1 Kor. 7:22 - Sumi Naga CL (Re-edited) Bible (BSI)

²² Kughengu khuu aqüaxemi shiake lono Ampeu lau kulu keno, pa ye Ampeu no kuqhopheve kemiae. Titoi khuu no kuqhophe keu lo ake lono kulu keno pa ye Khristo qüaxemi shivae.

BAIBEL (BSI)

²² Kughengu aqemi khuu Ampeu no kuluve akeno paye Ampeu no khaqhipheve kemi ake; tihutoi timi khuu pa kulu kelo paye khaqhiphevekemi shiakeno itehiye Khristo qemi ake.

Sümi Tiqhelimi Bible

²² Kughengu timi khuu no Ampeu küpülü lo kulù kelo aqüaxemi shi ache keno pa ye Ampeu’w kuqhopheve kemi ake; tihutoi, timi khuu no kughou Ampeu no kulù kelo kuqhopheve no akeno pa ye Khristo qüaxemi ake.

1 Kor. 7:22 Iomraidhean Croise

LESHELE 116:16

O Ampeu; ni ye o qeu; ni ye O qeu, O qeliu nu huke. Nono akütsügha lono I kuqhophe tsüke.

Rommi 1:1

Paul, Khristo Jisü qüaxeu, apostolmi shi peniye kulu, eno Alhou tsakiviu ghenguno kishe kütüta shive keu no ye ani.

1 Kor. 7:21

O kulu kelo no ye aqüaxemi shiche keshea? Amlosa kevilo. (Ikemu o khaqhiphe kepu do sholu aye adokivi lulo).

1 Kor. 9:19

Kughengu ni ye khuu qeumu kumo kemu I no ni ampi pesü kümtsü qeu shivae, tishikeu lono Khristo lau timi alau saghi luniye ke.

1 Kor. 9:21

Ayezah nguno khalau akemi saghi lunike ni ye Ayezah nguno khalau akemi gholo ye panoqo toi xüke (kuchou lo ni ye Alhou yezah nguno khalau kumono Khristo yezah qholo xükemi).

Galatiami 1:10

Ishi pi kelo ni ye timi momu Alhou launo akishekütsü laju ani keshea? Momu timi mlokiqi shinike pükapütsa ani keshea? Itehi kutolo I no timi mlokiqipu shinishi aghi aye ni ye Khristo qeu kumovae.

Galatiami 5:1

Khristo no ningu pesü ililai keu lo kuqho phevae. Ikehu mtotoi puthugho lo, eno itaghi aqüaxemi kuokhasü xapu kithe kevilo.

Galatiami 5:13

Kughengu athiküzümiqo, nongu ye kuqhopheve keu küxü lo kuluvae. Ikemu nongu no ililaive keu dokivi pesü ashi pulou shi kevilo, ikemu kikimiye lono lakhino lakhi huthu kilelo.

Kolosiami 4:12

Ampeu Jisü Khristo qeu Epaphras, nongu gholo lakhi huno petha nongu tsü ani, pa kighini lo alhokuthu nongu ghenguno kükhakulu acheni, tishianguno nongu pelo Alhou pulou kümtsü lo tekhoi eno thebeilu peniye ke.

Philemon 1:16

ti ye aqüaxemi gholau no kumoe, ikemu aqüaxemi nguno alau qhuivü keu thiküzüu toilu peniye ke. Pa ye ashi lo eno Ampeu küdau ghi I qhuu ke, ikemu tinguno alauno o qhuu ke.

1 Peter 2:16

Kuqhopheve kemi toi xülo, ikemu Alhou qemi toi xüni thono ililaive keu pepimi pe alhoksa shi kevilo.

2 Peter 1:1

Jisü Khristo qeu eno apostol, Simeon Peter no, Ni Lhou eno ni Xakuluu Jisü Khristo mikucho lono khunono ni sasü kümghülu ghi aküpülü ye ithuluve akeno panoqo lau ye ani:

Jude 1:1

Jisü Khristo qeu eno James thiküzüu Jude, Alhou no kuluve kemi, Apu Alhouw kikimiye lo akemi, eno Jisü Khristo ghenguno süsho püakemi lau yelu ani: