa u ajeu süqhepe qhino Israelmi pelo xaidelu no axine qhikütsü ithulu peniye ke.

Rommi 11:36

Kughengu thokha kümtsü Pa launo eno Pa vecheo ighi, eno Pa lau anie. Pülhapuju Pa lau akimthe jekipi apelo, Amen.

1 Kor. 1:2

Corinth lo Alhou kukuhou, Khristo Jisü launo shikimtheve kemi, aqha kümtsü lo ni Mpeu Jisü Khristo jeku chekemi gholo süküqha no küpülümi shipenike kuluve keqo lau ye ani:

1 Kor. 12:3

Tighenguno ni ye nongu pelo ithi penishi ani, Alhou Ghungu lono atsa pi kemi khunomu, “Jisü ye müsüinivae!” ipi chemoe eno khunomu Aghungu Kimthe no sachemo aye, “Jisü ye Ampeu” ipi mlae.

1 Kor. 6:13

“Achuqupu ye akive ghenguno eno akive ye achuqupu ghenguno ke”—ikemu Alhou no tiküma gha kütsave nani. Aphimpi ye kipti-toti dolo mithekumo ghenguno kumoe, ikemu Ampeu ghenguno, eno Ampeu ye aphimpi ghenguno ke.

1 Kor. 8:4

Ikehu, achuqupu pesü ajulho mllakeu tsa loye, ningu no ithi anike “ajulho ye kuchocho aküxü anike kumoe,” eno “Alhou ye lakhi likhi ani.”

Ephesiami 1:3

Ni Mpeu Jisü Khristo papu Alhou, khuu no kungugha kiqhe-a lono aghungu lo kükümgha kümtsü pesü Khristo küdau no ningu kümghatsü keno, sheqhe küzüe,

Ephesiami 3:14

Akiqi hipau ghenguno ni ye Apu zülo qhoqhünhe cheni,

ZAKINIU 4:35

Nongu lau hi piye keu ye, nongu pelo Ampeu ye Alhou kepi ithi peniye ke; Pa nguno kütami ye khumu kühae.

ZAKINIU 4:39

Tighenguno ishi tsala lo hi ithi no nongu mlo lo qhilulo, Ampeu ye kungugha lo eno ayeghi lo Alhou ke; kütami khumu kühae.

ZAKINIU 6:4

“O Israel, hi inilo: Ampeu ni Lhou likhi no Alhou ke!

Kolosiami 1:6

Atsakiviu khikhi nongu lau ighive akeno, nongu no ti chilu no kuchou lono Alhouw küpükini vethalu keu tsala lono athi pithi eno ikowo aketoi ayeghiqha kümtsü lo tishi ani.

1 Peter 1:21

Pa vecheo nongu no Alhou Khuu akithi lono Khristo xüputhupe ajekipi Pa tsü keno, Pa lau pülübe cheni, tishianguno nongu küpülü eno lajupu ye Alhou lau apeniye ke.

Piyeküsü 1:18

eno Xüküau huke. Ni ye thive kemu itehi ye alholo xüauvae. Akithi ngo Kithigha khaqhiyi ye I u lo ani.