1 Kor. 4:10 - Sumi Naga CL (Re-edited) Bible (BSI)

¹⁰ Ningu ye Khristo ghenguno mbomzümi, ikemu nongu ye Khristo lau kimelu keu lono alokütsümi. Ningu ye miqemlei kemi, ikemu nongu ye akumtomi. Nongu ye agigihupu ithulu cheni, ikemu ningu ye tichetighemi ke.

BAIBEL (BSI)

¹⁰ Khristo gholo xuniaye ninguye mbomzumi ke ikemu nonguye Khristo gholo xuakeu lono alokutsumi ke. Ninguye tomo-chhimo kemi ikemu nonguye mtotoikemi ke. Nonguye kutamino qhoqhu gihuke ikemu ninguye thaighake!

Sümi Tiqhelimi Bible

¹⁰ Ningu ye Khristo ghenguno anikhami ke, ikemu nongu ye Khristo lono shishe alokütsümi ke! Ningu ye miqemilei kemi ke, ikemu nongu ye akumtomi ke! Nongu ye qhoqhü-gihu ke, ikemu ningu ye thaigha ke!

1 Kor. 4:10 Iomraidhean Croise

KUKAMI AKINIU 9:11

Kughou Jehu no pa mpeu qemi lau ipeghi keno, panongu no pa vilo pi, “Thokha achipi shi anima? Hi anikhau ye kushiye o lau ighi kea?” Pa no pi, “Nongu no timi eno pa tsapi ithi ani.”

AHOLE 11:12

Khukhumu kütami jukuloti chekeu ye kümsükulu kühae ikemu vethakulumi ye inaqhoi acheni.

ISAIAH 53:3

Pa ye timiqo no jukünatha eno miliveke; Pa ye ghichheghime shi eno amloghime no chhitoi, eno milakhi khuu lau, timiqo no pano gi küsüve cheni keno, pa thaigha eno ningu no Pa phimoke.

HOSIYA 9:7

Aghimepu tsalaqo ighivae; lokichile ghuloki ighivae; Israel no tipau ithi nani. Tungkupu huye mbomzüe; aghungu lo timi ye aghüzüe, ti ye nongu xine kije eno akimthi kije ghenguno ke.

MATTHEW 24:9

“Tileno nongu pesü shikighime eno pithive penike küghaluve nani, shiye kümtsü no I je ghenguno nongu jumithi nani.

MATTHEW 5:11

“Kughou I je ghenguno kütami no nongu thaigha, ghimeqhi eno akumou lono nongu lau atsa lhoksa pipukuni keno, nongu ye akümghapue.

Luke 10:16

“Khuu no nongu tsa chiluni keno, I tsa chilu ani, eno khuu no nongu kileveni keno, ni eno I puwu keu kileve ani.”

Luke 18:9

Itaghi Jisü no kimghikipiye hipau pesü khunono alikhi apülüpivi no amikucho kepi pükha püzü kütami jukünatha chekeno, tipaqo vilo pi:

Luke 6:22

“Kughou Timi Nu ghenguno timi no nongu mithini, eno nongu hapheve no thaigha ghi atichepu shi nongu juaje shitsüni keno, nongu ye akümghapue!

Apostolmi 17:18

Epicurus eno Stoic kükütsü papemi khami ghi pa sasü küptsae. Khami no pi, “Tsathipa hipau ye kiu pinishi ani kea?” Khamiu ye ishi pi, “Pa ye inami lhou ghili pianie mthae” —kughengu pa ye Jisü eno xüchilekulu ghili kütsü ae.

Apostolmi 17:32

Kughou panongu no kithimi xüchilekulu chilu keno, khami no junuqhi. Ikemu khamiu ye pi, “Hipa tsa lo ningu no o launo chilu kitheni.”

Apostolmi 26:24

Pa no hipaqo pi ghi pa shokha ake lono, Festus no asütsa kuloghi lono pi, “Paul, no ye o kükümsü aphi ije amovae, o kighithi kighiche no o kükümsü o shiküghüzüvae.”

Apostolmi 9:16

Pa ye I je ghenguno khijehi ime masa keno I no pa piye nani.”

1 Kor. 1:21

Kughengu Alhou lokütsü kiqilo ayeghilomi no Alhou ithimo keke niw mbomzü kükütsü vecheo khunono pülülu keno tipaqo xalu keu no Alhou lopu shilue.

1 Kor. 1:23

ikemu ningu no Khristo yedave keu kütsü cheni, ti ye Jewmi ghenguno apukhu küpsüpu eno Jewkumomi ghenguno mbomzü vehu,

1 Kor. 1:25

Kughengu Alhouw mbomzü ye timi lokütsü nguno alokütsü, eno Alhouw miqemlei keu ye timi kükakumto nguno akumtoue.

1 Kor. 10:12

Tighenguno khukhumu mtotoi puthugho ani aye pa ye veqhimo kepushi jukutolo.

1 Kor. 2:14

Ashilo küxümi ye Alhou Ghungu launo ighikeu ikhilu chemoe, kughengu ti ye pa ghenguno mbomzü ke, eno tipaqo ye aghungu lono kimchilu cheni kehu pa ye tipaqo vethalu chemoe.

1 Kor. 2:3

Ni ye miqemlei, msaighü eno khokhoshi nongu gholo ae,

1 Kor. 3:18

Timi khumu alikhi ampi pishiqhi kevilo. Nongu gholo khuana no pa ye hipa yeghi lo alokütsümi kepi aghi aye, pa ye alokütsümi shinike ghenguno mbomzümi shive masae.

1 Kor. 3:2

I no achuqupu kumto kumono akichhizü pesü nongu loji, kughengu nongu ye achuqupu kumto chukümlapu shiae, eno itehimu nongu ye chukulupu shimphi,

1 Kor. 4:8

Nongu ye nongu no lunishi keu kümtsü auvae! Nongu ye kinimi shivae! Ningu sümono nongu ye kükami shivae! Nongu no kaluke aye ningu ghi no gholo aküka küsajeni cheke!

2 Kor. 10:10

Kughengu khami no picheni, “Paw yesüqo ye mishishei eno mkamghai, ikemu pa ampi ye qeinai eno pa tsapi ye kiumu avehu kühae.”

2 Kor. 11:19

Nongu ampi no alokütsümi kehu aloviqhiyi küghüzümi lau kutuulu anina!

2 Kor. 11:29

Khuana no miqemlei animu I no miqemlei mono ani keshea? Khuana no ikiqi animu I pitipüza mono ani keshea?

2 Kor. 13:9

Kughou nino miqemlei anamu nongu no mtotoi ani keno, ningu ye alovi cheni. Nongu pelo kupukülailu peni keu no ni kighini ke.

2 Kor. 4:12

Ikehu akithi no ni lolo mla ani, ikemu aküxüpu no nongu lolo mla anie.

2 Kor. 6:8

ajekipi eno ajeküsa lo, thogha eno sheqhe keu kümtsü lo ningu no puqhe acheni. Pishikiqhimi toi ningu peitha cheni, ikeghi ningu no kuchoue;

1 Thes. 4:8

Tighenguno khuu no hi ikhilu moni keno, pa ye timi kumono Aghungu Kimthe nongu tsükeu Lhou ikhilu amoe.

1 Peter 4:14

Khristo je ghenguno nongu shou tichetighe ikughi aye nongu ye akümghapue; kughengu ajuküvü Ghungu eno Alhou Ghungu no nongu shou anike.