1 Kor. 4:17 - Sumi Naga CL (Re-edited) Bible (BSI)

¹⁷ Hi ghenguno I no Ampeu küdau no pükhükulupu nu, I qhuu Timothy nongu lau puwu ani, ti ye I no Khristo gholo cheche keu pesü akuaqha lo akukuhou kümtsü lau shika cheke toi nongu kütü peniye ke.

BAIBEL (BSI)

¹⁷ Hipau ghenguno niye nongu lau Timothi puwu ani. Ampeu gholo xukuqha pesu akeulo paye ino pukhubekulu eno ino kimiye chekeu nuke. Khristo gholo xukuqhape akeulo ino pepimhechekeu, khipaqo pesu ino aqha kukuhou kumtsu lau shika cheni keno pano tipaqo pesu nongu vilo pithikithe tsu nani.

Sümi Tiqhelimi Bible

¹⁷ Hi ghenguno I no Khristo lono kimiye chekeu eno pülübe chekeu I nu Timothy nongu lau puwuva ke. Pa no nongu vilo I no Khristo Jisü pape ghi xü chekeu ghola nongu vilo pikithe nani. Tino aqha kuchopu lo eno akukuhou kümtsü lo I no kiu kütsü cheni keno tipau gholo kimshilu nani.

1 Kor. 4:17 Iomraidhean Croise

AHOLE 13:17

Kixikila ghinimi ye aküküpna lo ikiqi ilove cheni, ikemu pükhükulumi no shikipivi süghi cheni.

AKIKIHI 12:7

Ikemu I qeu Moses lau ye tishimoe. Pa ye pükhübekulupu shi Iw timi kümtsü jukuto cheni.

MATTHEW 24:45

“Tishiaye, khuu no pükhübekulu eno alokütsü qeu kea? Pa mpeu no pa pelo ado achipi lono aqemi kütami peitha eno achuqupu tsü penike akibo kulhuqhipe tsüve keu huke.

MATTHEW 25:21

Pa mpeu no pi, ‘Aghile shivae, akivi eno pükhübekulu qeu; no ye kitila lomu pükhübekulu shike I no o pelo kutomo shou ampeu shipeni. O mpeu lokivi gholo sülo.’

MATTHEW 25:23

Pa mpeu no pi, ‘Aghile shivae, akivi eno pükhübekulu qeu; no ye kitila lomu pükhübekulu shike I no o pelo kutomo shou ampeu shipeni. O mpeu lokivi gholo sülo.’

Apostolmi 16:1

Paul no Derbe ngo Lystra lo ghi ighi. Akhopemi lakhi, Timothy ipikeu, aza no Jewmi küpülümi eno apu no Greekmi, tile aghi.

1 Kor. 11:16

Khuana no hipa vehulo kütsala kepu aghimu, ningu na Alhou kukuhouqo namu hitoi keu shichemoe.

1 Kor. 11:2

Ni ye nongu akishe tsü ani, kughengu nongu no thokha lo I kümsülu eno I no nongu lau pekiye tsükeu khuaye papelu ke.

1 Kor. 11:34

khuana no müzüthi aghi aye, pa ye aki lono chuvelo—tishianguno nongu no kumqo kelo nongu shou küghathabe monani. Kütau vehuqo ye I no ighi kelono kiche tsüni.

1 Kor. 14:33

Kughengu Alhou ye kübangü keu Lhou kumono iqüghai keu Lhou ke. Eno Alhou kukuhou kümtsü lo

1 Kor. 16:1

Itehi ye küpülümi ghenguno asüqha vehulo: Galatia kukuhouqo lau I no kichetsü ketoi nongu ghi tishi masae.

1 Kor. 16:10

Kughou Timothy ighini keno, pa pelo nongu gholo ighümo no ngolu pelo, kughengu pa ghi I toi Ampeu kümla shiani.

1 Kor. 4:14

Ni ye nongu shikujo niye hipau yepuwu amoe, ikemu I qhuu I tianuli kiqishi nongu hakutho tsüniye ke.

1 Kor. 4:15

Kughengu nongu no Khristo küdau no lapiyemi kihikhakümla aghimu nongu ye apu kutomo kühae. Kughengu atsakiviu vecheo I no Khristo küdau no nongu papu shilue.

1 Kor. 4:2

Eno jukükütsümi ye pükhükulumi shimasae.

1 Kor. 7:17

Ampeu no pichebe keu kiqi lono eno Alhou no kiu lo kuluve akeno milakhi khino tipau kiqi lono xülo. Akukuhou kümtsü lo hi ye I khuaye ke.

1 Kor. 7:25

Itehi ye külau mono akemi ghenguno, ni ye Ampeu launo tsükeu za kühae, ikemu Ampeuw kimiyekini vecheo pükhübekulu shiaghi kehu I no Iw xakütha tsü ani.

2 Kor. 8:18

Pa gholono athiküzüu khuu atsakiviu pikülhake ghenguno akukuhou kümtsü lo ajekipi shi acheni keno ningu no pa puwu ani.

Ephesiami 6:21

Nongu ghi ni ye kishi ani eno kiu shi ani keno ithi penike kimiye chekeu athiküzüu eno Ampeu kümla lo pükhübekuluu Tychicus no thokha nongu vilo pi nani.

FILIPIAMI 2:19

Ni ye kighithe nongu lau Timothy puwuni ke Ampeu Jisü lau lajube ani, tishianguno ni ghi nongu sütsa chilu kelo I hupite luni.

FILIPIAMI 2:22

Ikemu nongu no Timothy philo akeu meküa ithi ani, kishi anu no apu sasü mla cheni keno, pa no titoi atsakiviu kümlapu lo I gholono hukuthu kümla shi ighike.

Kolosiami 1:7

Nongu no ni qhuu aküsau eno aqeu Epaphras launo ti shikalu ke. Pa ye nongu züqhushi Khristow pükhükulupu qemi

Kolosiami 4:9

eno pükhükuluu ni thiküzüu Onesimus, khuu nongu gholo lakhi keno, pa gholo puwu ani. Pama no hilau kiu shive akeno nongu vilo thokha pi nani.

1 Tim. 1:18

I nu Timothy, inahuu tungkuptsa no o miji no pi püakeu kiqi lono I no hipau za o tsüani, tishikeu lono o pelo akivishi aghüshi,

1 Tim. 1:2

Aküpülü lono I nu kuchou Timothy lau ye ani. Apu Alhou eno ni Mpeu Khristo Jisü launo ighi keu küpükini, kimiyekini eno aloinokeu tsü ani.

2 Tim. 1:2

I qhuu, anu Timothy lau ye ani. Apu Alhou eno ni Mpeu Khristo Jisü launo küpükini, kimiyekini, eno aloinokeu tsü ani.

2 Tim. 2:2

eno thopimi kutomo küa lono I no pikeu, nono chilu püakeu tsaqo pesü pükhükulumi khunono kütami shikalu nani keno, tipaqo pichebe lo.

2 Tim. 3:10

Ikemu no ye hipaqo lo I pape luvae: Iw shiküka, ghushoghili, I küxü kimji, I küpülü, Iw kutuukulu, I kikimiye, I no ithamo keu,

Titus 1:5

I no Crete lo o qhive keu ye hipau kimji lono ke, o pelo kiu shikha move keno kithikiyi shive tsüno mishiphu kümtsü lo I no azah o tsüke toi kichimi süsü peniye ke.

Piyeküsü 2:10

Nono kiu ghime sholu niye ani keno msa kevilo. Julo, nongu gholo khami ye tüghami no pejuni ye akughuki lo süveni ke kuto ani, eno atsala chighi kutolo nongu ye küsakushu shinani. Akithi kutolo pükhü kulupu shilo, eno I no aküxüpu kütsükuqho pesü o tsünani.

Piyeküsü 2:13

“‘Nono khile acheni keno ti ye Satan kükalakhü kepi I no ithi ani. Tishimu nono kuchou shi I je tsüqüpe puthugho ke, eno I shepekishiu, pükhü kulupu Antipas khuu nongu gholono sawo Satan no achekeu-a lono ghiqhive tsü keno, tipa ghuloki lo pinamu no ye I shou pükhübe chekeu phevemo ke.