1 Kor. 4:5 - Sumi Naga CL (Re-edited) Bible (BSI)

⁵ Tighenguno ado tomphi züuno eno Ampeu no ighi mphi lono küghathabe kevilo. Pa no aküzü lo küsü püakeqo aküvü lo süipeghi nani eno amlo lo kümsüpu akeu lhaphe piye nani. Tileno pütüta müzülo Alhou launo sheqhe kepu ithulu nani.

BAIBEL (BSI)

⁵ Tighenguno kophepuakeu-do ighimphi loye eno Ampeu no ighimphi kutolo khuu shoumu kughathabe kevilo. Itehiye thime khijehi kusupuani keno Ampeu no akuvulo ikhiphe saghi nani eno amlolo tuqhouno kumsupu akeu kumtsu pano lhaphe piye nani. Tileno timi kumtsu pututa shelo pa sheqhe kepu aghikeu Alhou launo ithulu nani.

Sümi Tiqhelimi Bible

⁵ Tighenguno kughupüa keu do tomphi züu ye kiumu küghathabe kevilo; Ampeu no ighimo ke kutólo khe aghílo. Pa no àküzǘ lo kiu küsüpüani eno amlo lo kiu kümsüpù ani keno kümtsü aküvü lo pekiphe shive tsü nani. Tipau dolo no kümtsü Alhou lau no akishé ithulu nani.

1 Kor. 4:5 Iomraidhean Croise

JOB 12:22

Pa no aküzü lono thonhei keu vehu lhaphetsü cheni eno aküzü kutho pesü aküvü lo saipeghi cheni.

AHOLE 12:8

Milakhi no akükümsü kivi akeu vecheo akishe ithulu cheni, ikemu ihoghülai keu mlo xapu chekemi ye thogha cheni.

YETSAPIU 11:9

O lhothemi, o lhothe lono alovi alo, o lhothe tsala lo o mlo no o lopivitsü apelo. O mlo eno o nhethi no o sache pelo. Ikemu hi kümtsü pesü Alhou no o shou küghathabe nani kepi ithilo.

YETSAPIU 12:14

Kughengu akivi na aküsa namu timi kümla kümtsü, tuqhou no mla püakeqo ghi, Alhou no küghakütha lo süghi nani.

JEREMIYA 16:17

Kughengu I nhethi no pano laghi kümtsü shou ani. Panongu ye I launo itshüve mlae, momu pano xine ye I launo küsüve mlae.

JEREMIYA 23:25

Tungkupmi no I je lono akimki tungkuptsa ishi pikeu I no chiluvae, ‘I no asamo pumova, I no asamo pumova!’

HOSIYA 8:13

Aghashipe I mlla kelo panoqo no ashi pesü tsüno ti chucheni, ikemu Ampeu ye tipaqo ikhilutsü chemoe. Itehi ye Pa no panoqo xine kümsüchilelu no tipau ghenguno ghime nani; panoqo ye Egypt lo idewove nani.

MALAKI 3:18

Tishino achipiu mikuchou ngo küsaküghau dolo, eno I qe chekeu ngo qe chemo keu dolo kiyeqü akeu nongu no ithulu nani.

MATTHEW 10:26

“Ikehu panoqo msa kevilo, kughengu thime lakhimu pephe mono nhave keu shimo nani, momu ithi pemono küsüve keu shimo nani.

MATTHEW 24:30

Tileno Timi Nu michipu atsütsü lo ipeghi nani, ayeghi lo ashiaye kümtsü no mloqa nani, eno Timi Nu no khüngküsü lo aküka eno ajuküvü kije lono chekeu timiqo no ithulu nani.

MATTHEW 24:46

Aqeu no tishi mla akelono pa mpeu no aki lo ighi püzü ithulu aye pa kümghapue.

MATTHEW 25:21

Pa mpeu no pi, ‘Aghile shivae, akivi eno pükhübekulu qeu; no ye kitila lomu pükhübekulu shike I no o pelo kutomo shou ampeu shipeni. O mpeu lokivi gholo sülo.’

MATTHEW 25:23

Pa mpeu no pi, ‘Aghile shivae, akivi eno pükhübekulu qeu; no ye kitila lomu pükhübekulu shike I no o pelo kutomo shou ampeu shipeni. O mpeu lokivi gholo sülo.’

Luke 6:37

“Küghathabe kevilo, eno o shou küghathabe monani; akipimi phu kevilo, eno o kipimi phutsü monani; akipimi peve tsülo, eno o kipimi pevetsü nani;

John 21:22

Jisü no pa khochile, “I no ighi moke kutolo pa pelo aghipe namu no ye kiu pikepu ani kea? No ye I papelo!”

John 21:23

Ikehu akhopeu hipau ye thini chemoe pikeu tsa no athiküzümi gholo veküpha wove; Jisü ye, pa ye thimo nani kepi pa vilo pimoe, ikemu, “I no ighi moke kutolo pa pelo aghipe namu no ye kiu pikepu ani kea?” ipike.

John 5:44

Nongu no lakhino lakhi launo akishe kütsü lucheni, ikemu Alhou khuu Pa likhi keno, Pa launo ighikeu shekiqhe ye phumoke kishino pülü luni kea?

Rommi 14:4

No ye khuue pi kütami qeu shou küghathabeni kea? Pa no achipishi aghina monamu pa mpeu likhino pi nani. Eno pa ye Ampeu no kuphutsü keu lono puthugholu nani.

Rommi 2:1

Tighenguno O timio, no khuu kütami shou küghathabe cheni keno, no ye ajeku kiumu kühavae. Kughengu no küghaküthau huno panoqo toi shicheni püzü itaghi küghathabe aye, o likhi o peve auvae.

Rommi 2:16

I no atsakiviu pikülha chekeu kiqilo, kughou Alhou no Khristo Jisü vecheo timiw tuqhou jeli shou küghathabeni keno, tipa tsala lo hitoi shi nani.

Rommi 2:29

Ikemu Jewmi kuchou ye alou noe, eno aphighüyiko kügha ye Aghungu vecheo amlo lo shikeu thono pimheye lono kumoe. Hitoi kemi ye timi launo kumono Alhou launo shekiqhe ithulu cheni.

Rommi 2:7

khunono kheakulu shi akivi kümla shikeu lono shekiqhe, agigihu, eno thimoni keu küxü phucheni keno, Alhou no lhokta küxü pesü panongu tsü nani;

1 Kor. 1:7

tishianguno ni Mpeu Jisü Khristo pephe piyeni keu khe akelo, nongu ye aghungulo gho kiumu mikheve amoe.

1 Kor. 11:16

Khuana no hipa vehulo kütsala kepu aghimu, ningu na Alhou kukuhouqo namu hitoi keu shichemoe.

1 Kor. 11:26

Kughengu nongu no khijehi asho hipau chu eno ajukhu ikhiluni keno, tijehi Ampeu ighi moke kutolo nongu ye Pa kithi pikülhatsü anike.

1 Kor. 15:23

Ikemu hipau kikithi lono shinani: Khristo no amsüu xathi, tithiu Pa ikighi lono Pa lau akeqo xüputhu nani.

1 Kor. 3:13

pütüta kümla pephe piye nani, kughengu Atsala huno aküvü lo pephe nani, eno milakhikhi no kiutoi keu kümla mla püaghini keno ami no pitiju nani.

1 Kor. 3:14

Khuno kümla aboqha shou shipuku püakeu no pitipüha mlani keno pa ye asaxü ithulu nani.

1 Kor. 3:8

Abo shosü keu ngo azü pusü keu pama gha athoe, pütüta no mlasü keu kiqi lono ajume ithulu nani.

2 Kor. 10:18

Kughengu khuu no pa ampi sheqheni keno, pa no achipiu ke kumoe, ikemu Ampeu no khuu sheqheni keno, pau noke.

2 Kor. 10:9

Ni ye Iw yesü pesü nongu shikümsave penishi amoe.

2 Kor. 4:2

Ikemu ningu ye tuqho-tugho eno akukujopu kümla qhikhavae. Ningu ye mqümgha momu Alhou tsa süchighive chemo, ikemu pekiphe shi kuchou ghili pikeu vecheo ningu ye Alhou zülo ningu ampi pesü timiqo kiviküsa lokütsü zülo ikhiphetsü acheni.

2 Kor. 5:10

Kughengu ningu kümtsü Khristow küghakütha zülo puthugho masa nani, eno akivi na alhoksa namu pütüta no kiu mla püani keno tipau kiqi lono asaje ithulu nani.

1 Thes. 5:2

Kughengu Ampeu tsala ye putho lo küpkami lakhi toi ighini keu nongu ampi no tsaqüi ithi ani.

IBRIMI 4:13

Alhou no lhosü keu kiumu pesü küsüve mlae, ikemu ningu no khuu lau kihikülai tsümasa nani keno, Pa nhethe loye kümtsü lhaphepe eno pekipheshi ani.

James 4:11

Athiküzümiqo, lakhi no lakhi lau alhoksa pi kevilo. Athiküzümi lau alhoksa pi momu küghathabe kemi ye ayezah shou alhoksa pi ani eno ayezah shou küghathabe ani. Nono Ayezah shou küghathabe aye, no ye ayezah pelu kemi kumono küghaküthau shi auvae.

James 5:7

Ikehu athiküzümiqo, Ampeu ighi moke kutolo kheakulu shilo. Alukichimi no kishi alu lo akughupu xathi ipeghi peniye tsütsüghu atüghüu ngo ashekhau ithumlake kutolo kheakulu shicheni keno ithilo.

James 5:9

Athiküzümiqo, nongu shou küghathabe pemo nike lakhi no lakhi shou muchho kevilo; julo, Küghaküthau ye ahukikha lo puthugho ani.

1 Peter 1:7

tishianguno nongu küpülü ye ghukimthepe athicho shilu peniye ke. Ameshoyi ye ami lono piti kimthe anamu pühave cheni, ikemu nongu küpülü ye ameshoyi nguno amekushou kehu Jisü Khristo pephe piye kelo shekiqhe, ajuküvü eno agigihu ithulu kepu shimasae.

1 Peter 5:4

Eno kughou Ambe Khetou ipeghini keno, nongu no aju idimo keu juküvüpu kütsükuqho ithulu nani.

2 Peter 3:12

Alhou Tsala khe akelo eno mtazü ighive penishi akelo, nongu ye Pa zülo mqhamqhiyi eno tukutiye kühano xümasae, kughengu tipa tsala lo atsütsü ye pitive nani eno tile akeqo ye ami no piti kümlave nani!

2 Peter 3:4

Panongu no pi nani, “Pa ighi nanie piche keu shoqhi ye khilave akea? Kughengu apuasüqo no thive kelono ishi kutolo thokha kümtsü pulhoküsü lono acheghi keu atho aphie.”

Jude 1:14

Hipaqo ghenguno itaghi Adam lono tiqheli akütsüniu lo Enoch no tungkuptsa ishi pike, “Julo, Ampeu no Paw akimthemi qhethonhe chighi sasü cheni,

Piyeküsü 1:7

Julo, Pa ye khüngküsü lono cheni, Pa qhuqhi kemiu ghi süno kümtsü nhethi lono Pa ithulu nani; eno ayeghi lo ashiaye jeli kümtsü no Pa ithulupe ighaqa nani. Tishi peniu, Amen.

Piyeküsü 20:12

Kükalakhü zülo kakuqo lhaphe püaghi, eno kithimi, kijemi, kitilami kümtsü puthugho aghi keu I no ithulu. Kaku kütau khikhi aküxüpu kaku keno tighi lhaphe püa, eno kithimi ye pano no kiu mla püa keno kakuqo lo yepüa keu kiqi lono pano shou küghathabe tsü.